Latifalar

Bir kuni afandi mardikor bozoriga borib qarasa, odamlar faqat kuchli, baquvvat yigitlarni ishga olayotgan ekan. Afandi nima qilishini bilmay, hiyla ishlatmoqchi bo‘libdi. Hamma mardikorlarni yig‘ib:
— Hammangizni hozir ishga olib ketishadi, hov anavi yerga borib turinglar, mashina kelsa ketasizlar, - deb aldabdi.
Bir pasta mardikor bozor bo‘shab qolgan ekan, zum o‘tmay afandini bir odam kelib ishlashga olib ketgan ekan.

Qiz yigitiga:
— Jonim nimaga jimsiz? Biror narsa gapirib bering. Zerikib ketdim.
Yigit:
— Nimani gapiray? Qulog‘ing kar bo‘lsa seni. Hech narsani eshitmasang. Gapirganim bilan nima foyda?, - desa,
Qiz:
— Voy, keyinchi? Keyin nima bo‘ldi?, - dermish.

Dorixonada:
— Menga og‘riq qoldiradigan dori bering.
— Qayering og‘riyapti?
— Kechqurun kundaligimni adamga ko‘rsatmoqchi edim.

— Chiroyli bir qiz bilan tanishmoqchi edim. Endi gap boshlashimni bilaman, o‘zidan-o‘zi baqira ketdi:
— "Yo‘qol! Bu ayollar hojatxonasi!!!".

Imtihon savoliga javob topolmay o‘tirgan talaba yoniga o‘qituvchi kelib:
— Bu fandan biliming yomon ekani ko‘rinib turibdi. Kel, senga boshqa savol beraman. Mana shu xonada nechta chiroq bor? - debdi.
Talaba savolga javob topa olmay o‘tirganida, tepadagi chiroqlarni sanab chiqqan ekan. U darrov, - sakkizta, - debdi.
O‘qituvchi esa:
— Topolmading. Meni portfelimdagi bilan to‘qqizta. Imtihondan o‘tolmading, - debdi.
Talaba ikkinchi martta imtihonga kirib, yana shu holatga tushibdi. Endi u professorni savoliga, - to‘qqizta chiroq bor, - deb javob beribdi.
Professor:
— Topa olmading. Bugun meni portfelim bo‘sh, - dyesa,
Talaba:
— Lekin meni sumkamda bor!, - degan ekan talaba.

— Yaxshi yigit, siz uchuvchimisiz?
— Yo‘q.
— Nega unda shunday chiroyli qizni oldidan "uchib" o‘tyapsiz?

Afandi yangi uy qurdirish niyatida chiroyli, baland uylarga qarab yurgan ekan. Bir kuni oldidan judayam hashamatli uy chikibdi. Bu uy afandiga yoqib, uyni qurgan ustani topmoqchi bo‘lib tursa, bitta rus yigit o‘tib qolibdi.
— Bu uyni kim qurganini bilmaysanmi?, - desa,
— Ya neznayu, - debdi yigit.
Afandi esa bu "Ya neznayu" deganlari ustani ismi deb o‘ylabdi. Uni qidirib ketayotsa, oldidan yana bitta chiroyli uy chiqibdi. Bu uy oldingisidan ham chiroyli ekan. Bu uyni qurgan ustaga uyimni qurdiraman, degan hayolda tursa, oldidan rus ayol chiqibdi.
— Bu uyni kim qurganini bilmaysizmi?, - debdi afandi.
Ayol esa:
— Ya neznayu, - deb javob qaytaribdi.
— "Ya neznayu" degani o‘ylaganimdanam zo‘r ekan. Bu ustaning uyini albatta topaman, - deb ketaveribdi.
Bir payt oldidan qabr chiqibdi. Qabrning yonginasidan o‘tib ketayotgan rus choldan:
— Bu kimning qabri?, - so‘rabdi afandi.
Chol esa:
— Ya neznayu, - debdi.
Afandi cholning javobini eshitib:
— Kech qolibman-da, - degan ekan.

Bir qishloqning yo‘lida kattakon chuqur bor ekan. Shu yo‘ldan o‘tgan odamlar chuqurga tushib, jarohatlanisharkan.
Kunlarning birida uchta odam shu chuqurni yoniga kelib, tortishib qolishibdi:
— Bilasizlarmi? Shu chuqurni yoniga tez yordam mashinasini olib kelib qo‘yish kerak. Shunda, yiqilgan odamga yordam ko‘rsatish oson bo‘ladi, - debdi birinchisi.
— E, yo‘g‘-ye! Undan ko‘ra, shu yerga kasalxona qurish kerak. Yiqilgan odam darrov kasalxonaga boradi, - debdi ikkinchisi.
Shunda uchunchi odam o‘ylanib turib:
— Obbo, ikkalangni ham aqling yo‘q ekan. Yaxshisi, chuqurni ko‘mib, biror yaqin kasalxona oldidan chuqur kavlatish kerak, - degan ekan.

Siz erinchoqsiz! Chunki, 456841258268. Ana ko‘rdingizmi, shu raqamlarni o‘qishga ham erindingiz.

— Ayblanuvchi Qodirov! Siz soliqlarni to‘lashdan aynan prokuror gapirib bergan usullar bilan qochganmisiz?
— Yo‘q. Lekin prokuror aytib bergan usullarni ham ko‘rib chiqish kerak, albatta.

Er og‘ir ahvolda yotibdi. Zo‘rg‘a ko‘zini ochib, tepasida o‘tirgan xotinidan so‘radi:
— Jonim, men olamdan o‘tsam, yig‘laysanmi?
— Uff, janozadan oldin atayin kayfiyatimni buzmoqchimisiz?!

Bir kishi ishga kirmoqchi bo‘lib, suhbatga boribdi:
— Nechta tilni bilasiz?
— Uchta.
— Qaysilar?
— O‘zbekcha, ruscha va inglizcha.
— Ingliz tilida biror so‘z ayting-chi.
— Guten Tag!
— Axir bu nemischa-ku.
— Demak, men to‘rtta tilni bilar ekanman.

70 yoshli qari boy 18 yoshli qizga uylanibdi. Qari boyning do‘sti so‘rabdi:
— Qanday qilib yosh qizni senga turmushga chiqishga ko‘ndirding?
— Buni yo‘li oson. Men uni aldadim.
— Nima deb aldading?
— Men unga yoshim 90 da deb aytdim.

Adasi to‘rt yoshli qizini uxlatmoqchi bo‘lib, alla aytib beribdi. Qizini ko‘zlari yumulganini ko‘rgan otasi:
— Uxlayqol qizim. Hozir tushingda ajoyib ertaklar ko‘rayotgan bo‘lsang kerak, - debdi pichirlab.
Qizi esa shu zahoti ko‘zini ochib:
— Yo‘q adajon. Reklama tugamadi hali, - degan ekan.

Afandining xotini homilador ekan. Vaqti-soati yetgach, tug‘ruqxonaga olib boribdi. Bir soat kutibdi, ikki soat kutibdi. Oradan uch soat o‘tgach, vrach afandiga derazadan qop-qora chaqaloq ko‘rsatib: — Tabriklayman, o‘g‘illi bo‘ldingiz!, - desa, afandi:
— Ovqatni-ku nuqul kuydirardi. Bolaniyam kuydirvaribdi, - dermish.

— Allo, bu texnika anjomlari do‘konimi? Kecha sizlardan chang yutgich sotib olgan edim. Juda kuchli ishlaydi degandingiz.
— Eshitilmayapti, qattiqroq gapiring!
— Allo, allo. Men chang yutgich qopchasini ichidaman, allo...

— Salom Alisher! Ishlar qalay?
— Qanaqa Alisher?! Meni ismim...
— Anchadan beri ko‘rishmaymiz. Sendan pul olgan edim. Shuni qaytarmoqchiman.
— Alisher bo‘lsa, mayli Alisher-da!

Qahraton qishda afandining uyiga mehmon kelibdi. Afandi issiq sandalda dutor chalib o‘tirgan ekan. Duoi fotihadan so‘ng mehmon so‘radi:
— Yangamiz ko‘rinmaydilar?
— Tashqarida o‘tin yoryapti.
— Siz issiq uyda dutor chalib o‘tirsangiz, ayolingiz sovuqda o‘tin yorsa, shuyam insofdanmi?, - debdi mehmon.
— Yangangiz dutor chalishni bilmasa, nima qilay?

— Bu joy qanday mazza, qulay, yoqimli va maroqli!
— Qayerdasan o‘zi? Qayerda o‘tiribsan?
— Ota-onamni yelkasida.

Axlat tashiydigan mashina orqasidan hayhaylab yugurib ketayotgan do‘stini ko‘rgan o‘rtog‘i dedi:
— Nima, mashina bilan kimo‘zarga yuguryapsanmi, do‘stim?
— Yo‘q, - dedi do‘sti halloslab, - xotinim eski paypog‘imni axlatga tashlab yuboribdi. Ichida xotinimdan berkitgan pullarim bor edi.

<< < 58 59 60 61 62 63 64 > >>

Jami 2090 ta latifa mavjud

Tavsiya qilamiz

Bosh sahifa