Latifalar

Xizmatkor betob bo‘lib qolgan edi, uy bekasi shifokorga odam jo‘natdi. Shifokor kelib bemorni obdon tekshirdi. Uy bekasi xonadan tashqariga chiqishi bilan xizmatkor shifokorning qulog‘iga asta shivirladi:
— Doktor, men kasal emasman, faqat olti haftadan buyon xujayin haqimni bermayapti, uni olguncha yotaverishga ahd qildim.
— Uy bekasi meni to‘qqiz marta chaqirib, sariq chaqa ham to‘lagani yo‘q, sal suriling, unda men ham o‘ringa yonboshlay, — dedi shifokor.

Poyabzal ustaxonasining direktori Afandiga maqtandi.
— Menga qoyil bo‘ling, kuniga 200 kg mix, 100 kg yelimni tejab qoldim.
— Qoyilman sizga,— dedi Afandi, yirtiq tuflisini ko‘rsatib,— ko‘ryapsizmi, mening tuflim ham «til»ini chiqarib gapingizni ma’qullamoqda.

Afandi Podsho bilan ovga ketayotgan edi, oldilaridan quyon chiqib qoldi.
— Yuguring Afandim, ushlang quyonni,— buyurdi Podsho.
— Afandi otdan sakrab tushib quyonni quvlay ketdi. Quyon tutqich bermay qochib qoldi. Afandi harsillagancha Podshoning yoniga kelib, yelka qisdi.
— E, o‘zingizam toza noshud ekansiz—da! Shu oldiginangizda turgan quyonni ikki sakrab tutolmay... E shalviramay qoling—e!
— O‘zingiz o‘ylang axir, qorin to‘ygazish umididagi quvish bilan jon qutkazish umididagi qochish baravar bo‘ladimi?!

Qizim, nega idish tovoqlaring sinib yotibdi?
— Kuyovingiz bilan urishib qoldik.
— Divanning oyoqlari nega sinib yotibdi?
— Kechqurun kuyovingiz bilan yarashib oldik...

Bir tilanchi eshikni taqqillatibdi.
Uy egasi eshikni ochib, tilanchini ko‘ribdiyu bitta non chiqarib beribdi. Tilanchi esa:
— Menga tort bersangiz, debdi.
— Iye, nega? Doim non olardingku?
— Bugun mening tug‘ilgan kunim...

Birinchi sinf o‘quvchisi ilk marta maktabga borib qaytgach, kayfiyati yomon, sumkasini otib yuboribdi.
Onasi:
— Nima bo‘ldi? - desa.
Bola:
— Maktabni obedgacha degandiz, 9 yil ekanku, - dermish

Ikki ayolning "Korzinka" supermarketidagi suhbatidan:
— Bilasanmi Maryam, sotuvga qo‘yilgan bir tog‘ yuvish vositalaridan qay birini olishni bilmay, boshim qotib qoldi. Sen polni yuvish uchun nimadan foydalanasan?
— Erimdan-da. Bilasanmi, natijasi zo‘.o‘.r!

Er divanda gazeta o‘qib o‘tirsa, xotini protivogaz kiyib yoniga o‘tiribdi. Eri hatto qaramabdi.
Xotini eriga:
— Menga e’tibor ham bermaysiz-a, - desa.
Eri xotiniga qarab:
— Qoshingni teribsanmi? - dermish

Podsho uzoq muddatlik ovga ketgan edi. Boshqa mamlakatdan elchi kelib qoldi. Vazir uni parvarish qilishni Afandiga topshirdi. Afandi har kuni oshpazga tayinlab, elchini qirg‘ovul, bedana, kaklik go‘shtlaridan tayyorlangan sara ovqatlar bilan boqar edi.
Oradan besh-o‘n kun o‘tdi, qush go‘shti elchining me’dasiga tegib, u oshpazdan so‘qim go‘shtidan ovqat tayyorlab berishni iltimos qildi. Oshpaz uning tiliga tushunmay, vazirga murojaat qildi. U ham tushunmay Afandidan tushuntirib berishni iltimos qildi.
Afandi elchi huzuriga borib, imo-ishoralar bilan maqsadini so‘ragan edi, u ikki qo‘lini boshi ustiga shoxga o‘xshatib, o‘z tilida allanarsalar dedi, Afandi sira ham tushunmadi.
— Elchi nima xohlar ekan?— so‘radi vazir.
— Elchining ikki qo‘lini boshi ustiga ko‘targani uning podshoni ko‘rmoqchiman degani,— deb javob berdi Afandi.

Er uyga kelsa xotini qip-yalang‘och yurganmish.
Er:
— Xotin, shkaf to‘la kiyimlaring bo‘lsa, har oy senga 1-millionlik ustbosh olib bersam, deb borib shkafni ochib:
— Mana Hindistondan kelgan djempering, mana Dubaydan kelgan ko‘ylaging, mana Turkiyadan kelgan ko‘ylaging, mana.... iye Ahmad bu yerda nima qilyabsan qochib tur, mana Yaponskiy ko‘ylaging.... - dermish.

Chiroq "E" ovozi bilan o‘chsa, bilingki xojatxonada kimdir bor.

Qiz yigitiga erkalanib, asta shivirlagan ovozda:
— Joon, agar mani yana bir marta o‘psangiz, man bir umr sizniki bo‘laman, - desa.
Yigit sekin o‘zini qizdan obqochib:
— Ogohlantirganing yaxshi bo‘ldi, - dermish.

Ayol dugonasiga:
— Dugonajon, erim endi menga xiyonat qilmayapti!
— Voy, rostanmi? Anchadan berimi?
— Ha, rost. Ertaga qirqini o‘tkazamiz.

— Sevinch bilasanmi, futbol tomosha qilganimda — dunyodagi barcha narsalarni unutaman...
— Mani ismim Nargiza.

O‘ta ishqiboz baliq ovlaydiganlarning musobaqasi bo‘libdi. Mahalliy radioning muhbiri g‘oliblar bilan suhbatlashmoqdalar.
Birinchi bo‘lib 3-o‘rinni egallagan bilan:
— Marhamat, o‘zingizni tanishtiring, qanday qilib bu yutuqqa erishdingiz?
— Men tuman markaziy shifoxonasida jarrohman, odamlarni operatsiya qilib olib tashlangan apendeksni, qarmoqqa ilib baliq ovladim, baliqlarning kattasidan belgilangan vaqtda 12tasini (27 kg) tutdim 3— o‘rin berishdi.
Ikkinchi bo‘lib 2-o‘rinnni egallagan bilan:
— Marhamat o‘zingizni tanishtiring, qanday qilib, bu yutuqqa erishdingiz?
— Men ham vrach, ammo men angina bilan og‘riganlarning glandasini olib tashlayman. Qarmoqqa glandadan qo‘ygandim, 15ta katta baliqlardan (35kg) tutdim, 2-o‘rinni berishdi.
Uchinchi bo‘lib 1-o‘rinni egallagan bilan:
— Menimcha siz ham vrach bo‘lsangiz kerak, aytib bering qanday qilib bu yutuqqa erishdingiz?
— Yo‘q, men vrach emasman, umuman o‘qimaganman, ustaman chipron to‘ylarida xatna qilaman. Men qarmoqqa xatna to‘yida ortiqcha deb olib tashlangan narsadan qo‘ygan edim, 25ta katta baliqlar (40 kg) ilindi. Xursandman 1-o‘rinni berishda, - dermish

— Allo, bu Bobur-akani nomerimi???
— Yo‘q, men Shaxnozaman!!
— Aldamang, Bobur-akani nomeriku bu to‘g‘rimi??
— E, qanaqa Bobur? Men Shaxnozman!!!-
— Unda nimaga erimni telefonida Bobur deb yozilibsiz??!!

Er xotin suhbatidan:
— Qora shimim qani?
— Kecha yuvgandim, kichrayib qolibdi, ukamga berib yubordim!
— Ko‘k ko‘ylagim qayerda?
— Uni ham yuvgan edim, kichrayib qolibdi, ukamga berib yubordim!
— Undan ko‘ra meni yuvib kichraytirib, singlinga bervorsang bo‘lmaydimi?!

Stomatolog xuzurida.
— Doktor, shunaqangi qo‘rqyapman-ki, hatto bilmayapman, tish oldirish qo‘rqinchlikmi yoki bola tug‘ish!!!???
— Go‘zal qiz tezroq hal eting, kresloni shunga qarab joylashtiraman!

Bir cholni nevarasi bor ekan, ismi Diplom ekan. Bir kun cholni uyiga mehmon kelibdi. Chol nevarasiga:
— Diplom bor choy damlab kel, - debdi.
Mehmon hayron bo‘lib choldan so‘rabdi:
— Nevarangizni ismi nimaga Diplom?, - desa,
Chol:
— Qizim shaharga diplom olib kelaman deb ketib, shuni yetaklab keldi, - dermish

Bir boyvachcha rusning qizi dadasiga:
— Dada, men erga tegayapman!
— Kimga?
— Popga.
— Nima aqldan ozdingmi? Popni nima qilasan?
— Dada bu sevgi, yuragimga buyruq berolmayman axir
— Kechki ovqatga olib kel uni, men bir gaplashib ko‘raychi.
Kechki ovqatda suhbat boshlanibdi.
— Xo‘sh kuyov bola, mani qizimni bitta kiyimi 10000$ turadi, har haftada almashtiradi. Qanday olib berasan?
— Xudoyim o‘zi yordam beradi.
— Har haftada bir marta Parijda sochini turmaklatadi, bunichi?
— Xudoyim o‘zi yordam beradi
— Qizim faqat Ferrari minadi, har yarim yilda yangi modelidan oladi, buni nima qilasan?
— Xudoyim o‘zi yordam beradi.
Ovqatdan keyin pop ketibdi. Qizi dadasidan so‘rabdi:
— Xo‘sh dada kuyov sizga yoqdimi? Qanday ekan?
— O‘ziku toza laqma ekan, lekin meni xudo deb bilayotgani menga yoqdi.

<< < 21 22 23 24 25 26 27 > >>

Jami 2090 ta latifa mavjud

Tavsiya qilamiz

Bosh sahifa