Latifalar

Praporshik askarlarga yangi ishlab chiqilgan tank haqida so‘zlab beryapti:
— Qarshingizda fan va texnikaning so‘nggi yutuqlari ila yaratilgan jangovar mashina turibdi. Ushbu tank bortiga kompyuter o‘rnatilgan bo‘lib...
— O‘rtoq praporshik, o‘sha kompyuter tezligi haqida ham to‘xtalib o‘tsangiz, iltimos.
— Ovsarlar uchun alohida ta’kidlab o‘taman. Kompyuter tank harakatining tezligi bilan teng harakatlanadi!

Sen haqingda hamma narsani bilaman:
1. Hozir Internetda o‘tiribsan.
2. Sen saytdasan.
3. Sen hozir buni o‘qiyapsan.
5. 4-band yo‘qligini payqamading.
6. Ana, tekshirib ko‘ryapsan.
7. Endi jilmayding.
latifa.uz sayti bilan hamisha kayfiyating a’lo bo‘lsin.

Erkak yarim tunda xotinini uyg‘otib:
— Tur, ko‘zoynagimni olib ber!
— Yarim kechada nima qilmoqchisiz?
— Qiziqarli tush ko‘rayotgan edim, ko‘zoynakda yaxshiroq ko‘raman-da!

Qabriston qorovuli boshlig‘iga borib ishdan bo‘shatishini talab qildi.
— Meni ishdan bo‘shating, to‘ydim!
— Iye, nimaga?
— Qabrlarni har kuni oralab yuraman. Qayerga qaramay, "Bu yerda falonchi yotibdi", "Bu yerda pismadonchi yotibdi" degan yozuvga ko‘zim tushadi. Nima, birgina men ishlashim kerakmi bu yerda?

Eronning futbol terma jamoasi murabbiysi sehrli chiroqdan chiqqan jindan so‘rabdi:
— Qachon meni jamoam jahon chempionatiga chiqadi?
Jin:
— 2024 yilda, - debdi. Murabbiy yig‘lab:
— Men u kunlarni ko‘rmasam kerak, - debdi.
Yaponiya, Koreya, Qatar futbol jamoalarining murabbiylari ham jinning javoblaridan yig‘lab:
— Biz u kunni ko‘ra olmasak kerak, - deb ketishibdi.
Oxiri navbat bizning murabbiyga kelibdi:
— Qachon meni o‘yinchilarim jahon chempionatiga chiqishadi? - desa,
Jin yig‘lab:
— U kunlarni ko‘rish menga nasib qilmasa kerak, - dermish.

Telegrammdagi suhbatdan:
— Sevgan qizingiz bormi?
— Yo‘q.
— Unday bo‘lsa, biron yerda uchrashib, tanishib olsak bo‘lar ekan.
— Afsuski, buning iloji yo‘q...
— Sabab?
— Xotinim ruxsat bermaydi.

Jang maydoniga oshpaz emaklab kelib, akopdagi askarlardan:
— Bugun nima ovqat qilay? - desa, bo‘linma komandiri:
— Osh qil! - debdi.
— Necha kilo qilay? - so‘rabdi oshpaz:
— 10 kg necha kishiga yetadi? - debdi yana komandir.
— 90-100 kishiga yetadi, - desa,
— Bo‘lmasa jangdan keyin qilasan, - dermish.

Boshliqning "Oltin qoidalari":
1. Boshliq hamisha haq.
2. Boshliq kech qolmaydi, ish yuzasidan ushlanib qoladi.
3. Boshliq xodimalarga tegajoqlik qilmaydi, ularga e’tibor qaratadi.
4. Boshliqni xonasiga o‘zingni g‘oyalaring bilan kirib, boshliqni g‘oyalari bilan chiqishing kerak.

Beshta og‘ayni choyxonada o‘tirsa, telefon jiringlabdi:
— Allo, adasi, kecha men sizga aytgan tilla zanjirni bugun qo‘shnimiz sotib chiqdi. Olaveraymi?
— Ha, olaver!
— Keyin, internet orqali yangi telefonga ham buyurtma berib yubormoqchiman, maylimi?
— Mayli!
— Kelasi hafta 8 mart bayrami ekan. Shunga yangi ko‘ylak ham tiktirmoqchiman. Uydagi puldan olib, tikuvchiga borib kelsammikin degandim?!
— Xo‘p mayli, boraver!
Telefon suhbati tugagach, yigit telefonni joyiga qo‘yib debdi:
— Og‘aynilar, manavi telefon o‘zi kimniki edi???

Universitetni tamomlagan chiroyli, yosh qiz maktabga nemis tilidan dars berish uchun kelibdi. Maktab direktori yosh o‘qituvchini tekshirish maqsadida, u dars o‘tayotgan xonaga kirib, oxirgi partadagi o‘quvchining yoniga joylashibdi. Yosh muallima doskaga nemis tilida jumla yozib, bolalardan so‘rabdi:
— Qani, kim doskadagi yozuvni tarjima qiladi?
Orqa partada, direktorni yonida o‘tirgan bola qo‘lini ko‘tarib:
— Bugun uchrashsak bo‘ladimi? deb yozilgan ustoz, - desa, o‘qituvchini jahli chiqib:
— Nima? Voy tarbiyasiz-yey! Narsalaringni yig‘ishtir-da, yo‘qol!!!
Bola narsalarini yig‘ishtirib, direktorga qarab, yig‘lamsirab debdi:
— Nemischani tarjima qilishni bilmaskansiz, nima qilardingiz menga o‘rgatib?!...

Afandi erta bahorda boqqa qalamcha ekayotgan bog‘bondan so‘radi:
— Nima ekayotibsiz?
— Ko‘chat, - dedi bog‘bon,- hademay ko‘karib mevaga kiradi.
— Hammasi quruq kaltak-ku! - dedi Afandi taajjublanib.
— Ha, yer-suv quruq kaltakni ham ko‘kartiraveradi.
— Bo‘masa meni ham yerga ko‘mib qo‘ying, - iltimos qildi Afandi.
Bog‘bon kulib Afandining beligacha tuproq tortib ko‘mib qo‘ydi.
Afandy peshingacha izg‘irin shamolda turdi, qorni ochdi, badaniga zax o‘tdi. Bog‘bon peshinda ovqatga o‘tirganida Afandi qichqirdi:
— Taqsir, men bu yerda tomir otib, mevaga kirmaydiganga o‘xshayman, iloji bo‘lsa meni ovqatga yaqinroq joyga o‘tqazsangiz.

Ikki askar bir-biriga maqtanyapti. Birinchisi dedi:
— Xotinimning qo‘li gul! Shimimga yamoq solsa, yamoq solgani umuman bilinmaydi-e!
Ikkinchisi bo‘sh kemadi:
— E buning nima bo‘pti!? Mening xotinchamni qo‘lini gul desang arziydi! Kiyimlarini yuvsa, yuvgani umuman bilinmaydi!

Vrach bemordan:
— Sizga nechi pullik narkozdan qilay?
— Eng arzonidan!
— Alla, alla, alla-yo...

— Sen tentaksan!
— Nima deding? Qaytar-chi!
— Sen tentaksan!
— Yana bir qaytar!
— Sen tentaksan deyapman.
— Tentak odamni buyruqlarini bajaryapsan-ku! O‘zing kim bo‘lasan unda?!

Bir kuni o‘g‘li chizgan rasmini dadasiga ko‘rsatsa:
— E, qoyil o‘g‘lim! Huddi o‘zimni chizibsan-ku! Faqat nega sochimni rangini jigarrangga bo‘yading? - so‘rabdi ota.
Shunda o‘g‘il qalamlariga qarab turib:
— Menda "kal" rang yo‘q-da, dada, - dermish.

— Nimaga kech qolding?
— Ertalab 6:00 da uyg‘ongandim. Keyin ko‘zim sal ilinibdi-da...

Yigit bilan qiz uchrashuv belgilashibdi. Yigit qizni rossa kutibdi. Qiz kelmabdi. Oxiri uyiga qaytib ketibdi. Ertasi kuni qiz yigitga qo‘ng‘iroq qilib, gapi borligini aytibdi. Qiz yigit bilan uchrashibdi-yu, kecha hind kinosi ko‘rganini, shuning uchun uchrashuvga kela olmaganini tushuntiribdi.
Keyin qiz yigitga:
— Biror kafega kiraylik, kinoni gapirib beraman, - debdi.
Bir kafega kirib o‘tirib, qiz kinoni gapirib bera boshlabdi. Bir yarim soat tinmay gapirib bo‘lib:
— Mana, kinoni 1-qismi tugadi. Hozir bir suv ichib olay, 2-qismini gapirib beraman, - desa, yigit:
— Mayli, faqat kinodagi ashula aytib, raqsga tushgan joylarini o‘tkazib yuborgin. Shuncha odam oldida uyalib ketyabman, - degan ekan.

Bolakay maktabdan kelib dadasidan so‘radi:
— Dada,siz ham muallimani sevib qolganmisiz?
— Ha!
— Keyin-chi, keyin nima bo‘lgan?
— Keyinmi? Keyin oying seni boshqa maktabga o‘tkazib qo‘ygan!

Kotiba boshliqning xonasiga kirib unga:
— Bugundan boshlab meni oyligim ko‘tariladi. Haftada 4 kun dam olaman.
— Buni senga kim aytdi?
— Ginekolog bilan advokat aytdi!

Bemor shifokorga murojaat qildi:
— Men tobora eshitish qobiliyatimni yo‘qotayapman, so‘nggi paytda hatto o‘z yo‘talimni ham eshita olmayapman.
Shifokor unga dorilar ro‘yxatini yozib uzatdi va dedi:
— Mana shu dorilarni kuniga uch mahal iching...
— Keyin yaxshi eshitadigan bo‘lamanmi?
— Yo‘q, qattiqroq yo‘talasiz.

<< < 95 96 97 98 99 100 101 > >>

Jami 2090 ta latifa mavjud

Tavsiya qilamiz

Bosh sahifa