Latifalar

Qishloq ko'chasidan qushdek uchib borayotgan "Neksiya" darvoza yonidagi supada o'tirgan Afandining ro'parasiga borib to'xtadi. Mashinadan olifta kiyingan bir yigit tushdi-da, Afandiga salom berib, uni bag'riga bosdi.
— Dada, - dedi yigit uni tanimay turgan Afandiga, - nima, meni tanimayapsizmi?
— Yo'q, taniyolmay turibman, - dedi Afandi yigitga boshdan-oyoq tikilib.
— Axir men, siz bundan 10 yil oldin shaharga nos olib kelish uchun yuborgan o'g'lingizman! O'shanda shaharda qolib ketib, ishga kirdim. Uyli-joyli bo'ldim, mashina sotib oldim, boyib ketdim! Durust qilibmanmi, dada? – debdi yigit quvonib.
Afandi hecham xursand bo'lmay:
— Xo'sh, nos qani? – dermish.

— Menga qarang! Nega siz kitob o'qimayapsiz?
— Vaqtim yo'q! Men kitob yozishim kerak...

O'zbekistonda juda-yam zo'r futbol jamoasini tuzish uchun, o'zimizning eng yaxshi uyinchilarimizdan 3 tasini olamiz. Uchchalasini ham zahiraga o'tkazib qo'yib, braziliyalik 11ta futbolchini sotib olib, yurtimiz nomidan maydon tushiramiz.

Tez yordam mashinasi katta yo'lda bir itni urib yuboribdi.
It o'lib yotsa, atrofiga odamlar to'planib ketishibdi. GAI xodimi nima qilishini bilmay, tez yordam mashinasidagi vrachga:
— Siz ayting. Odamlar tarqalishsin! – desa, vrach:
— Bu erda faqat marhumning yaqinlari qolsin. Qolganlar ketaversin, - degan ekan.

Qaniydi, imtihonda test savollari seriallardan tuzilgan bo'lsa…
Akang qarag'ay hozir granda o'qiyotgan bo'lardi!

Yo'l patrul' xizmati xodimi taksi mashinasini to'xtatib, haydovchiga:
— Siz lisenziyasiz yo'lovchilarni tashiganingiz uchun jarima yozaman, - desa, haydovchi:
— O'rtoq komandir, bugun hali bitta ham mijoz olganim yo'q! Bir tiyin pulim ham yo'q!
— Shunaqa deng?! Mayli unda boring! Tezroq odam olib, pul topib keling!

Bir qari kampir shifokor huzuriga borib:
— Bolam, yuragim og'riyapti, - debti. Shunda doktor:
— Ko'pqavatli uyda turasizmi buvijon? – desa, kampir:
— Ha, 3 qavatda turaman, - deb javob beribdi.
Doktor:
— Sizga umuman zinadan foydalanish mumkin emas. Manavi dorini 2 oy ichasiz. Dori tugagach keling, tekshiramiz, - debdi.
Onaxon 2 oydan so'ng kelib, yuragini tekshirtiribdi.
Doktor xayron qolib:
—Onajon, sizni yuragigingiz 18 yoshli qizlarni yuragidek uryapti. Siz butunlay sog'siz! - debdi.
Kampir xursand bo'lib:
— Endi uyimga zinadan chiqsam bo'ladimi? – desa, doktor:
— Shu paytgacha nimada chiqayotgandingiz? –debdi.
Onaxon:
— Ikki oydan beri oyna, tarnovlarga ilashib chiqayotgandim, - dermish.

Bir kishi yo'ldan o'tib ketayotsa, afandi mushugini yuvintirib turgan emish. Shunda yo'lovchi afandiga:
— Mushugingizni yuvmang, o'lib qoladi, - desa afandi:
— Seni nima ishing bor, - deb javob qilibdi.
Biroz vaqt o'tib haligi yo'lovchi qaytib o'tayotsa, afandining mushugi o'lib qolib. Afandi tepasida yig'lab turganmish.
Shunda yo'lovchi afandiga:
— Men sizga aytgandimku, mushugingizni yuvmang, o'lib qoladi deb. Gapimga kirmadingiz. Mana ahvoli! - desa. Afandi yo'lovchiga qarab:
— Mushugimni yuvganda o'lgani yo'q. Tezroq qurisin deb yaxshilab suvini siqgandim, o'lib qoldi, - dermish.

Statistik ma'lumotlarga ko'ra, bitta yigitga 8 ta qiz to'g'ri keladi. Menda qiz yo'q! Demak, qaysidir ablah 16 ta qiz bilan yuribdi…

Eri baliq oviga ketayotib, xotiniga:
— Men ertaga qaytaman, - debdi.
Aksiga olib, o'sha kuni yomg'ir yog'ib qolibdi. Telefonini olib qarasa quvvati tugab qolibdi. Do'stini telefonidan xotiniga qo'ng'iroq qilsa, xotini go'shakni ko'tarib:
— Allo, men ketyapman! – debdi eri.
Xotini shoshib-pishib:
— Kelavering! Ahmoq erim shu yomg'irda baliq oviga ketdi, - dermish.

<< < 819 820 821 822 823 824 825 > >>

Tavsiya qilamiz

Bosh sahifa