Latifalar

Mast holda uyga kelgan eri erga yotib uxlab qolibdi.
Hech nima qila olmagan xotini uni boshiga yostiq qo'yib, ustiga ko'rpa yopib qo'ysa, yarim kechasi eri baqirayotganmish “Xotin chiroqni yoq! Negadir kravatni oxiri ko'rinmayapti, tusha olmayapman!”

So'rovnoma:
— Sizga qaysi kanal yoqadi?
— UZREPORT TV.
— Nimasi yoqadi?
— Er sharini aylanib turishi.

Bemor doktor qabuliga kelib debdi:
— Doktor, men internetga juda qattiq bog'lanib qolganman. Hecham undan ajrala olmayman. Agar shu kasalligimni davolasangiz, doim sizni xabarlaringizga “Layk” bosib turishga va'da beraman.

Eng yaxshi dam olish kunlari bu – dushanba kuni ishga bormaydigan kunlaringdir.

— Davlat iqtisodiyoti tanazzulga yuz tutgan. Mamlakat aholisi och, nochor va norozi, ammo jim! Xalq umuman kitob o'qimay qo'ygan... Yosh bolalar ham ko'chalarda sigaret chekib yurishar, qo'ni-qo'shnilar bir-birlari bilan bir qarich erni talashib, hukumatga arz qilishardi. Rahbarlar esa go'yoki hech narsani ko'rmayotgandek, bemalol yuraverishar, oddiy xalqning pullariga dang'illama...
— O'g'lim, yangiliklarni o'qishni bas qil! Komp'yuterni o'chirgin-da, dars qilishni boshla!
— Oyijon, axir men tarix fanidan “Rim imperiyasini qulashi” mavzusini o'qiyapman-ku!

— Hoy bolam, ko'katlardan olib ketgin. Shu qoldi faqat. Menam sovuqda qolib ketdim...
— Ko'katlaringiz qanchadan ekan?
— Bir bog'i 2 mingdan, kelaqol...
— Ha, yo'q xolajon...! Qalinroq kiyinib oling!

Ikkita sevishgan talabalar oshxona yonidan o'tib borayotishsa, kabob hidi dimog'iga urilibdi. Shunda qiz chuqur nafas olib:
— Voy, mazzaligini... – desa, yigiti:
— Senga yoqdimi? – debdi.
Qiz:
— Ha, juda-yam, - desa, yigit:
— Yur, unda yana bir martta oldidan o'tamiz, - dermish.

5 yoshli bolakay ko'chaga o'ynagani chiqib ketayotib, 87 ga kirgan buvasiga debdi:
— Buvajon, tishlaringiz bormi?
Buvasi:
— Voy, menda tish qolibdimi?! – debdi.
Bolakay xursand bo'lib:
— Unda mana bu kulchamni ushlab turing. Men ko'chada biroz o'ynab kelaman, - degan ekan.

“Million”ni konsertidan chiqgan yigitdan so'rashibdi:
— Konsert qalay bo'ldi?
U yigit:
— Bravo, - degan ekan.

Sudda:
— Guvoh, agar siz noto'g'ri guvohlik bersangiz, sizni nima kutayotganini bilasizmi?
— Bilaman, menga ikki xonali uy va'da qilishgan.

<< < 844 845 846 847 848 849 850 > >>

Tavsiya qilamiz

Bosh sahifa