Latifalar

Kunlarning birida ota-o‘g‘il toqqa, dam olishga chiqishibdi. O‘g‘li toshga qoqilib, yiqilib tushibdi-da, og‘riqdan:
— Ay!, - deb baqiribdi.
"Ay!" degan aks-sado kelibdi.
— Kimsan?, - so‘rabdi bola hayron bo‘lib.
"Kimsan" degan aks-sado eshitilibdi.
— Tentak, - deb baqiribdi.
Yana "Tentak" eshitilibdi.
Adasi o‘g‘liga qarab, — To‘xta, - debdi-da, — Sen zo‘rsan!, - deb baqiribdi.
"Sen zo‘rsan" degan sado kelibdi.
— Seni yaxshi ko‘raman, - desa,
"Seni yaxshi ko‘raman" degan ovoz kelibdi tog‘lardan.
— Ko‘rdingmi o‘g‘lim, men zo‘rman va meni yaxshi ko‘rishadi. Sen esa tentaksan, - degan ekan adasi.

— Doktor, yordam bering! Tushimda nuqul sichqonlar futbol o‘ynab chiqishadi. Uxlolmayapman!
— Sizga dori yozib beraman, bugundan boshlab ichasiz.
— Doktor, ertadan ichsam maylimi?
— Nega?
— Bugun final bo‘ladi-da...

Bir kuni afandining darvozasi taqqillab qolibdi.
— Kim u?, - debdi afandi.
— Uy egasi bormi?, - so‘rabdi tashqaridagi odam.
— Gazdanmisiz yoki svetdanmi?, - debdi yana afandi.
— Kollejdanman!
— Kollejga-yam pul to‘lanadigan bo‘ldimi?
— Yo‘q, o‘g‘lingizni o‘qishga jo‘natsangiz bo‘ldi...

Jon berayotgan er xotinini chaqirib debdi:
— Esingdami armiyaga ketayotganimda, sen yonimda eding?
— Ha, esimda...
— Ishdan bo‘shab, uyda uch yil o‘tirganimda ham sen men bilan birga bo‘lganding!
— Ha...
— Avariyaga uchrab, yotib qolganimda ham oldimdan jilmading.
— Albatta, birga bo‘lgandim, yoningizda hamisha...
— Hozir jon beryapman. An’anaga sodiq qolasanmi? Shuni bilmoqchiman.

E’lonlar taxtasidagi yozuvdan:
"Kelishgan yigit bilan turmush qurmoqchiman. Uni yonida ko‘p ovqat yeyishga uyalib ozish niyatidaman. Yetarlicha ozganimdan so‘ng, ajrashib ketishimiz ham mumkin".

Sochi to‘kilib, kal bo‘layotganlarga retsept:
Boshingizga asal surib, uch kun kuting. So‘ng asalga qo‘ngan pashshalarni cho‘chitib, uchirib yuboring. Pashshalarning oyoqchalari esa boshingizda qoladi.

— Kecha qo‘shnimizni mashinasidagi chang ustiga "Meni yuvintir" deb yozib qo‘ysam, u bugun meni avtomobilimga "Kirsang yuvaman" deb yozib ketibdi.

Er xotini bilan hazillashmoqchi bo‘lib debdi:
— Azizam, senga bir sirni ochishim kerak!
— Nima sir ekan?
— Meni kechira olasanmi?
— Ichimni qizdirmasdan, ayting tezroq!
— Bizni qizimiz seni farzanding emas...

Avtotest bitiruvchisi, chiroyli bir qiz kasalxonada:
— Ayting-chi doktor, ahvoli qalay?
— Juda yomon. Yuragi infarkt bo‘lgan. Qo‘l va oyoqlari singan. Agar gapingiz bo‘lsa, ayting! Men yetkazib qo‘yaman.
— Unda so‘rangchi, haydovchilik guvohnomasi olish uchun imtihondan o‘tibmanmi?

Poyezdda ketayotgan yo‘lovchi ehtiyotsizlik qilib, kupe eshigini qattiq yopib yuborgan ekan, soqov yo‘lovchining qo‘lini siqib qo‘yibdi.
Natijada esa, soqov odam:
— Voy dod!, - deb baqirib yuboribdi ...

Bir kuni ota-bola uyga Imzo derazalarini o‘rnatayotsa, adasi o‘g‘liga:
— O‘g‘lim, ehtiyot bo‘l! Bu derazalar juda qimmat turadi, - desa, o‘g‘li adasini eshitmay qolibdi-da, derazani sindirib:
— Nima deysiz, eshitmadim...?, - dermish.

Ertalab kelin kaftlarini yerga tekkazib, mashq qilayotsa, qaynonasi unga qarab:
— Salom bersangiz bo‘ldi. Ta’zim qilishingiz shart emas!, - debdi.

— Do‘stim, restoranda bepul ovqatlanish yo‘lini topdim!
— Qanday yo‘l ekan?
— Hashamatli biror restoranning yopilishiga ozgina vaqt qolganida kiramiz. Istaganimizcha taom buyurtma berib, ovqatlana boshlaymiz. Ish vaqti tugab, ofitsiantlar birin-ketin uyga keta boshlashadi. Oxirgi qolgan ofitsiant bizdan pulni so‘rasa, biz uni sherigi pulni olganini aytamiz.
— Zo‘r-ku, qoyil. ketdik.
Restoranda ofitsiant:
— Kech bo‘lib qoldi. Restoran yopiladi. Marhamat qilib hisob-kitob qilsangiz...
— Iye, biz boshqa ofitsiantga pulini allaqachon to‘lab bo‘lganmiz. Qaytimini berasizlarmi, yo‘qmi?

Qirq yoshlardan oshgan yigit uylanib, to‘ydan keyin kelin bilan gaplashib o‘tirganmush:
— Azizam, sizga to‘g‘risini aytaman, meni qandli diabetim bor, surunkali gepatitim, gaymoritim ham bor...
— O‘zi nimangiz yo‘q?, - so‘rabdi kelin.
— Sochim yo‘q. Parik kiyganman. Tishlarim ham yo‘q. Protez taqib oldim.

Putin Rossiya yo‘llarida 120 km/s tezlik bilan ketayotgan vaqt, undan oldinda 200 km/s tezlikda asfalt yotqizuvchi mashinalar ketib borar edi.

Qizil shapkacha o‘rmonda ketayotsa, oldidan bo‘ri chiqib:
— Salom yashil shapkacha, - debdi.
Qizil shapkacha esa:
— Salom, kul rang, daltonik bo‘ri!, - dermish.

Kichkina bolakay:
— Oyijon qornim ochdi? Oyijon chanqadim! Oyijon o‘yinchog‘im qani? Oyijon uxlating! Oyijon ..., - deyaveribdi.
Televizor ko‘rib yotgan adasi esa:
— Yaxshi-yam oyijon emas ekanman, - dermish.

— Manavi dorilarni olib qo‘ying.
— Voy, achchiqligini. Qanday dori edi o‘zi?
— Suvarakka qarshi...!

— Nima deb o‘ylaysan? Xitoyliklar tinchliksevar xalqmi?
— Esing joyidami? Otib tashlashadi hammani! Miltiqda nishonga olish uchun ko‘zlarini yumib, tayyor bo‘lib turishibdi-ku!

Qaynona kelinidan so‘rabdi:
— Lag‘mon cho‘zishni bilasizmi kelinposhsha?
— Ha, bilaman oyijon!
— Lag‘monlaringiz ingichka va mazali bo‘lishi uchun sizga nima kerak?
— Oyog‘imni tagida hech kim o‘ralashmasligi kerak!

<< < 69 70 71 72 73 74 75 > >>

Jami 2090 ta latifa mavjud

Tavsiya qilamiz

Bosh sahifa