Latifalar

— Nega sizlar mashq qilmayapsizlar?
Bokschilarimiz javob berishibdi:
— Bizlar ringga chiqganda mashq qilamiz...

Yigit bilan qiz niyat bulog'iga borishibdi.
Birinchi bo'lib yigit niyat qilib suvga tanga tashlabdi.
Keyin navbat qizga kelibdi. Qiz tangani tashlayman deb, o'zi suvga tushib ketibdi.
Shunda yigit:
— Shu erda niyat qilsang, albatta amalga oshadi deyishardi. Rost ekan! – dermish.

Ikki dugona suhbatlashmoqda:
— Nega nikoh uzugingni boshqa barmog'ingga taqib olding?
— Chunki boshqa insonga turmushga chiqqanimni tushunib oldim.

— Doktor, tushimda men odamxo'r emishman. O'zimga o'xshaganlar bilan bir qabila bo'lib yasharmishman. Bir kuni huddi xotinimga o'xshagan ayolni eb qo'yibmiz.
— E, havotirga o'rin yo'q. Tushga nimalar kirmaydi deysiz?!
— To'g'ri-ku-ya, lekin uch kundan beri xotinimni topa olmayapman...

Eri ishidan ertaroq qaytib kelib, xotiniga debdi:
— Xotin, bolalarni kiyintir. Bugun hayvonot bog'iga boramiz!
Xotini ajablanib:
— Nega? Dab-durustdan boramiz deyapsiz? – desa, eri jahli chiqib:
— O'zing necha kundan beri qarindoshlarimni sog'indim, ko'rgani borib-kelaylik deb holi-jonimga qo'ymayapsan-ku! – debdi.

Qamoqda o'tirgan mahbus xotinidan xat oldi. O'qib chiqqach, kameradoshlari undan so'rashdi:
— Xotining nima deb yozibdi?
— E, o'g'lim yana beshinchi sinfda qoladigan bo'pti… Oilamizni rossa sharmanda qildi yaramas.

Ikkita sport shinavandasi suhbatlashmoqda:
— Mak Gregor Xabibni tepganini ko'rdingmi?
— Ha. U Xabibni tepib, pastga tushirib yubormoqchi edi.
— Nega tushirib yuboradi? Axir jang tepada bo'layotgan edi-ku!?
— Pastda Mak Gregorni muxlislari Xabibni kutib turishgan edi-da…

Ikki do'st suhbatidan:
— Qariyalarimiz aytishadi-ki, avvalgi o'zbek kinolarini ko'rgan odamlar, o'zlariga kerakli xulosalarni chiqarishar ekan. Hozirgilari esa unaqa emas!
— Bo'lmagan gap! Masalan, men kecha bir kino ko'rdim... Boshqa umuman o'zbek fil'mlarini ko'rmayman degan xulosaga keldim.

Chiroqlari o'chirilgan xonada er divanda televizor ko'rib yotsa, xotini yoniga kelib o'tirdi-da, — Nima qo'ryapsiz? – deb so'rabdi.
Shu payt eri sekin xotinining qo'lini, keyin bilaklarini, keyin belini silab turib, to'xtab qolibdi.
Xotini kinoyali ohangda:
— Ha, nimaga to'xtab qoldingiz? – desa, eri:
— Televizorni pul'tini ustiga o'tirib olmadingmi deb qidirayotgandim. Mana topdim, - degan ekan.

Bir yigit bozorda ayollar taqinchoqlarini sotib o'tirsa, yoniga chiroyli qiz buvisi bilan kelib so'rabdi:
— Mana bu taqinchoq necha pul?
— 20 ta bo'sa debdi, - yigit hazillashgisi kelib.
Shunda qiz:
— Men shunisini olaman. Haqqini buvim to'lab yuboradilar, - dermish.

<< < 825 826 827 828 829 830 831 > >>

Tavsiya qilamiz

Bosh sahifa