Latifalar

Bir qizcha yo‘l bo‘yida yig‘lab o‘tirgan ekan.
Bir kishi kelib:
— Nega yig‘layapsan, - deb so‘rabdi
Qizcha "1000 so‘m pulini yo‘qotib qo‘yganini", aytibdi.
Haligi kishi qizchaga 1000 so‘m beribdi.
Qizcha yana ham qattiqroq yig‘labdi.
— Yana nega yig‘layapsan, - deb so‘rasa
Qizcha:
— Yo‘qotmaganimda 2000 so‘m bo‘lardi, - dermish.

Afandi shayx bilan qabristonni ziyorat qilib yurar edi. U qabr toshiga yozilgan bir lavhani o‘qib hayron qoldi, unda: «Bu shaharning podshosi Sulton Abdulmalik pop Sulton Abdulmutalib jahonga mashhur bo‘lib uch yoshida vafot etdi» deb yozilgan ekan:
Afandi taajjublanib shayxdan so‘radi:
— Uch yoshida o‘lgan bola qanday qilib jahonga mashhur bo‘ladi?
Shayx javob berdi:
Sulton Abdulmalik yetmish yil yashab shundan faqat uch yilini xursandchilik bilan o‘tkazgan ekanlar. Shuni umr hisoblab, vasiyat qilganlar.
— Agar shunday bo‘lsa,— dedi Afandi,— men o‘lganimda qabrimga lavha tosh qo‘yiladigan bo‘lsa, unga: «Mulla Nasriddin tug‘ildi-yu o‘sha zamoni o‘ldi» deb yozilar ekan-da!

Poshsho bir kuni Afandining oldida oynaga qarab, o‘zining xunukligidan shikoyat qildi:
— Qara, odam ham shunaqa xunuk, badbashara bo‘ladimi?
— Bir marta oynaga qarab shuncha xafa bo‘lasiz,— javob berdi Afandi,— o‘lmagan bizning jonimiz: har kun sizni o‘n marta ko‘rsak ham chidab yura beramiz.

Qurilishda ishlaydigan bir yigit doktorga boribdi.
— Doktor, yordam qiling. Ichim qotib qolganmi, bilmayman, hech hojatga chiqa olmayapman.
— Ho‘sh, qani shimingizni yechib engashingchi.
Yigit engashibdi. Doktor:
— Haaaaa, tushunarli, - deb xonasida turgan bir tayoq bilan yigitni ketiga qattiq uribdi:
— Ana endi choping hojatxonaga.
Biroz vaqt o‘tib, yigit xursand holda qaytib kelib:
— Doktor, sizga katta rahmat. Qushday yengil bo‘ldim. O‘zi nima bo‘lgan ekan, tushunmay qoldim.
— Hech narsa bo‘lmagan, faqat bundan keyin ish vaqtida hojatga borsangiz, ketingizni bo‘shagan sement qopiga artmang.

Bir qiz uchrashuvga kech qolib keldi.
Yigit:
— Nega kech qolding?!
Qiz:
— Bilmaysizmi, chiroyli qizlar doim kechikib kelishga odatlangan.
Yigit:
— Buni bilaman, lekin san nimaga kech qolding...?

Oila dasturxonidagi shirinliklar 2 turga bo‘linadi:
1. Shirinlariga
2. Bunisini adamiz yesinlar!

Bir qiz folbin oldiga kelib:
— Xola, meni 2ta yigit sevadi, qaysi birini omadi chopadi, - desa
Folbin:
— Azizning omadi chopadi, Ahmad esa uylanadi, - dermish

Shogird ustozidan so‘radi:
— Ustoz, sabr nima?
— Parkentskiydan Hamid Olimjon tomonga yurish - debdi.

— Oyi, bugun avtobusda bir ayolga joy bersam, o‘tirmadi.
— Keyin nima qilding?
— Qaytib, yana dadamni tizzasiga o‘tirdim.

Operatsiyadan chiqqan otaxonning oldiga ko‘rgani do‘stlari kirishibdi. Uch daqiqadan so‘ng bemor otaxon jon xolatda qimirlab, qog‘ozga bir nimani yozib jon beribdi.
Do‘stlari:
— O‘limidan oldin ko‘rganimiz yaxshi bo‘ldi. Nima yozdi ekan deb yozuvni o‘qishsa:
— Kislorod shlangidan oyoklaringni ol padarlanat deb yozilgan ekan.

Ota va o‘g‘il o‘tirishibdi.
Bola:
— Dada alkash nima degani?
Ota:
— Alkash u anavi 2ta daraxtni ko‘rayapsanmi, o‘sha daraxtlarni 4ta ko‘radi, tushundingmi?
Bola:
— Dada u yerda bitta daraxt-ku, - dermish.

— Hayotimda 3 ta ayol bor ular: onam, xotinim va qizim, - deb intervyu bergan qo‘shiqchiga, buvisidan sms kelibdi:
— Pensiya pulimga obergan sovg‘alarim teshib chiqsin!

— Sevgilim, tarelkadagi tort bo‘lagini yeb ko‘r!
— Rahmat qornim to‘q, yemayman.
— Asalim, qara juda shirin tort! Hech bo‘lmasa bir tishlamgina yegin.
— Rahmat, qornim to‘q.
— Ozgina tatib ko‘r.
— Bas qiling! Man soat oltidan keyin hech nima yemayman!
— Tortni tanovul qil ahmoq. Uni ichida uzuk bor! Sanga uylanmoqchiman-ku tushunmayapsanmi. Romantikani ham beliga tepding!

Poshsho saroyidagi hamma a’yonlar Afandini yomon ko‘rardilar. Ular poshshoga Afandining ustidan g‘iybat qilishar, uning haqida turli-tuman uydirmalar tarqatishar edi. Biroq Afandi bilan uchrashganlarida hamisha o‘zlari sharmanda bo‘lishardi.
Bir kuni ular to‘planishib poshshoning oldiga kirishdilar-da, Afandining og‘zi sassiqligiga uni ishontirmoqchi bo‘lishdi. Ig‘vo ustiga tasodifan Afandi kelib qoldi. A’yonlarning rangi-quti o‘chib, damlari ichiga tushib ketdi.
Poshsho haqiqatni bilmoqchi bo‘lib Afandidan so‘radi;
— Qani, yaqinroq o‘tirchi, a’yonlar senga qattiq kasallik yo‘liqqan deydilar, rostmi?
— Shohim, ularning hammasi mening qadrdon do‘stlarim, ular yolg‘on gapirishmaydi, eshitaychi, ular nimalar deyishdiykin?
— Bularning aytishlaricha, sening og‘zing yomon sasib ketgan emish.
— Ularning gaplari juda to‘g‘ri, shohim,— dedi Afandi,— hozirgacha men ularning xiyonati, ahmoqona qiliqlarini birovga aytmay ichimga yuta berganimdan, o‘sha illatlar ichimda sasib, og‘zimdan chiqmoqda.

Mashhur yunon faylasufi Suqrotdan shogirdlari so‘rashibdi:
— Nikoh ko‘ngildagidek bo‘lishi uchun qanday shartlar kerak?
— Buning uchun ikki narsa kerak,- debdi Suqrot, — er kar, xotin so‘qir bo‘lishi kerak.

Sudya:
— Hurmatli guvoh, siz hozir yolg‘on gapirayapsiz, sizni nimalar kutayotganini bilasizmi?
Guvoh:
— Ha bilaman, bitta Kaptiva va ikki xonali uy kutayapti.

Talaba imtihonda domlani hech qaysi savoliga javob berolmabdi.
Shunda domlani jahli chiqib zachotkasiga "eshak", - deb yozib bersa
Talaba qo‘liga olib o‘qib turib:
— Domla ismingizni yozibsizu lekin bahoim qani? - dermish.

Yosh qizcha homilador bo‘lib qolibdi. Onasi:
— Qizim, o‘sha nobakor kim bizga ayt. Telefon nomerini ber, gaplashaman, debdi
Otasi esa:
— O‘sha itvachchani tutib olsam o‘ldiraman, deb tursa, uy oldiga "Ferrari" mashinasidan zo‘r kiyinib olgan o‘rta yoshlardagi bir boyvachcha yigit tushib kelibdi. Uyga kirib qizning otasiga:
— Amaki, uzr, qizingizga uylana olmayman, meni oyilam bor, lekin hamma xarajatlarni ko‘taraman. Agar o‘g‘il tug‘sa, 2ta zavod yana 5milion dollar beraman! Agar qiz tug‘sa, 1ta zavod, 2milion dollar beraman! Agar bolasi tushib qolsa...
Otasi:
— Agar bolasi tushib qolsa, qizimiz xizmatingizga muntazir.

Doktor:
— Men sizga hozir dori yozib beraman. Bir kunda 5 mahal ovqatdan keyin ichasiz.
Bemor:
— Doktor, men buncha ovqatni qayerdan topaman?

Bir chol kampiri bilan bozorga boribdi.
Chol: — Senga o‘zim bir bosh oyoq kiyim oberay.
Kampir — Hop, dadasi.
Chol sotuvchi juvonni oldiga borib:
— Qizim bu ko‘ylaklaring necha pul?
Sotuvchi: — 30 000
Chol: — Ha, yaxshi. aaa, bu lozimingchi?
Sotuvchi: — 40 000
Chol: — Exe, bu qizim qimmat aytdinku. Qizim bunday qilamiz ko‘ylaging yaxshi ekan, mayli ko‘ylagingni ko‘taramiz, lozimingni tushiramiz. Qanchaga byerasan?
Shunda kampir:
— Hay, yashamagur chol-a

<< < 36 37 38 39 40 41 42 > >>

Jami 2090 ta latifa mavjud

Tavsiya qilamiz

Bosh sahifa