Latifalar

Katta yo‘l bo‘yidagi post GAI oldiga, bir kampir, qoziq qoqib, sigirini bog‘layapti. GAI xodimi kampirga:
— Enajon, nega asfaltga sigiringzni bog‘layapsiz, o‘tloqda boqsangiz bo‘lmaydimi?, - desa
Kampir:
— O‘tlokda boqdim. Yem berib boqdim semirmadi. Sen shu post GAIda bir yildan beri ishlaysan-a?
— Ha, bir yil bo‘ldi ishga joylashganimga. Meni kuzatib yuribsizmi enajon?, - desa
Kampir:
— Bir yil oldin ko‘rganimda ozg‘in eding, mana buqaday semirib ketibsan. Ajab emas, sigirim ham semirsa, - dermish

Futbol hakami kechasi xotinini erkalayotsa.
Xotini:
— Charchadim uxlayman, - desa
Hakam shartta sariq kartochka ko‘rsatibdi.
Xotini:
— Nimaga?
— Simulyatsiya uchun, - debdi.
Bir biriga teskari qarab yotishibdi. Oradan yarim soat o‘tgach, xotini eriga qizil kartochka ko‘rsatib turarmish.
Eri:
— Nimaga?
— Qo‘l bilan o‘ynaganiz uchun.

Bir yosh bolakay ko‘p qavatli uylar oldida xafa bo‘lib o‘tirgan ekan, maktab yoshidagi bir bolakay yoniga kelib:
— Nima qilib o‘tiribsan? - deya gap boshlabdi.
— Uf, zerikib ketdim! - debdi yosh bolakay.
— Kel, unda zoopark-zoopark o‘ynaymiz?
— A, u qanaqa o‘yin? Men bilmayman-ku?!
— Bu judayam oson: Men maymun bo‘laman, sen esa menga banan olib kelasan!

Xotini eriga:
— Azizim, magazinga borib keling!
— Sevgilim, hozir ko‘cha shunchalik sovuqki, hatto itni ko‘chaga haydasang chiqmaydi.
— Vooy-bo‘o‘, unday bo‘lsa, itsiz boraqoling!

Magazinda. Sotuvchi xaridor yigitga:
— Qaytimizga "Mikki Maus"ni rasmi bor saqich beraveraymi?" - desa
Xaridor:
— Nima, men sizga yosh bolamanmi, "Mersedes"ni rasmi bor saqich bering" - dermish

Bir arab shayxiga qon quyish kerak bo‘lib qolibdi. Uni qoni juda kamyob ekan, o‘xshashini bir yahudiydan topishibdi. Yahudiy rozi bo‘libdi, uni qonini shayxga quyishibdi.
Shayx yahudiyga qon bergani uchun mashina va uy sovg‘a qilibdi. Bir yildan keyin shu hol qayta takrorlanibdi.
Yahudiy xursand bo‘lib qon beribdi. Shayx unga bir korobka pechene sovg‘a qilibdi. Yahudiy hayron bo‘lib:
— O‘tgan safar menga mashina va uy sovg‘a qilgandingiz-ku?
Shayx:
— U paytda menda yahudiylar qoni oqmayotgandi-da

Afandi savat ko‘tarib bir boqqa o‘g‘irliqqa kirdi, har xil uzumlar bilan savatni to‘latib turganda, bog‘bon kelib yoqasidan bo‘g‘di:
— Nega boqqa kirding?!
Afandi undan balandroq keldi:
— Bo‘lmasa nega xotiningga kavush olib bermading?
— Iye, ali desa, bali deydi-ya, bu odam. Xotinimning kavushi bilan sening nima ishing bor?
— Qiziq odam ekansan, gapni kavlasang, gap chiqadi, o‘g‘irliqqa kirdim deymi bo‘lmasa!..

— Mening ismim Bahodir, do‘stlarim meni Baho deb chaqirishadi.
— Mening ismim Ramziddin, do‘stlarim meni Ram deb chaqirishadi.
— Mening ismim Itolmas, do‘stlarim mening ismimni to‘liq aytib chaqirishadi.

Institutda dars beradigan domla kasal bo‘lib qolibdi. Domlani bir talaba ko‘rgani kelibdi.
Talaba:
— Ha, domla nima bo‘ldi? Itdek ozib ketibsizku!
Domlani bu gapdan keyin battar mazasi qochibdi.
Keyin yana bir talaba domlani ko‘rgani kelibdi. Domla ikkinchi kelgan talabaga, birinchisini yomonlab ketibdi. Qara men o‘zim o‘qitib, talim bergan shogirdim meni itga tenglashtirdi.
Ikkinchi talaba:
— Eh, domla hafa bo‘lmang. Yaxshi bo‘lib sog‘ayib ketasiz, cho‘chqaday semirib ketasiz hali.
Domla avvalgidan ham battar bo‘lib qolibdi.
Keyin domlani eng yaqin do‘sti kelibdi. Keyin domla do‘stiga talabalarni ikkisini ham yomonlabdi:
— Ey do‘stim, men o‘zim o‘qitib odam qilgan shogirdlarimni qara, bittasi itga, ikkinchisi cho‘chqaga tenglashtirdi nomardlar!
Bu gaplarni eshitib do‘stini jahli chiqib ketdi:
— Do‘stim, sen umuman ko‘nglinga olma. Bu ikkala shogirding ham aslida odamdan emas, eshakdan ta’lim olgan ekan!

Qiziq! Nega yigitlar sevgan qizini "qizim" deydiyu, lekin qizlar yigitlarini "o‘g‘lim" deyishmaydi.

10 yoshli bola dadasidan so‘rayapti:
— Dada, fonarigim qani?
— Fonarni nima qilasan?
— Uchrashuvga ketyapman.
— Men uchrashuvga fonar olib bormasdim...
— Ko‘rdingizmi, qorong‘ida kimni tanlagansiz!!!

Shermat-aka ishlab turgan ekan. Bir alkash kelib:
— Xormat-aka shermang, - desa.
Shermat-aka:
— Ha, "gapgan topingni qarayu", - dermish

Xotini:
— Adajonisi bugun turmush qurganimizga 25 yil bo‘ldi, qo‘y so‘yib is chiqazvoraylik, - desa
— Eri qo‘yda nima ayb, ammangni so‘yish kerak, 25 yil oldin ammang bizni uchrashtirgan, qo‘y emas.

Er ishdan uyga kelsa, xotini kitob o‘qib o‘tiribdi. Er undan so‘rabdi:
— Xotinjon mensiz zerikmadingmi? Yo‘q, men kun bo‘yi Shekspir bilan tillashib o‘tirdim.
— Shunaqami? Ko‘rdim.
— Nimani ko‘rdingiz?
— O‘sha Shekspir karavat ustida shlyapasini unutib qoldiribdi, - dermish.

Afandi zamonning zayli bilan boshqa bir shaharga borib qoldi. U bozorni tomosha qilib yurgan edi, holvapurushning do‘konida turgan har xil holvalarga ko‘zi tushib qoldi. Afandining og‘zidan suvi keldi-da, holvalardan olib, yeyaverdi.
Buni ko‘rgan holvapurush qo‘liga kaltak olib, uni savalay boshladi.
Afandi tayoqning zarbini pisand qilmasdan, holvani to‘yguncha yedi, keyin:
— Bu shahar xo‘p ajib shahar ekanu, holvapurushlari odamni urib holva yedirgani yomon ekan, - deb keta berdi.

Yaqinda turmushga chiqqan qiz onasiga qo‘ng‘iroq qilibdi:
— Kuyovingiz bilan janjallashib qoldim…Dahshat, endi nima qilaman?
— O‘zingni bos qizim, yangi turmushda bunaqasi bo‘lib turadi!
— Buni-ku yaxshi bilaman oyi, murdani nima qilay?!

Bir kuni askar polkovnikni oldiga kirib:
— Ruxsat bering o‘rtoq polkovnik, sizga ustavdan tashqari murojat qilsam bo‘ladimi? - desa Polkovnik:
— Bo‘ladi, - debdi.
Shunda askar:
— San qari eshak, sassiq chol, jonga tegding, qachon ishdan ketasan. Ruxsat bering o‘rtoq polkovnik ketishga, - dermish.

Bo‘lg‘usi rafiqasi bilan uchrashuvga otlangan yigitga xolasi aql o‘rgatyapti:
— Sen qizga albatta 3 ta savol berishing kerak. Birinchi savol ro‘zg‘orga oid bo‘lishi shart. Ikkinchisi oila, uchinchisi esa falsafiy bo‘lsin, tushundimi jiyan, bo‘sh kelma!
Kuyov uchrashuvga borganida xolasini aytganlariga amal qilib so‘radi:
— Kechirasiz, siz makaronni yaxshi ko‘rasizmi?
— Yo‘q.
— Ukangiz-chi, u makaronni yaxshi ko‘radimi?
— Meni ukam yo‘q.
— Nima deb o‘ylesiz, agarda ukangiz bo‘lganida makaronni yaxshi ko‘rgan bo‘larmidi?!

Afandining xotini o‘lib, bir tul xotinga uylandi. Bu xotin bo‘lar-bo‘lmasga janjal ko‘tarar...
— O‘lgan erim undoq edi, bundoq edi, — deb yig‘lar edi.
Afandi bir kuni undan balandroq ovoz chiqarib yig‘ladi. Xotin hayron bo‘lib so‘radi:
— Men-ku o‘lgan erimni eslab yig‘layapman, siz nega yig‘laysiz?
Afandi piq-piq yig‘lab turib javob berdi:
— Agar o‘sha sho‘rlik ering o‘lmaganda, sen tul qolmagan bo‘lar edingu, myen senga uylanmagan bo‘lar edim...

Qiz bilan yigit xiyobonda aylanib yurishgan ekan. Daraxtzorlar orasiga kirganda yigit qizni qo‘lidan ushlab:
— Jonim, xohlaysanmi senga yoshligimda kesib tashlashgan joyni ko‘rsataman?
Qiz qizarib yerga qarab:
— Qo‘ying uyalaman, to‘ydan keyin ko‘rsatarsiz.
— Bunga to‘yni nima aloqasi bor, hozir ko‘raver. Ko‘ryapsanmi xo‘v, anavi daraxtlar orasida ko‘rinayotgan binoni, o‘sha bino klinika. Yoshligimda o‘sha joyda ko‘richagimni kesib tashlashgan...

<< < 40 41 42 43 44 45 46 > >>

Jami 2090 ta latifa mavjud

Tavsiya qilamiz

Bosh sahifa