Latifalar

— Nega bu ishni qildingiz?, - so‘rabdi vrach bemordan.
— Meni xotinim tashlab ketdi, - debdi bemor.
— Xotiningiz tashlab ketsa, beshinchi qavatdan o‘zingizni tashlab yuborish shartmi?!
— Tushunmadingiz doktor! Xotinim meni tashlab yubordi ...

To‘qqizinchi sinf o‘qituvchisi vinetkaga pul olib kelmagan o‘quvchilarga debdi:
— Yigirma yildan keyin sinfdoshlaringizni suratlariga qarab eslab yurasizlar.
O‘quvchilardan biri:
— Rahmatli ustozlarimizni ham eslab o‘tiramizmi?!

Oyisi o‘g‘lidan so‘rabdi:
— Oshxonada ikki bo‘lak tort bor edi. Hozir uning bir bo‘lagi qolibdi. Buni menga tushuntira olasanmi?
O‘g‘li:
— Albatta tushuntiraman oyi. Qorong‘i edi shuning uchun ikkinchi bo‘lakni ko‘rmabman...

— Botir, sen ingliz tilini bilasanmi?
— Ha, bilaman.
— Bo‘lmasa, aytchi “nothing” so‘zi nimani anglatadi?
— «Hech nima».
— Bo‘lishi mumkin emas! U nimanidir anglatishi kerak!

Bir korxona rahbarini tug‘ilgan kuni bo‘layotgan ekan. Hamma qo‘l ostidagilar:
— Tabriklaymiz xo‘jayin! Uzoq umr, baxt-omad tilaymiz! Yana uzoq yillar bizga rahbarlik qiling!, - deyaverishibdi.
Bazm oxirida xo‘jayin duoga qo‘l ochib:
— Hamma menga ichida, qalbida nima niyatlar tilagan bo‘lsa, o‘ziga ham yo‘ldosh bo‘lsin!, - deb duo qilsa, mehmonlar duo qilmasmush ...

— Sen ablahsan! Bilasanmi, vafot etganingda ehson oshingga ham kelmayman, hatto!
— Men esa seni ehson oshingga albatta boraman!

Bir ayol to‘rt yoshli o‘g‘li bilan dam olishga boribdi. U yerdan qaytgach, eriga maqtana boshlabdi:
— Rossa mazza qilib dam oldim. Bilasizmi adasi, u yerda "Mehnat qahramoni" bilan tanishib qoldim, - deb tursa, o‘g‘li:
— Qanaqa qahramon? Qo‘rqoq amaki ekan-ku! Bir o‘zi qo‘rqib, bizni xonamizda yotdi ada...

Diskotekadagi yigit bilan qiz suhbati:
— Seni ota-onang mabodo usta emasmi?
— Yo‘q, nima edi?
— Sen o‘zingdan kimni yasab olyapsan unda...?

— Zerikdingizmi? Sirlaringizni kimga aytishni bilmayapsizmi? Barcha sirlarni ochib, o‘zingizni yengil his qiling! 102 qisqa raqamiga qo‘ng‘iroq qilib, barchasini ro‘y-rost gapirib bering!

Imtihonda domla talabaga savol beryapti:
— Besh karra besh?
Talaba qo‘lidagi shpargalkaga qarab:
— Yigirma besh!
Domla ham qo‘li ostidagi shpargalkaga qarab:
— To‘g‘ri! Olti karra olti?
Talaba yana shpargalkaga qarab:
— O‘ttiz olti!
Domla ham shpargalkaga qarab:
— To‘g‘ri! Yetti karra yetti?
Talaba endi shpargalkaga qaramoqchi bo‘lgandi domla uning qo‘lini ushlab qoldi. Talaba o‘ylanib:
— Qirq yetti, - dedi.
Domla endi shpargalkasiga qaramoqchi edi talaba xam uning qo‘lidan ushlab qolsa, domla ko‘p o‘ylamay:
— To‘g‘ri, - dermish.

— Agar yana ichadigan bo‘lsangiz jigaringiz bilan xayrlashavering.
— Alvido jigarim, alvido !!!

Kompyuter dasturchisi pianinoning oldiga kelib, uni uzoq ko‘zdan kechirib, dermish:
— Klaviatura noqulay. Bor-yo‘g‘i 84 ta klavishalar bor, ularni-yam yarimidan ko‘pi funksional klavishlar. Hech qaysida yozuvi yo‘q. Lekin «Shift»ning oyoq bilan bosilishi zo‘r ekan.

Jahon moliyaviy inqirozi jarayonida ikki iqtisodchi bir-biri bilan suhbatlashyapti:
— Og‘ayni shu kunlarda kechalari umuman uxlay olmayapman. Inqiroz qattiq ta’sir qildi menga. Sizchi, sizda qanday kechyapti?
— Men chaqaloqlardek uxlayapman.
— Yo‘g‘-ye?
— Ha, har 10 minutda uyg‘onib, yig‘lab-yig‘lab olyapman.

Bir kuni xotini eriga:
— Dadajonisi, meni hozir ham avvalgidek yaxshi ko‘rasizmi?
— Yo‘q, unchalik emas.
— Voy, nima uchun?
— Keyingi paytda ko‘zim yaxshi ko‘rmayapti.

Onasi qiziga debdi:
— Qizim, seni yaxshi tarbiyaladik, konservatoriyada o‘qitdik! Nimaga shu taksi haydovchisiga tegmoqchi bo‘lyapsan?
— Chunki ular hurrakni lya minorda otadilarda shunga.

— Sobir, do you speak English?
— Nima?
— Qodir, do you speak English?
— Nima?
— Saida, do you speak English?
— Yes? I do!
— Nima?

— Dada, ilonlar ham gapiradimi?
Dadasi sekin qaynonasiga o‘girilib qarab:
— Nabirangiz sizga savol beryapti?, - dermish.

— Agar men boshimni pastga, oyog‘imni osmonga qilib tursam, qon boshimga keladimi?
— Albatta, janob.
— Unda nega tik turganimda, qon oyoqlarimga to‘planib qolmaydi?
— Chunki oyoqlaringizni ichi bo‘m-bo‘sh emas-da!

— Ha o‘rtoq, kayfiyating yo‘q?
— Ey, xotinim yana janjal qilyapti.
— Nega?
— To‘rt yuz ming oylik yosh oilaga yetmaydi deydi.
— Tejab ishlatsa yetadi.
— Men ham shuni aytaman-da. U bo‘lsa “Yetmaydi, siz ham ishlang” deyaveradi.

— Yaxshi ko‘rgan qizim cho‘ntagimdan ayollar lab bo‘yog‘ini topib olibdi. Senga xiyonat qildim deb zo‘rg‘a qutulib qoldim.
— Nega unga rostini aytmading?
— Nimalar deyapsan?! Faberlic da ishlashimni bilib qolsa, tamom bo‘laman-ku...

<< < 72 73 74 75 76 77 78 > >>

Jami 2090 ta latifa mavjud

Tavsiya qilamiz

Bosh sahifa