Latifalar

Ko‘p qavatli uylarning eng yuqori qavatida yashaydigan er-xotinlar urushib qolishibdi. Xotinini qo‘rqitib qo‘ymoqchi bo‘lgan er, uyning derazasiga chiqibdi-da:
— Hozir shu yerdan o‘zimni tashlayman-da, chil-chil bo‘pkyetaman!
Shunda xotini:
— To‘xtang adasi, - deb ichkariga yugurib kirib ketsa, eri xursand bo‘lib turganakan:
— Mana shu ahlatlarni ham pastga ola keting, - debdi xotini.

Bir erkak do‘stiga maqtanibdi:
— Kecha xotinimni urishib berdim.
— Yug‘-ye, sen-a?
— Ha-da. Uylarni yig‘ishtiring, deb ish buyuryabdi.
— Xo‘sh?
— Yo‘qol ko‘zimdan, hali kirlarni yuvib bo‘lganim yo‘q, - dedim.

Ofitser askarlarni mashq qildiryapti:
— Hamma o‘ng oyog‘ini ko‘tarsin.
Bir askar adashib, chap oyog‘ini ko‘tarsa, ofitser jahl bilan:
— Bu nima maynavozchilik? Kim u ikkala oyog‘ini ham ko‘tarib olgan?

— Me’yorini bilmay ichganlarni o‘lguday yomon ko‘raman. Kecha meni mashinaga ko‘tarib ketayotib, yerga uch martta tushirib yuborishdi-ya, la’nati piyonistalar.

Bir talaba bozorda hushidan ketib qolibdi. Shunda odamlar:
— Suv olib keling, - deb baqirishsa, talaba hushiga kelib:
— Non esdan chiqmasin dermish.

Bir odamning to‘tisi bor ekan. Uyga kim kelsa, - bir tepay, bir tepay, - deb gapiraverarkan. Uy egasi do‘stlarini mehmonga chaqirmoqchi bo‘lib, to‘ti turgan qafas yuzini mato bilan yopib qo‘yibdi. Bir necha kundan keyin to‘ti esiga tushib qolib, matoni ochsa to‘ti:
— Tepkimni sog‘inib qoldingmi?, - debdi.

Ikki ayol qamoqxonaning bir xonasida uch yil o‘tirishibdi. Jazo muddati tugab, ozodlikka chiqarishsa, qamoqxona darvozasi oldida yana yarim soat gaplashib turishgan ekan.

— Sudlanuvchi, sizni to‘rtta hovlingiz, beshta kvartirangiz va o‘nta avtomobilingiz bor. Lekin shundayam pora olganingizni tan olmayapsiz!
— O‘rtoq sudya, sizdayam to‘rtta dalahovli, beshta hovli, oltita kvartira va o‘nta mashina bor. Aytinchi, siz poraxo‘rmisiz?
— Ishontirdingiz. Aybsiz! Ozod etilsin!

— Nega kayfiyating yo‘q?
— Rahbarimiz hammani ishdan bo‘shatyapti.
— Sen havotir olma, rahbaring xotini bilan ajrashdi. Bo‘shayotganlar uning qarindoshlari.

Bir yigit to‘yi kuni kechasi go‘shangaga kirmasdan hayol surib o‘tirsa, bir o‘rtog‘i:
— Iye, ha kuyov bola, nimaga hayol surib qolding? Axir besh yildan beri sevishib yurgan qizingga uylanding-ku. Nega bu yerda o‘tiribsan? - desa,
Kuyov bola:
— Shunaqaku-ya, endi tuni bilan telefonda kim bilan gaplashaman? - dermish.

Bir erkak yoniga yengiltak ayol kelib:
— Uch so‘z aytsangiz, har qanday istagingizni 100 mingga amalga oshiraman, - debdi.
Erkak ham o‘ylab o‘tirmay:
— Uyimni ta’mirlab ber!, - degan ekan.

GAI xodimi avtomobilni to‘xtatib dedi:
— Nega tuneldan o‘tayotganda chiroqni yoqmadingiz?
Haydovchi:
— Men boshqa shahardan kelganman. Bu tunelni chirog‘i qayerdan yoqilishini bilmayman...!

Bir erkakning ikkita xotini bor ekan. Ammo ikkala xotini ham bu haqda mutlaqo bexabar ekan. Bir kuni o‘sha odam ikkala xotinini ham birga, bitta joyga dam olishga yuboribdi. Dam olishga borgan ayollar hech narsadan bexabar, bir-birlari bilan yaqin dugona bo‘lib qolishibdi, birga suratlarga tushibdi. Dam olishdan qaytgach, eri birinchi xotinini oldiga borib:
— Xo‘sh, qanday dam olding, kimlar bilan tanishding, - dyeb so‘rabdi.
Shunda xotini:
— Mazza qilib dam oldim. Bir ayol bilan tanishdim, - deb erining ikkinchi xotinini rasmini ko‘rsatibdi. - Lekin judayam yengiltak ayol ekan, har kuni har-xil erkaklar bilan yurdi-ya, - debdi.
Ertasi kuni ikkinchi xotinini oldiga borgan er, u ayoldan ham gapirib berishini so‘rasa:
— Adasi manavi rasmdagi ayolni qarang. Judayam yaxshi ayol ekan. Dam olishga eri bilan kelib, eri bilan ketdi, - degan ekan.

Bankomat yoniga bir ayol o‘g‘li bilan keldi.
— Hozir pul olib, ikkalamiz do‘konga boramiz, - dedi ona va bankomatga plastik kartochkasini qo‘yib, u yerdan pul oldi.
Buni ko‘rgan bola hayratlanib onasiga:
— Oyi, buni ichida dadam o‘tiribdilarmi?, - dermish...

Bir kuni o‘lmas kashshey o‘rmonga qo‘ziqorin terishga chiqibdi. Terib bo‘lguncha, hamma kakkularning ovozi bo‘g‘ilib qolibdi...

Operator qizga qo‘ng‘iroq bo‘lmoqda:
— Allo, yaxshi qiz, menga SMSlar yetib kelmayapti.
Operator:
— Fikringizni to‘plang, chalg‘imasdan yana bir martta o‘qib ko‘ring-chi...

Bu yil yozda dengizga bormoqchiman. Meni an’anam o‘zi shunaqa - har yili yozda dengizga borishni orzu qilish!

Bir kuni ota-bola baliq oviga chiqishibdi.
— O‘g‘lim, menga nonni ber. Hozir baliqlarni bu yerga chaqiramiz, - debdi otasi.
— Nonni yeb qo‘ydim dada, - debdi o‘g‘li.
— Unda bo‘tqani ber.
— Uni ham yeb bo‘ldim.
Jahli chiqqan ota:
— Ma ol, chuvalchanglarni yeb qo‘ysang tezroq uyga qaytamiz, - debdi.

Uyga qaytgan er oshxonada idish yuvayotgan xotiniga qarab:
— Bu uyda kim xo‘jayin?, - deb baqiribdi.
Qo‘lidagi tova bilan erini boshiga urib: — siz-da adasi, - debdi xotini.
Shu payt qo‘shni ayol kirib kelib qarasa, er burchakda hushsiz yotganmish.
— Voy, eringiz nega bu yerda yotibdi?!, - desa,
— Uyning xo‘jayini qayerda xohlasa, o‘sha yerda yotaveradi, - debdi xotini.

— Chapaqayliging senga halaqit bermaydimi?
— Yo‘q. Har bir odamning alohida jihatlari bo‘ladi. Mana masalan sen, qaysi qo‘lingda choyni aralashtirasan.
— O‘ng qo‘lim bilan.
— Ana ko‘rdingmi, esi joyida odamlar qoshiq bilan aralashtirishadi.

<< < 55 56 57 58 59 60 61 > >>

Jami 2090 ta latifa mavjud

Tavsiya qilamiz

Bosh sahifa