Latifalar

Bir erkak uyiga har kuni ichib kelar, ertalab tursa hamma yog'i momataloq, cho'ntagida pullari yo'q bo'lar ekan.
Bir kuni uyiga ichmasdan kelib, ataylab ko'zini yumib yotsa, xotini bilan bolalari tayoq olib kelib, endi urmoqchi bo'layotganlarida o'rnidan turib:
— Ha, demak bu senlarni ishlaring ekan-da!? – deb hammasini quvlab ketgan ekan.

Ko'zi yoriydigan yosh kelinchak tug'ruqxonada yig'lay boshlabdi.
— Nega yig'layapsiz? – debdi vrach.
Kelin:
— Menda egizaklar! - deb yana battar yig'lay boshlabdi.
— Egizaklar bo'lsa nimasi yomon? – so'rabdi vrach.
— Erim “Ikkinchi bola kimdan? Qaerdan olding?” deb so'rasalar nima deb javob beraman? – dermish kelin.

Buratina bir mazza qilib hammomda cho'milmoqchi bo'lib, issiqxonaga kirgan ekan, yonib ketibdi.

Ulfatlar do'stinikiga yig'ilishib, gaplashib o'tirishgan ekan. Dasturxonda hamma narsa bor, faqat aroq etishmayotgan emish. O'tirganlardan biri yonidagi o'rtog'ini turtib so'rabdi:
— Bugun ichamizmi o'zi?!
— Biroz sabr qil, - debdi do'sti.
Qarashsa, uy egasi qo'lida ikkita shisha olib kelayotgan emish.
— Ana, aytdim-ku senga olib keladi deb! – debdi do'sti.
Sabri chidamayotgan ulfati bo'sh qadahni ko'tarib:
— Men ungacha tost aytib turaveraman! – dermish.

Davlat byudjetidagi pullar – inson manfaatlari uchun mo'ljallangan pullardir! Qaysi insonlar deysizmi?! Ha, ularni har kuni televizorda ko'rib o'tiramiz-ku...!

Ishga shoshilib chiqib ketayotgan erini xotini to'xtatibdi:
— To'xtang-chi adasi. Hech narsani unutmadingizmi? – debdi har kuni ishga ketishdan avval bolalari bilan hayrlashib ketishi kerakligini eriga eslatmoqchi bo'lib...
Eri shoshib-hovliqib cho'ntagini kavlabdi-da 10 ming chiqarib, xotiniga berib “Boshqa yo'q, ushla! Bori shu!” deb yugurib chiqib ketavergan ekan.

Xotirasi past yigit sevgan qizidan SMS kutaveribdi-kutaveribdi...
Oxiri sevgilisi yo'qligi esiga tushib qolibdi.

Bir kishi qari donishmanddan:
— Ayollarni yaxshi yoki yomonligini qanday ajratsa bo'ladi? - deb so'rabdi.
— Ularni gapirishidan, - javob beribdi donishmand.
— Agar gapirmasa-chi?, - so'rabdi kishi.
Shunda donishmand:
— Shuncha yashab, bunday yaxshi ayolni uchratmadim, - deb javob beribdi.

Xotin eriga:
— Dadasi biz yaqinda bittaga ko'payamiz, - desa eri xursand bo'lib ketibdi.
— Rostanmi? Juda zo'r bo'pti-ku! O'g'il ekanmi yoki qizmi? – desa, xotini:
— Onam biznikiga ko'chib kelyaptilar, - dermish.

Bir kuni ikkita jinni qorni ochib o'ylanib o'tirishgan ekan, biri debdi:
— Qani endi bitta non bo'lsa, men bitta tishlardim, sen bitta tishlarding, men bitta tishlardim, - desa sherigi:
— Sen nega ikki martta tishlayapsan? - deb urishib ketibdi.

<< < 816 817 818 819 820 821 822 > >>

Tavsiya qilamiz

Bosh sahifa