Latifalar

— Allo, adasi, qayerdasiz?
— Bekatda, avtobus kutyapman...
— Tezroq keling!
— Xo‘p, sal tezrok kutaman!

— Do‘stim, meni eng qo‘rqinchli suratim - bu pasportimdagisi bo‘lsa kerak?
— Yo‘q, pasportingni "kserokopiya"sida undanam hunukroq!

Ikkita dugona suhbatlashmoqda:
— Dugonajon, kechasi "Gap"ga borishga eringdan qanday qilib ruxsat olding?
— Buni yo‘li oson! Ko‘pikli vanna qilib berdim-da, chiqib ketdim.
— U shunga ko‘ndimi?
— Ko‘pikni qurilish mollari do‘konidan sotib olgandim-da!

— Avtobusga chiqsam, bir ayol supurgi ko‘tarib chiqib qoldi. "Nima, uchmayaptimi"?, deb yuboribman ...

— Ustozing senga qo‘shimcha savol ham berdimi?
— Ha.
— Nimani so‘radi?
— Tentakmisan? dedi.

— Odil ayt-chi, Pushkinning "Tatyanaga maktub" asarini o‘qib keldingmi?, - so‘rabdi o‘qituvchisi.
— Yo‘q!, - debdi o‘quvchi.
— Nega?
— O‘zingiz aytgansizku, "Birovni maktubini o‘qish yomon odat" deb, - dermish.

Bugun ishxonaga mo‘ylovimni bo‘yab kelsam, qosh chizib olgan ayollar rossa ustimdan kulishdi ... Qanday adolatsizlik!

Bobosi nabirasiga ikkinchi jahon urushi yillaridagi sarguzashtini aytib beribdi:
— Bir kuni nemislar bilan jangda mag‘lubiyatga uchradik va yashirindik.
Nemislar mard bo‘lsanglar chiqinglar deyishgandi, hech kim chiqmadi. Shunda men shartta chikdim.
Nabirasi:
— Keyin nima bo‘ldi? - debdi.
— Meni nemislar otib tashlashdi, - dermish bobosi.

Kafeda ovqatlanib o‘tirsam, yonimga bir yigit kelib, — Sizni o‘rningizga men to‘lasam maylimi? - degan edi
Sumkamdan gaz, suv, elektr energiyasi uchun kvitansiyalarni olib, qo‘liga tutqazdim!

Xotin eriga javray boshlabdi:
— Sizga nechi martta aytaman, ichimlik olayotganingizda qarang, sharbatlarga 100 foiz deb yoziladi.
Gazli ichimliklarga 50 yoki 80 foiz deb yoziladi. Nektarlarga 40 foiz deb!
Eri xursand bo‘lib:
— Ana aytdim-ku xotin, aroq - bu nektar deb, - dermish.

— Bir daqiqa kulgu umrni besh daqiqaga uzaytirishi rostmi?
— Bu kimni ustidan kulishingga bog‘liq...! Boshqa umuman kulmasliging ham mumkin...

O‘zbek, qozoq, qirg‘iz dalada shashlik qilib o‘tirishsa, dev kelib qolibdi.
— Hozir uchchalangni ham yeyman. Faqat kimdan boshlashni aniqlab olishim uchun, hozir anavi ko‘rinib turgan tepalikka yugurib borib, orqaga qaytasizlar. Kim oxiri qaytsa, yeyishni o‘shandan boshlayman, - debdi.
Uchchalasi yugurib ketibdi. Birinchi qozoq, ikkinchi bo‘lib qirg‘iz qaytib kelibdi.
Dev:
— Demak, birinchi o‘zbekdan boshlar ekanman, - desa, qirg‘iz devga qarab:
— O‘zbek kelmasa kerak. Tepalikni orqasiga o‘tib, uyiga ketvardi, - dermish.

Bir soxta tabib odamlarni tomirini ushlab, kasalini aniqlab, dori yozarkan. Bir kuni bemorni chap qo‘l tomirini ushlab, dori yoza boshlasa, bemor tabibga qarab:
— O‘ng qo‘limni tekshiring, chapi pratez, - dermish.

O‘qituvchi to‘polonchi o‘quvchining tanobini tortib qo‘yish uchun unga savol beribdi:
— Qani, menga osmonda nechta yulduz borligini aytib ber-chi.
— Yuz mingta yulduz bor, - ikkilanmay javob beribdi o‘quvchi.
— Yaxshi. Kechqurun sanab tekshirib ko‘raman.
Ertasi kuni o‘qituvchi yana o‘sha o‘quvchini savolga tutibdi:
— Javobing noto‘g‘ri ekan. Osmonda 9997 ta yulduz chiqdi.
O‘quvchi chapak chalib yuboribdi:
— Aytgandim-ku, yuz ming yulduz bor deb. Kecha tunda uchta yuldzuz uchganini qo‘shsangiz javob to‘g‘ri bo‘ladi.

Eri xotiniga baqirib:
— Zumrasha o‘g‘ling yana oyoq kiyimimni rasvo qilibdi. Tuvakka o‘tirishni o‘rgangan eding-ku...?
Xotini:
— Tufligingizdan badbo‘y hid kelayotgan edi. Adashib ketibdi-da...

Qiz dadasiga qo‘ng‘irok qilib:
— Dada, meni tabriklang! Men turmushga chiqdim! - desa, dadasi:
— Meni qiziqtirmaydi. Kech kirishi bilan uyga qayt! - dermish.

Bir haydovchini GAI to‘xtatib:
— Hujjatlaringizni taqdim eting, - debdi. Haydovchi hujjatlarni beribdi.
— Qoidani buzdingiz, jarima yozaman, - debdi GAI xodimi.
Haydovchi:
— Mayli, yozing,- debdi.
— Menga biror narsa taklif qilmaysizmi?, - debdi yana GAI.
— Menga turmushga chiqing, - debdi haydovchi.
GAI shu zahoti unga hujjatlarini qaytarib, qochib qolgan ekan.

— Yaxshi qiz, siz bilan bugun biror joyda uchrashsak bo‘ladimi?
— Keling, ertaga uchrashamiz... Bugun erimni tug‘ilgan kuni edi, bolalarni bog‘chadan olishim kerak!

Bir kuni afandining xotini chuchvara tugib o‘tirsa, yoniga mushugi kelib suykalibdi. Xotini uni bir tepib, haydabdi. Mushuk qasd olmoqchi bo‘libdi.
Chuchvara pishgach, afandi endi yemoqchi bo‘lib turgan ekan, mushugi unga ham suykala boshlabdi. Afandi birinchi chuchvarani mushukka bersa, mushuk chuchvarani yeb, o‘zini o‘lganga solib yerga yotib olibdi.
Afandi xotiniga:
— Meni o‘ldirmoqchi bo‘ldingmi?, - deb baqira ketibdi.
Mushuk esa bitta ko‘zini ochib:
— Ajab bo‘pti, - dermish.

— Adajon, nega singlimni ismi Oltinoy?
— Onang tillani juda-yam yaxshi ko‘rgani uchun!
— Unda nimaga meni ismim To‘xtasin?
— Ko‘p savol beravermagin...!

<< < 75 76 77 78 79 80 81 > >>

Jami 2090 ta latifa mavjud

Tavsiya qilamiz

Bosh sahifa