Latifalar

Rus tilini yaxshi bilmaydigan ikkita yigit Rossiyada yashar ekan. Bir kuni tovuq go‘shtini sotib olish uchun do‘konga kirishibdi. Rastaga qarashsa, tovuq ko‘rinmabdi. Bittasi sotuvchini yoniga borib:
— Gde petux? - desa, sotuvchini jahli chiqib, haligi yigitni yoqasidan olib:
— Kto petux? - deb urmoqchi bo‘lsa, yonidagi sherigi ikkala qo‘lini tepaga ko‘tarib:
— Stop, stop - debdi-da, yugurib borib bitta tuxumni olib kelib sotuvchiga ko‘rsatib:
— Gde mama? - dermish.

— Do‘stim, uylanayotgan emishsan, tabriklayman! Kelin qalay? Yoqdimi?
— Bilasanmi, hammani fikri har xil... Onamga, xolamga, ammalarimga yoqdi, menga esa yo‘q!

Qari kampir qutqaruv xizmatiga qo‘ng‘iroq qilyapti:
— Allo, hovlimdagi daraxtda katta ayiq o‘tiribdi. Yordam bering!
Qutqaruv xizmatidan bir erkak kuchukcha yetaklab kelibdi.
— Xolajon, manavi miltiqni ushlang. Men daraxtga chiqib, silkitaman, ayiq yiqilsa, unga qarata o‘q uzasiz, - debdi qutqaruvchi.
Kampir:
— Kuchukchani nimaga olib keldingiz unda?
Erkak:
— Agar ayiqni o‘rniga o‘zim yiqilsam, kuchukchaga qaratib oting!!!

Biror bir ahmoqlik qilib qo‘ysam, uylanish uchun kredit olayotgan yigitlar haqida o‘ylayman! Ancha tinchlanaman! Meni ahmoqligim ularniki oldida hech narsa emas ekan...

— Kecha e’lon bergandim: "O‘zimga turmush o‘rtoq qidiryapman" deb.
— Xo‘sh nima bo‘ldi?
— Bugun bir qop xat keldi. Hammasida bir xil yozuv: "Meni erimni olib keting!" degan.

Afandining bir boy qo‘shnisi bor ekan. U boy nuqul afandiga xatlarini bepul yozdirib yurarkan.
Bir kishi so‘rabdi:
— Afandi, nega nuqul boyni xatlarini bepul yozib berasan? Axir u senga haq to‘lamaydi-ku?!
Afandi debdi:
— Agar boyni xatlarini yozib bermasam, u menga ko‘p pul to‘lay boshlaydimi???

O‘zbek tilini yaxshi bilmaydigan bir yigitning yuragi og‘rib qolib:
— Qalbim og‘riyapti, qalbim og‘riyapti, - deb yiqila boshlasa, do‘sti:
— Qanchalar go‘zal so‘zlar...! - deb qarab turaveribdi.
Nariroqda boshqa do‘sti tushunib qolib:
— Ey ahmoq, bor "Tez yordam" chaqir! - dermish.

Bir yigitni uylantirishibdi. To‘yda hammaga osh berishibdi-yu, kuyovga osh yetmay qolibdi.
To‘y tugagach, kuyov go‘shangaga kirmasdan, tashqarida xafa bo‘lib o‘tirgan ekan, dadasi:
— Ha o‘g‘lim, nimaga tashqarida o‘tiribsan, kelinni yoniga kirmaysanmi? - desa,
— Kirmayman, - deb baqiribdi.
— Nega kirmaysan, - desa, o‘g‘li:
— Osh yeganlar kiraqolsin, - dermish.

Boshliq ishchiga qarab:
— Siz ishdan bo‘shadingiz! - desa, ishchi:
— Bo‘shadingiz??? G‘alati...!? Qullarni sotib yuborishar edi-ku?!

Bir barbisifat ayol ginekolog qabuliga kiribdi. Doktor uni ko‘rikdan o‘tkazib bo‘lgach, so‘rabdi:
— Nimadan shikoyatiz bor?
— Shu desangiz, tishim juda yomon og‘riyapti.
— Iye, sizni ginekologik ko‘rikdan o‘tkazdim-ku? Nega tishim og‘riyapti demadingiz?
— Tishimni ildizini qidiryapsiz deb o‘ylabman-da!!!

— Xo‘sh dugonajon, bu iPhone senga qanchaga tushdi?
— Yigirmata janjalga, dugonajon...
— Voy, rossa qimmat ekan-da!?

Maktabda o‘quvchisi sinfdoshini uyiga borib, eshik qo‘ng‘irog‘ini bosgan ekan, do‘stini onasi eshikni ochibdi. Haligi bola unga:
— Salom xolajon! Akbar uydami, - deb so‘rasa,
— Ha uyda! Lekin ovqatlanyapti. Balki sen ham ovqatlanishni xohlarsan, - debdi.
— Ha xohlayman, - desa,
— Bo‘pti, unda sen ham uyingga borib ovqatingni yegin, keyin kelarsan, - dermish.

— Yaxshi qiz, sizni raqsga taklif qilsam maylimi?
— Meni ikkita farzandim bor!
— Mayli, u holda o‘tirib dam olavering!

Qish, izg‘irin sovuq ekan. Ko‘chada ikkita eshak ketayotsa, yonidan kalta yubka kiygan bir qiz o‘tib ketibdi.
Shunda birinchi eshshak ikkinchisiga qarab:
— Qara, bizdan ham terisi qalin jonivorlar bor ekan-a? - dermish.

Bir bemor shifokorga kelib:
— Yordam bering. Meni qulog‘im og‘riyapti. Narigi xonadagi vrachlar qulog‘ingizni kesamiz deyishyapti...
Shifokor:
— Tavba, nega unday deyishadi. Qo‘rqitib yuborishibdi-ku sizni!!! Men sizga bir dori beraman. Uch kun ichasiz.
Bemor:
— Keyin kesishmaydimi qulog‘imni?
Shifokor:
— Yo‘q. Quloqlaringiz o‘zi uzilib tushadi...

Bir kuni Mersedes avtomobili buzilib qolgan Zaporoj mashinasini tortib ketmoqchi bo‘libdi. Zaporoj haydovchisi qari chol:
— Yigitlar, faqat Mersedesni tez haydamanglar. Agar tezlashib ketsangiz, faralarni yoqib-o‘chirib ishora qilaman, - debdi.
Yo‘lda Mersedes baribir tezlashib ketibdi. Orqasida kelayotgan Zaporoj ishora qilsa ham e’tibor berishmabdi.
Birinchi postda to‘xtamasdan "uchib" o‘tib ketishibdi. Postdagilar darhol keyingi postga qo‘ng‘iroq qilib:
— Hozirgina Mersedes mashinasi katta tezlikda o‘tib ketdi. Orqasidan kelayotgan Zaporoj haydovchisi faralarni yoqib-o‘chirib, "o‘tib ketay" degan ishorani bersa ham, tushunishmayapti, - dermish.

Ikkita mardikor boyni uyini kraska qilishayotsa, boyni qo‘shnisi chiqib:
— Kraskani menga sotinglar - debdi. Mardikorlar boyni otini labiga kraskadan surtishibdi-da, kraskani sotib yuborishibdi. Boy kelsa ish to‘xtagan. Mardikorlar dam olib o‘tirishibdi. Boy hayron bo‘lib:
— Nimaga ishlamasdan o‘tiribsizlar? - deb so‘rasa, mardikorlar otni ko‘rsatib:
— Kraskani otingiz ichib qo‘ydi - deyishibdi. Boy otiga qarasa, labi kraska. Shartta cho‘ntagidan to‘pponchasini chiqarib, otini otmoqchi bo‘libdi.
Mardikorlar boyni to‘xtatib:
— To‘xtang, axir ot kraskadan qimmat-ku! - deyishsa, boy:
— Senlar aralashma! O‘tgan yili bu la’nati ikki tonna sementni ham yeb qo‘ygan edi, - dermish.

Bir ayol derazadan qarab turib, ro‘paradagi uyda kir osib chiqayotgan qo‘shnisini ko‘rsatib:
— Adasi, qarang! Anavi ayol kirlarni chala yuvar ekan, - debdi.
Eri indamabdi. Ertasiga, indinga yana shu holat takrorlanaveribdi. Uchinchi kuni xotini derazadan qarab:
— Hayriyat-yey, anavi ayol bugun kirlarni tozza yuvibdi, - desa, eri:
— Yo‘q, men ertalab derazalarimizni artib qo‘ydim, - dermish.

— Zavodga ishga kirgan edim. Birinchi ish kunimdayoq jarohat oldim.
— Qanday qilib?
— Alisher, bolg‘ani tashlab yubor! - deb tepadagilarga baqirgandim... Keyin bilsam zavodda 20 ta Alisher ishlar ekan.

Mast kishi jon-jahdi bilan simyog‘ochni taqillatardi.
— Xotin, kimga aytyapman, och eshikni!
Yaqindan o‘tib ketayotgan posbon yoniga kelib:
— O‘rtoq, nima gap?! Qani, «puf» deng-chi?!
Mast jon-jahdi bilan puflagandi, posbon o‘zi chayqala boshladi va simyog‘ochni taqillatib baqirdi:
— Qanaka xotinsiz, o‘zi? Oching eshikni!

<< < 91 92 93 94 95 96 97 > >>

Jami 2090 ta latifa mavjud

Tavsiya qilamiz

Bosh sahifa