Latifalar

Bir kuni afandi cho‘lda ketayotsa, oldidan sehrli ko‘za chiqibdi. Afandi ko‘zani ishqalabdi. Ichidan katta jin chiqib:
— Amringizga muntazirman, - debdi.
— Uyga ketgim kelyapti, - debdi afandi.
— Unda ketdik, - debdi jin.
— Tezroq ketgim kelyapti, - desa
— Unaqada yugurdik, - dermish jin...

To‘qqizinchi sinfgacha aroq bilan pivoni aralashtirganlar, sal keyinroq beton aralashtirib yuradilar.

Kunlarning birida Putin pokemonlarni ovlash uchun chiqmoqchi bo‘libdi. Shu kuni Rossiya yo‘llari shunaqangi tez ta’mirlanibdiki, hali bunaqasi davlat tarixida bo‘lmagan ekan.

— Do‘stim, men kitob o‘qiganimda shunchalik ko‘p bilimlar miyamga kiradi-ki ...
— Seni miyangda bo‘sh joy ko‘p-de o‘zi, o‘rtoq!!!

Bir kuni samolyotda uchayotgan odam hadeb, — Ey xudo, ishqilib samolyot qulab tushmasin, - deb nola qilaveribdi. Yonida o‘tirgan yo‘lovchilardan birining jahli chiqib, — nega hadeb ming‘illayverasiz?! Men samolyotlarda ko‘p uchganman, u ishonchli, hech narsa qilmaydi!, - debdi. Qo‘rqayotgan yo‘lovchi yana gapira boshlabdi:
— Do‘stim, siz bilmaysiz! Velosipedga o‘tirsam, pedali sinib ketadi. Taksiga o‘tirsam, tormozi ishdan chiqadi. Avtobusni esa baloni teshilib qoladi, - debdi.
Shu payt salonga styuardessa kirib:
— Hurmatli yo‘lovchilar! Samolyot tinch okeaniga qulamoqda. Hozir har biringizga xushtak tarqataman. Uni chalsangiz, sizga akula hujum qilmaydi, - debdi.
Boyagi yo‘lovchi jon holatda:
— Ana ko‘rdingizmi?! Hozir menga berilgan xushtak yo ishlamay qoladi, yoki akulaning quloqlari kar bo‘ladi, - dermish.

Bir odam uyiga chilangar chaqirtiribdi. Chilangar besh daqiqa ichida ishni bitiribdi-da, uy egasiga qarab, — Ana bo‘ldi. Sizdan ellik ming!, - debdi. Haligi odam:
— Nima? Men oliy ma’lumotli vrach bo‘la turib, besh daqiqada ellik ming ishlab topmayman, - debdi. Chilangar esa:
— Men ham o‘qituvchi bo‘lib ishlaganimda buncha pul topmasdim!, - degan ekan.

— Nega baqiryapsan xotin?
— Anavi yerda o‘rgimchak turibdi!
— Nima bo‘pti, o‘rgimchak bo‘lsa?!
— U juda-yam qo‘rqinchli ekan.
— Sen ham qo‘rqinchlisan! U baqirmayapti-ku!

Bir yolg‘iz qariya avtomobilini katta tezlikda haydab ketayotsa, orqasidan GAI mashinasi quvlay boshlabdi. Chol tezlikni yanada oshirib, ulardan qochishga urinibdi. Oxiri qarasa, qochib ketishning iloji yo‘q! Avtomobilini to‘xtatib, tushibdi. Cholning yoniga GAI xodimlari kelib:
— Nega bizdan qochishga urindingiz otaxon?, - deyishsa, qariya o‘ylab ham o‘tirmay:
— Bir necha yillar ilgari xotinim meni tashlab, GAIda ishlaydigan erkak bilan qochib ketgan edi. Sizlarni ko‘rib, menga xotinimni qaytarib berishmoqchi deb o‘ylabman!, - dermish.

Boyning o‘g‘li imtihonda:
— Birinchi jahon urushi qachon bo‘lgan?
— 1914-1918 yillarda.
— O‘tiring, besh!
O‘rtahol oilaning farzandi imtihonda:
— Birinchi jahon urushi qachon bo‘lgan?
— 1914-1918 yillarda.
— Nechta odam halok bo‘lgan?
— Bir million uch yuz mingga yaqin.
— O‘tiring, besh!
Kambag‘al oilaning farzandi imtihonda:
— Birinchi jahon urushi qachon bo‘lgan?
— 1914-1918 yillarda.
— Nechta odam halok bo‘lgan?
— Bir million uch yuz mingga yaqin.
— O‘lganlarning familiyasini sana!

Ayollar hammomiga o‘t tushibdi. O‘t o‘chiruvchilar kelishsa, hammomni oldida bir kishi qotib-qotib kular, o‘t o‘chiruvchilarga qarab hadeb, — Kech qoldinglar, kech qoldinglar, - dermish.
— Nega kech qolarkanmiz? Hammom hali yonib tugamadiku, - deyishsa
Haligi kishi:
— Hammom yonib tugamadi-yu, yalang‘och xotinlar tum-taraqay bo‘lib qochib bo‘lishdi, - dermish.

Yoshgina yigit ko‘chadagi kafeda ovqatlanib o‘tirsa, yoniga shirakayf daydi kelib:
— Ukam. Ovqatingdan mengayam qoldirgin, - debdi. Haligi yigit bo‘lsa:
— Manavi kabobdanmi? Ha, manavi oshdanmi?, - deb hamma narsani yeyaveribdi.
— Mayli, nimadan bo‘lsa ham, - debdi shirakayf kishi.
Yigit esa katta-katta yeyishda davom etib:
— Osh, kaboblarni ta’mini ko‘rmoqchimisiz, - deb, oxiri ovqatlarini tugatgach, — Ovqatni mazasini ko‘rish uchun ishlash kerak, - degan ekan.

Samolyotda nosozlik chiqib, qulay boshlabdi. Uchuvchi yo‘lovchilarga:
— To‘rtta odam hoziroq samolyotni tark etishi kerak. Aks holda hammamiz yerga qulaymiz, - deb e’lon qilibdi.
Yo‘lovchilar orasidan fransuz chiqib:
— Menga vino beringlar, - deb vinoni ichibdi-da, — Yashasin Fransiya!, - deb samolyotdan sakrab qolibdi.
Undan keyin amerikalik chiqibdi:
— Menga viski beringlar, - deb qadahni ko‘taribdi-yu, — Yashasin Amerika!, - deb u ham sakrab yuboribdi.
Uchinchi bo‘lib rus chiqibdi:
— Bir shisha aroq beringlar, - debdi. Aroqni ichib, yana bir shisha so‘rabdi. Uchinchi shishani ham ichib bo‘lib:
— Yashasin Afrika!, - deb samolyotdan ikkita negrni otib yuboribdi.

Uchta yigit janozaga boribdi. "Fotiha o‘qing" degan ma’noda, — O‘qiysizmi?, - deyishsa
Domla:
— Ishlayman, - debdi.

Oshiq ispan yigit har oqshom sevgan qizini derazasi yonida serenada kuylarkan. Do‘stlari undan:
— Nega shu qizga uylanib qo‘ya qolmaysan?, - deyishsa,
— Keyin kimga serenada kuylayman?, - dermish.

Mast odam beshinchi etajdan pastga yiqilib tushibdi. Atrofini odamlar o‘rab olib:
— Nima gap?, nima gap?, - deyishsa, yiqilgan odam asta o‘rnidan turib:
— Men qayerdan bilaman nima gapligini?! Hozirgina tushgan bo‘lsam, - dermish.

Kasalxonada yo‘lagida bir odam qattiq hayajonda, u yoqdan-bu yoqqa yuribdi. Xotinini operatsiya qilgan vrach chiqib, g‘amgin holatda gap boshlabdi:
— Xotiningizni hayotini saqlab qoldik. Lekin u komada. Yaxshi parvarish qilsangiz, yana o‘n yil yashashi mumkin.
Vrach eriga qarasa, kayfiyati butunlay tushib ketibdi. Yig‘lab yuborishiga bir bahya qolganini ko‘rib:
— Hazillashdim. Xotiningizni saqlab qola olmadik, - debdi vrach.

Bo‘linma shaxsiy tarkibi mashg‘ulot o‘tmoqda.
— Oddiy askar Aliyev!
— Men!
— Faraz qiling, postda turibsiz. Kimdir post tomon emaklab kelmoqda. Qanday ish tutasiz?
— Ichib, oyog‘ida tura olmay qolgan batalon komandirini uyiga eltib qo‘yaman.

Qamoqxona boshlig‘i elektr stulda o‘tirgan jinoyatchiga qarab:
— So‘nggi tilagingni ayt! Amalga oshiraman!, - debdi.
Jinoyatchi ko‘p o‘ylab o‘tirmay:
— Iltimos, qo‘llaringizni ushlab turay. Shunda qo‘rqmayman!, - dermish.

Xotin huddi DAN xodimiga o‘xshaydi. Bosh og‘ritib gapiradi, pulingni oladi, kayfiyatingni buzadi... Eng yomoni — baribir ayb topadi!

— Dugonajon, men juda-yam sahiy yigit uchrashib yuribman.
— Nimasi sahiy?
— Menga har kuni juda ko‘p gullar sovg‘a qiladi. Ayniqsa, o‘tgan hayitda sovg‘a qilgan gullarini ko‘pligini ko‘rsangiz edi...
— Voy, zo‘r-ku. U o‘zi qayerda ishlaydi?
— Qorovul bo‘lib ishlaydi.
— Bo‘magan gap. Qorovul shuncha pul toparmidi?
— U qabristonda qorovul.

<< < 64 65 66 67 68 69 70 > >>

Jami 2090 ta latifa mavjud

Tavsiya qilamiz

Bosh sahifa