Latifalar

Yarim kechasi kiyimsiz, yalong‘och odam barga kirib, aroq so‘rasa, sotuvchi unga qarab turganmish.
Shunda boyagi odam:
— Nima?, Yalong‘och odam ko‘rmaganmisan?, - desa, barmen:
— Yo‘q, shunchaki, pulni qayerdan olib berishingizni o‘ylayapman, - dermish.

Bir kuni geografiya o‘qituvchisi globusni ko‘rsatib:
— Soliyev Afrika qani?, - desa Soliyev:
— Men olmadim ustoz, - debdi.
O‘qituvchi yana so‘rabdi:
— Soliyev Afrikani menga topib ber!
Soliyev:
— Ustoz rostini aytyapman, men olmadim.
Shunda o‘qituvchi:
— Bor, dadangni chaqir!, - debdi. Dadasi kelgach:
— O‘g‘lingizga Afrikani ko‘rsat, qani deb so‘rasam, men olmadim deydi. Bunga nima deysiz?, - debdi.
Dadasi o‘g‘liga o‘girilib:
— O‘g‘lim, olgan bo‘lsang, qaytib ber!, - dermish. Aqldan ozay degan ustoz ota-bolani qo‘shnisini ko‘chada ko‘rib qolibdi-da, bo‘lgan voqeani gapirib bersa, qo‘shnisi:
— O‘zi bular shunaqa, olgan narsasini qaytarib berishmaydi, - dermish.

Afandi o‘g‘li bilan ketayotsa, yonidan bir kal kishi o‘tib qolibdi. O‘g‘li afandiga qarab:
— Dada qarang, anavi amaki kal ekan, - desa, afandi:
— Sekinroq gapir, eshitib qoladi, - debdi.
Shunda o‘g‘li:
— Nima dada, u amaki kalligini o‘zi bilmaydimi?, - dermish.

Ishchi kassa yonida:
— Maoshimni "son" bilan yozaymi "so‘z" bilan-mi?
— Qancha olyapsiz?
— 250 ming so‘m.
— Unday bo‘lsa, ko‘z yoshlar bilan yozing!

Er-xotin gaplashib o‘tirishsa, telefon jiringlab qolibdi.
Er:
— Agar meni so‘rashsa, uyda yo‘qlar deb aytgin, - debdi.
Xotin borib telefon go‘shagini ko‘tarib:
— Allo, yo‘q, erim uydalar, debdi.
Eri jahli chiqib:
— Ahmoq, meni uyda yo‘q, deb aytgin dedim-ku senga, - desa, xotin bamaylixotir dermish:
— Nega jahl qilasiz? Axir telefon sizga bo‘lmadiku, - dermish.

To‘ydan keyin kelin ma’yus ohangda:
— Har kuni ovqat pishiraman, kir yuvaman, supuraman, tozalayman, dazmollayman, ... O‘zimni ertakdagi Zumraddek his qilyapman, - desa, eri:
— Aytgandim-ku, myenga turmushga chiqsang, ertaklardagidek yashaysan deb, - dermish.

Xotin eriga:
— Pulingiz bormi?
— Yo‘q, qolmadi.
— Agar topsam-chi?
— Sendan juda-yam minnatdor bo‘lardim!

Ikki dugona suhbatlashmoqda:
— Kecha erim bilan urushib qoldim. Meni xafa qildi.
— Mayli. Choy damlab berayotganingda qasdingni olasan.
— Tushunmadim...
— Axir yuziga tuflay olmaysan-ku!

— Do‘stim, janjalni qayerida bo‘lgan yaxshiroq?
— Xohlasang yonida bo‘l, xohlasang orqasida bo‘l! Lekin hech qachon o‘rtasida bo‘lma!

— Qayerdasan og‘ayni?
— Ishdaman.
— Ishdan keyin nima qilmoqchisan?
— Nima qilardim? Pensiyaga chiqmoqchiman.

— Xotinimni mantig‘iga tushunolmayman.
— Nega?
— Qo‘ng‘irog‘iga javob bermasam, ayollar bilan o‘tirgan bo‘larmushman.
— O‘chirib qo‘yaqol telefoningni.
— Unda, men ayollar bilan biron yoqqa ketgan bo‘larmushman.
— Unda yoqib qo‘y va qo‘ng‘iroqlariga javob ber! Qulog‘ing tinchiydi.
— Tinchimaydi! Unda men jazmanlarimga SMS yozayotgan bo‘larkanman.

Yarim kechasi o‘g‘ri bir uyning qulfini kesayotgan ekan. Shu yerdan o‘tayotgan odam, — Nima qilyapsiz?, - desa,
— Men-mi? Skripka chalyapman, - debdi o‘g‘ri.
— Skripkangizni ovozi chiqmayapti-ku?, - debdi boyagi odam. Shunda o‘g‘ri:
— Ovozi ertaga chiqadi, - dermish.

— Yo‘lda ketayotsam, juda ko‘p pul sochilib yotibdi. Cho‘ntagimga solaverdim, solaverdim, ...
Uyg‘onib ketib qarasam, tungi ko‘ylagimni ichiga choyshabni tiqib tashlabman.

Xotin kechasi ichib kelgan mast erini o‘rniga yotqizmoqda:
— Azizam, shiftda uchib yurgan nima?
— Pashsha-ku!
— Nega u oppoq?
— Hozir kechasi bo‘lsa, tungi ko‘ylagini kiyib olgandir-da!

Supermarket sotuvchisi xaridordan:
— Sizga "quloqcha"li paketdan beraymi? - deb so‘rabdi.
Xaridor bo‘lsa:
— Iloji bo‘lsa oyoqchaligidan bering! Yonimda o‘zi chopqillab ketaveradi! - dermish.

— O‘zbekistonda bitta yigitga uchta qiz to‘g‘ri kelarkan.
— Xo‘sh, nima bo‘pti?
— Meni qizim yo‘q! Qaysidir xotinboz oltita qiz bilan yuribdi.

— Kasbing nima?
— Bekorchiman!
— Unda qo‘shiqchi bo‘laqol!
— Yo‘g‘-ye, unchalik bekorchi emasman...

— Ikki yildan beri metroda ishga qatnayman.
Bitta homilador ayol tilanchilik qilib o‘tiradi. Yo tavba, ikki yildan beri tug‘mayapti-ya...

Bir boyning kambag‘al qo‘shnisi bor ekan. Bir kuni boy kambag‘al qo‘shnisini devoridan mo‘ralasa, kambag‘al ko‘zani silabdi. Ichidan jin chiqibdi-yu, — Amringizga muntazirman, - debdi.
Kambag‘al qo‘shnisi jinga qarab:
— Bitta choy damlab kel!, - desa, zum o‘tmay jin choynakda choy olib kelibdi.
Buni ko‘rgan boy yugurib chiqib qo‘shnisiga:
— Shu ko‘zani menga sot! Istagan pulingni beraman, - deb yolvoribdi. Kambag‘al boyni hamma pullarini, uyini, xazinasini olib, ko‘zani unga beribdi.
Boy xursand bo‘lib, eski kulbaga kiribdi-da, ko‘zani silabdi:
— Amringizga muntazirman, - deb chiqibdi jin ichidan.
— Menga katta saroy, behisob tilla ber!, - desa, jin:
— Buni iloji yo‘q. Chunki men faqat choy damlashni bilaman, - dermish.

Bir yigit do‘stiga telegramdan:
— Endi qog‘oz xatlar orqali gaplashsak nima deysan?, - deb yozibdi.
Ancha tanaffusdan so‘ng unga javob kelibdi:
— Nima Alisher, qamoqqa tushdingmi?

<< < 74 75 76 77 78 79 80 > >>

Jami 2090 ta latifa mavjud

Tavsiya qilamiz

Bosh sahifa