Latifalar

Afandi bir kuni qo‘shnisidan qozon so‘rab chiqibdi. Oradan bir hafta o‘tgach, qozonni ikkita qilib olib chiqibdi. Qo‘shnisi hayron bo‘lib:
— Nega ikkita qozon olib chiqdingiz?, - debdi.
Afandi esa javob beribdi:
— Qozoningiz homilador ekan, tug‘di.
— Qozon kerak bo‘lsa tez-tez so‘rab turing, - debdi qozonning egasi.
Oradan bir necha kun o‘tib, afandi o‘sha qo‘shnisidan katta doshqozon so‘rab chiqibdi. Qo‘shnisi darrov berdi. Oradan bir hafta o‘tibdi, o‘n kun o‘tibdi, bir oy o‘tibdi. Afandi esa hanuz qozonni qaytarmasmush. Qo‘shnisi o‘zi qozonni so‘rab chiqibdi. Afandi qo‘shnisiga homush qarab:
— Qozoning betob ekan. Qazo qildi, - debdi.
— Qanaqasiga qozon betob bo‘lsin?, - deb baqiribdi qo‘shni, - hech jahonda qozon ham o‘ladimi?
— Qozoning tuqqaniga ishonasanu, o‘lganiga ishonmaysanmi?, - dyebdi afandi.

Kutubxonada:
— O‘z joniga qasd qilish to‘g‘risidagi kitoblar qayerda?
— Chapdagi uchinchi javonda.
— Axir u yer bo‘m-bo‘shku?
— Bu joydan kitob olganlarning birortasi ham qaytarishmaydi-da.

Tongda uyga kirib kelgan eridan xotini so‘rabdi:
— Kecha qayerda tunadingiz?
— Nodirnikida.
Xotini tezda Nodirga telefon qilib:
— Erim kecha sizlarnikida tunadimi?
— Ha, hozir ham uxlab yotibdi.

Baliq ovlab o‘tirgan odamni oldiga timsoh suzib kelib,
— Ov qalay bo‘lyapti, ilinyaptimi?, - deb so‘rabdi.
— Ha yo‘q. Ertalabdan beri o‘tiribman. Bitta-yam ushlolmadim, omadim kelmayapti, - deb javob beribdi.
Shunda timsoh baliqchiga qarab:
— Kun ham qizib ketdi. Balki cho‘milib olarsan-a, - dermish.

— Og‘ayni, sen chet ellarga tez-tez borib turasan. Aytchi, Parijga borib-kelish qanchaga tushadi?
— Agar xotining bilan borsang, taxminan bir yarim ming yevro ketadi. Agar yolg‘iz borsang, besh-olti ming yevrodan kam pul olma!

Sud jarayoni ketmoqda. Sudya ayblanuvchidan so‘radi:
— Kasbingiz nima?
— Akrobatman!
— Qo‘riqchi, zudlik bilan derazani yoping!!!

Kotiba boshlig‘iga dedi:
— Xotiningiz telefonda iltimos qilyapti.
— Iltimos qilyapti? Unda bu mening xotinim emas!

Boy xizmatkorini chaqirib buyuribdi:
— Kuchugimni dumini kesib tashla!
Xizmatkor hayron bo‘lib:
— Axir bu sodiq itingiz Djek-ku
— Ertaga qaynonam kelayotgan ekan. Uni tashrifidan hech qanday xursandchilik namoyish etilmasligi kerak!

Hayotda oliyjanob erkaklar qolmagani haqidagi gaplar noto‘g‘ri. Mana masalan, men bugun xotinimga soyabon tutib turdim. U mashina g‘ildiraklarini tezgina almashtirib oldi...

Bo‘ri qo‘radagi mingta qo‘yga tegmasdan, bitta echkini yeb ketibdi. Odamlar cho‘pondan:
— Nega bo‘ri qo‘ylarni yemasdan, echkini yeb ketdi, - deb so‘rashsa.
Cho‘pon:
— Bo‘rining qon bosimi baland ekan, qo‘y go‘shti yemaydi, - debdi.

Bir ayol xudoga nola qilibdi:
— Ey xudo! Nimaga menga oliyjanob turmush o‘rtoq uchratmaysan?
Shu payt ayolga samodan tovush eshitilibdi:
— Senga orzuingdagi erkaklarni yubordim. Sen ular bilan do‘st ekaningni aytib, o‘zing qayoqdagi ahmoqlar bilan uchrashib yuribsan.

Bir chiroyli qiz do‘kon aylanib yurib, sotuvchidan so‘rabdi:
— Anavi gulli, bejirimgina ko‘ringan narsa nima?
— Bu antiqa sovg‘a. "Yagona sevgilimga" degan yozuvi ham bor.
— Shundan menga olti dona berib yuboring!

— Tushimda bo‘ydoq emishman, seni qo‘lingni so‘rabman.
— Namuncha xursandsiz?
— Sen rad javobini beribsan.

— Ular anchadan beri shunaqa bir-birlariga yaqinmi?
— Kim?
— Qoshlaring...

Bir odam yo‘lda ketayotsa, osmondan ovoz etishilibdi:
— To‘xta, tepadan g‘isht tushyapti!
Haligi erkak to‘xtashi bilan, oldiga katta g‘isht kelib tushibdi. Yo‘lda ketishda davom etibdi. Ketayotsa, yana ovoz kelibdi:
— To‘xta, mashina kelyapti!
Darrov to‘xtabdi erkak. Shu payt oldidan katta tezlikda mashina o‘tib ketibdi.
— Sen o‘zi kimsan?, - deb so‘rabdi boyagi odam.
— Men seni haloskor farishtangman!
— Uylanishimdan oldin qayerda eding unda!!!

— Adasi, sizga romashkali choy damladim. Mana, ichib oling.
— Sen meni asabiy demoqchimisan? Nima, senga yoqmay qoldimmi? Balki ajrashmoqchidirsan?
— Yo‘q, yo‘q!
— E-e, ming la’nat! Quy choydan!

Homilador ayol akusher ko‘rigidan o‘tib bo‘lgach, suhbatlashibdi:
Akusher:
— Mana, to‘qqiz oydan so‘ng ona bo‘lasiz!
Ayol:
— Nimaga to‘qqiz oy? Namuncha uzoq? Ikki oydan so‘ng iloji yo‘qmi?
Vrach hayratlanib:
— Buni aslo iloji yo‘q! Tabiat qonuni shunaqa. Ona farzandini to‘qqiz oyda dunyoga keltiradi, ikki oyda emas...
— Tabiatni tinch qo‘ying! Tajribasiz ekaningiz ko‘rinib turibdi. Biz tanlov o‘tkazib, ikki oyda ishni bitiradigan pudratchi topamiz. Xayr! Feysbukda "Potrebitel"ga siz haqingizda salbiy fikrlar yozib qoldiraman.

Bir kishiga savol berishibdi:
— Kim ko‘proq hayotidan mamnun bo‘lib yashaydi? To‘rtta bolasi bor odammi yoki to‘rt million puli borimi?
— To‘rtta bolasi bor odam-da! Chunki, to‘rt millioni bor odam yana ko‘proq pul xohlayveradi...

— Sen ahmoqsan!
— Lekin go‘zalman!
— Buni senga kim aytdi?
— Sen!
— Shunga ishondingmi?
— Albatta!
— Ana, ahmoqsan-da.
— Lekin go‘zalman!

Tergov jarayonida tekshiruvchi-revizorga savol berishibdi:
— Maoshingiz 200 ming bo‘lsa, yuz millionlik uy-joyni qanday qilib qurdingiz?
— Juda-yam oddiy. Qurilish mollari omborida tekshiruv olib borayotganimda uyimni qurilishi bitdi.

<< < 60 61 62 63 64 65 66 > >>

Jami 2090 ta latifa mavjud

Tavsiya qilamiz

Bosh sahifa