Latifalar

— Dadasi, meni tug‘ilgan kunimga nima sovg‘a qilasiz?
— Qo‘shnimizning Kaptivasi esingdami?
— Ha esimda, azizim, esimda...
— Huddi shu Kaptiva rangidagi paypoq sovg‘a qilmoqchiman.

Yosh qizaloq:
— Voy, dadajon piyolangizga qarang, choy shamasi suzib yuribdi. Endi biznikiga mehmon keladi, - debdi sevinib.
Dadasi choydagi shamani shoshilib olib, yutib yuboribdi-da, - ana endi hech kim kelmaydi, - debdi.
Shu payt o‘g‘li uyga yugurib kirib:
— Dada, xolam biznikiga kelayotib, liftga qamalib qoldilar, - dermish.

— Vrach qabuliga yozilsam bo‘ladimi?
— Ha albatta. 20000 to‘lashingiz kerak.
— Bepul vrachga kirmoqchiman!
— Marhamat, ikki oy navbatingizni kutasiz.
— Ikki oy kutolmayman. Kelishaylik...
— Mayli kelishamiz, 20000 bo‘ladi.

Psixolog mijozga:
— Eng yomon ko‘rgan odamingizga xat yozib, uni yoqib yuboring.
Mijoz:
— Xo‘p bo‘ladi. Xatni-chi, xatni nima qilay?

Er-xotin va mehmonga kelgan qaynona tushlik qilib o‘tirishibdi. Ovqatini yeb bo‘lgan qaynona o‘rnidan turishi bilan, u o‘tirgan joyga devordagi katta soat to‘satdan sharaqlab tushibdi.
Shunda eri:
— La’nati soat. Doim kechikib yuradi-ya.

Ashaddiy futbol muhlisi bo‘lmish Abduraim tog‘adan jurnalist intervyu olmoqda:
— Abduraim tog‘a, futbol terma jamoamiz haqida nimalar deya olasiz?
— So‘kinib gapirsam bo‘laveradimi?
— Yo‘g‘-a, axir bizni millionlab odamlar tamosha qilishadi-yu!
— Unaqada, hech narsa deyolmayman.

Bolasini olib ketish uchun bog‘chaga kelgan ona tarbiyachi o‘rindiqda uxlab yotganini, bolalar esa maydonchada bir o‘zlari telefon o‘ynab o‘tirishganini ko‘rib jahli chiqib ketibdi. Tarbiyachini tepasiga borib baland ovozda:
— Bu nimasi? Hamma bolalar qochib ketishadi-ku, - desa,
Tarbiyachi:
— Tinchlaning, hech qayoqqa ketishmaydi. Chunki Wi-Fi faqat maydonchani ichida ishlaydi, - dermish.

Yigit:
— Sevgilim, sizni uchratgan kunimdan beri na ovqat yeyman va na suv ichaman...
Qiz xursand bo‘lib:
— Nahotki, meni shunchalik qattik sevib qolgan bo‘lsangiz?
— Yug‘-a. Shunchaki o‘zimga pul ortmayapti!

Ikki dugona gaplashyapti:
— E dugonajon, anchadan beri tobim yo‘q. Juda mazam qochyapti-da. O‘tib ketarmikin-a?
— O‘tib ketadi. O‘tgan yili yon qo‘shnim huddi sizga o‘xshab yurgan edi. O‘tib ketdi rahmatli.

Er rosa ichib, kayfda uyga keldi. Xotiniga mastligini bildirmayman deb harakat qilibdi. Xotin buni sezib gap boshladi:
— Dadasi rosa ichibsiz-a?
— Hechamda, bir gramm ham ichmadim.
— Byekorlarni aytibsiz, rosa ichgansiz!
— O‘lay agar ichmadim!
— Qani unda "Qishda kishmish pishmasmish, kishmish pishsa qishmasmish" dengchi!
— Qishda pishmish qishmasmish, pishmish qishsa pishmasmish... E bor-e, rosa bo‘kib ichdim.

Bir kishi bozordan sotib olgan to‘tiqushini gapirishga o‘rgatyapti:
Kishi:
— Men yurishni bilaman.
To‘ti:
— Men yurishni bilaman.
Kishi:
— Men gapirishni bilaman.
To‘ti:
— Men gapirishni bilaman.
Kishi:
— Myen ucha olaman.
To‘ti:
— Aldama!

Bir o‘zbek Fransiyaga boribdi. Eyfel minorasiga qarab tursa, fransuz yigit o‘tib ketayotgan ekan. Uni to‘xtatib so‘rabdi:
— Bu minorani qancha vaqtda qurishgan?
— Bir oyda, - debdi fransuz.
O‘zbek, - bu yigit meni aldadi, - deb ishonmabdi.
Keyin o‘sha fransuz O‘zbekistonga kelibdi. U Registonga kelib, haligi o‘zbekni uchratibdi va undan so‘rabdi:
— Bu imoratlarni qancha vaqtda qurishgan?, - desa,
— Hozir kelayotganimda yo‘g‘idi, - dermish o‘zbek.

Institutda fizikadan imtihon bo‘lmokda. Professorning kayfiyati juda yomon, hamma talabalarni imtihondan birma-bir yiqita boshlabdi. Birinchi kirgan talabadan professor so‘rabdi:
— Faraz qilaylik, siz avtobusda ketayapsiz. Kun rosa isib ketdi. Nima qilasiz?
— Men avtobus oynasini ochaman...
— Juda yaxshi. Oyna ochilishi natijasida avtobus aerodinamikasi qanchaga o‘zgarishini hisoblang.
Talaba javob bera olmabdi.
— Boring, "ikki"!
Huddi shu tahlit yana bir nechta talaba imtihondan "yiqilibdi". Navbat go‘zal talaba qizga kelibdi.
— Qizim, masalan, avtobusda ketayotganingizda havo isib ketsa nima qilasiz?
— Men-mi? Men... koftamni yechaman.
— Siz tushunmadingiz. Havo rosa kuydirayotgan bo‘lsa nima qilasiz, demokchiman.
— Undami? Bluzkamni ham yechaman.
— Jazirama rosa qovurayotgan bo‘lsa-chi?
— Yubkamni ham yechaman.
— Iye, qanakasiga?, - debdi lol qolgan professor.
— Shunakasiga! Butunlay yalang‘och qolsam ham, oynani ochmayman professor!

Qari otaxon yo‘lda ketayotsa, bir barzangi yigit to‘xtatib:
— Hozir shunaqa latifa aytaman, agar kulsang 5000 berasan, - debdi.
— Mayli, - deb otaxon tishini-tishiga qo‘yib kulmay eshitibdi. Latifa tugagach, otaxona kulmayotganini ko‘rgan yigit:
— Aytgancha, majburan kulmasang 10000 berasan, - dermish.

Jarroh yoniga peshonasiga vilka sanchilgan bemor kelibdi.
— Doktor, peshonamdagini sug‘urib tashlasangiz!
— Kechirasiz, soat uchdan besh daqiqa o‘tdi. Meni ish vaqtim tugadi. Ertaga keling.
— Jon doktor, shu vilkani olib tashlang. Bir daqiqa vaqtingiz ketadi-ku. Axir meni jonim og‘riyapti...
Jarroh jahl bilan vilkani sug‘urib, bemorning ko‘ziga tiqib qo‘yibdi-da, - boring okulist soat beshgacha ishlaydi, - debdi.

22:00 — Azizim senga nima muhimroq? Menmi yoki futbolmi?
23:50 — Albatta sen muhimsan...

— Statistik ma’lumotlarga qaraganda ko‘p sut iste’mol qilsa, odam kuchli bo‘lar ekan.
— Xo‘p, 5 litr sutni ichib, shkafni jildirib ko‘rchi?
— Sangamaaaas. Endi 1 litr aroqni oxirigacha ich.
— Ana xolos. Shkaf o‘zidan-o‘zi siljib ketvottiku...

Bir ayolning hushtori uyidaligida, eri kelib qolibdi. Hushtor kiyimlarini olishga ham ulgurmay, derazadan qochib qolibdi. Yaqin o‘rtada park bor ekan. Parkka kirsa o‘ziga o‘xshagan kiyimsiz haykal borakan. U ham haykalni yoniga kelib, qimirlamay qotib tursa, yonidagi haykal:
— Ey, ahmoq! Paypog‘ingni yechib tashla. Qayerda ko‘rgansan paypoq kiygan haykalni?, - debdi.

Bir odam bekatda turgan ekan, yoniga notanish kishi yugurib kelib, o‘sha odamni boshiga bir chertibdi-da:
— Latta, - deb yana yugurib ketvoribdi.
Haligi odam uyiga kelib, xotiniga bo‘lgan voqeani aytib beribdi. Ertasiga yana o‘sha bekatda tursa, yana o‘sha kishi yugurib kelib, boshiga bir chertib:
— Sotqin, - deyarmish.

Bir kuni afandi ko‘chada ketayotsa, yo‘l chetida hamyon yotganmish. Hamyonni olib uch martta "kimniki?" debdi. Ichini ochib qarasa, anchagina pul bor ekan. Pullarni olib, cho‘ntagiga solsa, hamyonda ko‘zguyam borakan. Unga qarab, o‘z aksini ko‘ribdi-da:
— Iye, aka hamyon siznikimidi? Uzr, - debdi-da, pullarni qaytarib solib, hamyonni yerga tashlab ketgan ekan.

<< < 54 55 56 57 58 59 60 > >>

Jami 2090 ta latifa mavjud

Tavsiya qilamiz

Bosh sahifa