Latifalar

Asabiylashgan bemor vrachdan so‘rabdi:
— Rentgen tasviri necha pul turadi?
— Oddiy tasvirmi?, - debdi vrach.
— Yo‘q, yelkamda maymun bolasi, orqamda esa qora dengiz, ustida chayka qushlari uchib yurgan ko‘rinishi qancha bo‘ladi?! - dermish.

Xotin eriga debdi:
— Adasi haydovchilik guvohnomasiga o‘qisam degandim. Menga mashina olib berardingiz... Qarindoshlarnikiga borardik.
Eri:
— Sen mashina haydasang, qarindoshlarni ko‘ra olmaymizmi deb qo‘rqaman, xotin...!

— Adasi, ancha sovuq tushib qoldi. Bolalarni kiyintirish kerak! Qachon bozorga olib borasiz?
— Kecha hisoblab ko‘rdim. Bolalarni issiq o‘lkalarga uch oyga yuborsak arzonroq tusharkan, xotin...

Bir bolakay maktabga ketayotsa, yoniga taksi kelib to‘xtabdi-da:
— O‘tir olib borib qo‘yaman, - debdi haydovchi bolaga rahmi kelib. Bolakay mashinaga chiqibdi-yu, haydovchiga savol bera boshlabdi:
— Otam harbiy, onam militsiyada ishlasa, men kim bo‘laman?
— Yaxshi harbiy bo‘lasan.
Bolakay yana so‘radi
— Agar otam o‘qituvchi, onam esa bog‘cha tarbiyachisi bo‘lsa, men kim bo‘laman?
Haydovchi:
— Murabbiy bo‘lsang kerak.
Shunday qilib bolakay savol beraveribdi. Oxiri haydovchi jahli chiqib, bolaga o‘girilibdi-da:
— Agar otang bema’ni, aroqxo‘r, qimorboz bo‘lsa, onang betayin buzuqi bo‘lsa, sen kim bo‘lasan?
Shunda bolakay:
— Taksichi bo‘laman, - degan ekan.

Aka-singil karamli salat yeb o‘tirishgan ekan akasi:
— Singlim, echkiga o‘xshab o‘tirishimizzi qara! - desa, singlisi:
— Siz balki echkiga o‘xshab ketyapsiz, men quyonchaman! - dermish.

Mehmon mezbonga:
— Sahiyligingiz shundan ko‘rinib turibdi. Qarang, piyolamni to‘ldirib choy quyibsiz!
— Bu sahiylikmas. Shakar sololmang dedim!!!

Erkak do‘stiga dedi:
— Kecha kechqurun kelayotsam, yo‘l chetida qurbaqa yotibdi. Rahmim kelib uyga olib keldim. Uxlashga yotayotib uni yonimga yotqizdim. Ertalab uyg‘onsam qurbaqa malikaga aylanib qolibdi. Ishonasanmi do‘stim?
— Ha ishonaman.
— Negadir xotinim ishonmayapti.
— Menda-yam shunaqa bo‘lgandi-da...

Xotini ko‘zgu oldida o‘ziga oro berib eriga maqtana boshlabdi:
— Bilasizmi? Bugun kosmetologga borgandim. U meni yuzimni 18 yoshli qiznikiga o‘xshatdi.
Eri ensa qotirib:
— 48 yoshli ajinlaring haqida hech nima demadimi, - desa, xotini jahl bilan:
— Yo‘q! Sizni so‘ramadi, - dermish.

Ikkita jinni tortishib qolishibdi.
Birinchisi olma daraxtiga qarab turib:
— Bu yil mana shu daraxt ikki tonna olcha beradi, - debdi.
Ikkinchisi esa:
— Yo‘q, bu daraxt bu yil bir tonna shaftoli beradi, - debdi.
Shu payt shifokor kelib qolibdi. Suhbatni eshitib turib:
— Axir, bu daraxt anor-ku! - dermish.

— Sizga qoyilman! Qanday qilib uni boshqaryapsiz?
— Kimni?
— Bema’ni tilingizni-da...

Bir kuni ko‘r bilan kar ovga borishibdi. Yo‘ldan chiqqan quyonni ko‘r otibdi.
Keyin qarg‘a:
— Tegdimi? - desa,
Kar:
— Otmisanmi?, - dermish.

Bir odam taksi to‘xtatib, orqa o‘rindiqqa o‘rnashib o‘tiribdi. Manzilga yaqinlashganda, orqadan taksichini yelkasiga qo‘lini qo‘ygan ekan, taksichi dod solib baqirib, mashinani daraxtga borib uribdi.
O‘ziga kela olmagan haydovchi boshi yorilgan yo‘lovchiga qarab:
— Kechirasiz og‘ayni. Taksida uchinchi kun ishlayapman. Oldin 15 yil morgda o‘lik tashiganman..., - dermish.

Bir kishi gazetaga e’lon beribdi.
"Men ish izlayapman. Maoshi ko‘p bo‘lishi shart emas. Faqat bitta shartim, dushanbadan jumagacha dam olish, shanba yakshanba kunlari esa xordiq bo‘lsa kifoya" deb yozib qo‘yibdi.

Ishga kirish uchun suhbatdan o‘tayotgan yigitdan:
— Avval juda yaxshi joyda ishlagan ekansiz. Ayting-chi, nega bo‘shagansiz? - deb so‘rashsa, yigit:
— Siz o‘zingiz ayting-chi, avvalgi ishchingiz nega bo‘shab ketgan?

Shifoxonada:
— Jag‘ingiz qanday sindi?
— Ishda jarohat oldim.
— Uch joyidan sinibdi-ya o‘ziyam. Nima ish qilasiz?
— Ekskavatorchiman. Kecha ishdan qaytayotsam, yo‘ldagi kanalizatsiya qopqog‘i ochilib yotgan ekan. Birortasi tushib ketmasin deb, ekskavator cho‘michini tuynukka qo‘yib, uyga kirib ketdim. Ertalab kelib cho‘michni ko‘tarsam, kanalizatsiyadan uchta santexnik chiqib kelishdi...

To‘rtta farzandi bor erga xotini:
— Tuzlangan qulupnay yegim kelyapti adasi, - deyishi bilan er hushidan ketib qolibdi...

Maktabdan qaytgan qizidan otasi so‘rabdi:
— Ho‘sh qizim, maktabingda nima yangiliklar?
Qizi:
— Maktabimiz yonidagi somsaxonada narxlar oshibdi ada...

Bir kuni Moskvadan Afrikaga uchayotgan samolyot jungli o‘rmonlariga qulab tushibdi. Samolyot ichidagi odamlar hayron, hamma yokda turli xil hayvonlar...
Shunda bitta mahluq kelib samolyot ichiga qarab:
— Ayollarni yeyman, erkaklarni olib qolaman. Ular menga ovqat pishirib, kiyimlarimni yuvishadi, - debdi.
Shunda bir ayol o‘rnidan turib:
— Iltimos, bizni yemang, axir bunday ishlarni ayollar qilishadi-ku..., - desa, samolyot oxirida o‘tirgan barzangi erkak o‘rnidan turib:
— Hoy nodon ayol nimalar deyapsan?! Mahluq akamni o‘zi biladi nima qilishni, - dermish

— Menga bitta chiroyli atirguldan bering!
— Sevgan qizingizgami?
— Yo‘q, qaynonamga.
— Nega buncha kam?
— To‘g‘ri aytasiz. Ikkita beraqoling!

— Sizni nega ishdan bo‘shatishdi?
— Avtobusda ko‘zi ojiz yo‘lovchiga joy berganim uchun!
— Kim bo‘lib ishlardingiz o‘zi?
— Avtobus haydovchisi edim...

<< < 77 78 79 80 81 82 83 > >>

Jami 2090 ta latifa mavjud

Tavsiya qilamiz

Bosh sahifa