Doktorlar haqida

Bir shifokor qiziqchi do'stining tarvuz bilan asal yeyayotganini ko'rib:
-Yeyayotganlaring bir-biriga to'g'ri kelmaydi, senga zarar yetkazishi mumkin, dedi.
Shifokor ertasiga o'sha do'stining kasal bo'lib qolganini eshitib, uni ko'rgani kelibdi.
-Men senga tarvuz bilan asal to'g'ri kelmaydi, deb ogohlantirgan edim-ku.
Aksincha, ular bir-biri bilan inoq bo'lib ketishdi. Til biriktirib, endi meni halok qilishmoqchi,debdi bemor.

Operatsiya honasida.
- Myau!
- Pisht!
- Mya-u-u!
- Ma, ol, tiqilib o'l, iloyim!

Asab kasalligi shifokori bemorga dori beryapti:
-Qani, dorini yuting! Tezroq yuting!
Yut dedim, yaramas!!!

-Do'xtir, manavi dorilar rostdan ham menga yordam beradimi?
-Albatta. Bu dorini olgan bemorlar shu paytgacha oldimga qaytib kirishmagan.

Shifokorlar operatsiyaga tayyorgarlik ko'rishmoqda. Bemor jarrohdan so'radi:
- Do'xtir, o'lib qolmaymanmi?
- Bu nima deganingiz? Buning uchun biz qanchalik urinishimizni bilasizmi o'zi?

Shifokor bemorning ko'zlarini tekshirib bo'lgach, so'radi:
-Yopiray! Shifoxonamizni qanday topib keldingiz?

Shifokor:
- Hammasiga sigaret bilan aroq aybdor!..
Bemor:
- Xayriyat-e, do'xtir, ayb mendamikin deb o'ylabman..

- Ikkala tishingiz ham qattiq shamollagan. Olib tashlash kerak.
- Qancha bo'ladi?
- Bir yuz ellik dollar.
- Ikki daqiqada bir yuz ellik dollar to'laymanmi?
- Xohlasangiz, juda-juda sekin sug'irishim mumkun.

Vrach bemorga dedi:
-Sizga ichish, chekish, begona ayollar bilan muloqotda bo'lish ta'qiqlanadi.
Bemor o'zicha o'yladi:
«Xotinim qurmag'ur shu yergayam kelib ketdimi deyman

Doktordan so'rashibdi:
- Qaysi kasal yaxshi deb o'ylaysiz?
- Skleroz .
- Nimaga?
- Chunki bu kasalda hech qayeri og'rimaydi va yana har kuni yangilik bo'ladi.

Dorixonada:
- Menga og'riqni qoldiradigan dori kerak.
- Qayring og'riyapdi?
- Kechqurun dadamga kundaligimni ko'rsatmoqchiman.

Shifokor huzuriga kirgan bemor:
- Doktor, men jigar bilan kelgan edim…
- Juda soz, - dedi shifokor.
- Qani, bering, aynib qolmasidan muzlatgichga solib qo'yay!

- Do'xtir, ochko'zlikka qarshi biror malhamingiz yo'qmi?
- Bor, xozir men sizga dori yozib beraman.
- Faqat ko'proq, ko'proq...

Afandi do'xtirga borib debdi:
- Do'xtir, hammayog'im og'riyapti...
Do'xtir:-Qayeringiz og'riyapti?- deb so'rabdi.
Afandi:-Barmog'im bilan qayerimga tegsam o'sha yerim...
Do'xtir:
-Eee afandi ,a bu qo'lingizni kesvobsiz-ku, debdi.

- Sen ko'proq nimadan qo'rqasan?
- Tish do'xtiridan va qorong'ulikdan.
- Tish do'xtiri tushunarli. Qorong'udan nimaga qo'rqasan?
- Iya, qorong'ulikda ko'o'p tish do'xtirlari berkinib turgan bo'lishi mumkinda!

- Doktor, piyonistalik yomon illat emas, balki kasallik ekanligi to'g'rimi?
- Ha,to'g'ri! Mendan nima istaysiz?
- Yuz gramm spirt va kasallik varaqasini.

- Do'xtir, nafas olganimda yuragim qattiq sanchiyapti.
- Unday bo'lsa, nafas olmaslikka harakat qiling.

-Do'xtir bolam, qulog'im mutloqo eshtmay qoldi-ya..
-Unda xursand bo'ling, otaxon, dunyoning tashvishlaridan qutulibsiz.

Bir ayol shifokorga:
-Erim og'ir kasal bo'lib qoldi. Nima qilsam ekan, maslahat bering?
-Buning uchun unga aniq tashhis qo'yish kerak.
-Siz yechining-da ,uning qaysi joyi og'riyotganini ko'rsating.

Bemor:
-Qulog'im og'riyapti, desam ko'zimga dori qo'yyapsizmi?
Do'xtir:
- Har bir kasallikning oldini olgan yaxshi. Agar men hozir dori qo'ymasam, ertaga qulog'ingizning og'rig'i unga ham o'tib ketishi mumkun.

Sochingiz to'kilyaptimi? Uni asramoqchimisiz? Do'konimizga marhat qiling!
Bizda sochingizni asrash uchun chiroyli qutilar bor.

Kampir shifokor ko'rigiga keldi. Shifokor uni tekshirib dedi:
- Yuragingiz negadir nimjonroq, zinadan yurmaganingiz ma'qul.
Bir oy o'tgach, kampir qayta ko'rikdan o'tishga keldi.
Shifokor:-Bu boshqa gap, yuragingiz ancha kuchga kiribdi, endi bemalol zinadan yurishingiz mumkin.
- Qanday yaxshi, truba orqali derazadan kiraverib, qiynalib ketgan edim.

Ikkita skelet gaplashib turishib biri ikkinchisiga debdi: - Sen qanaqa odamni skeletisan?
- Men semiz odamni skeletiman.
- O'zingchi? - Men oriq odamning skeletiman, - debdi.
Skameykada bir skelet o'tirgan ekan, haligilar: - Uka, siz qanaqa odamni skeletisiz, - desa:
- Tog'a men skelet emas, studentman, debdi.

Jinni honadagilar bemorlarni tuzalgan yoki tuzalmaganini tekshirish maqsadida devolga mashinani rasmini chizib qani chiqinglar, mininglar debdi, hamma bemorlar devorga yopishib chiqishga harakat qilsa,
1 jinni chekkada turganmish, tuzalibdi shekilli deb, nega chiqmayapsan deb so`rashsa, ha baribir kaliti mendayu chiqa olishmaydi, ochmagunimcha, dermish.

Doktor ozish uchun kelgan bemorga-'' Siz ozish uchun dieta tutishiz kerak, bir kunda 100gr qora non, bir bo'lak go'sht, 1 stakan suv ichishiz kerak''
Bemor-'' Ovqatdan keyinmi? Yo oldinmi?''

- Bemor uyg'oning!!!! Uyqi dorini ichishingiz kerak!!!!

Travmatolog huzuriga qo'l oyog'i bog'langan bir ayol keldi.
-Nima bo'ldi?
-Kir yuvadigan mashinani qo'ygan edim, qo'limni tok urdi.
-Oyog'ingizga nima qildi?
-Nima, meni urarkan-u, men qarab turarkanman-mi?

Shifokor bemorga:
-Shuni unutmang-ki, chuqur nafas olish - mikroblarni o'ldiradi.
-Yaxshi, lekin mikroblarni qanday qilib chuqur nafas olishga majbur qilish mumkin?

Do'xtirni oldiga bir inson kelib:
- Do'xtir! Shu desangiz tushlarimda kalamushlar futbol o'ynab chiqishyapti, shunga qarshi biron maslahat berolmisizmi?
- Ha bu jiddiy muammo. Lekin, bugun mana bu dorini ichib yotsangiz unaqa tush ko'rmaysiz.
- Do'xtir! Shu dorini ertaga ichsam ham bo'laveradimi?
- Iye!!! Nimaga endi ertaga?
- Bugun final bor edida...

-Doktor xotiram judayam pasayib ketdi ,
-Juda yaxshi menga 100 ming qarz berib turing!

-Doktor nimani ko'rsam o'g'irlagim kelyapti, biror dori yozib bermasangiz bo'lmaydi..
-Yaxshi, faqat avval ruchkamni qaytarib bering

- Doktor jigarim bezovta qilyapti, nima maslahat berasiz?
- Aroq ichdingizmi?
- Ha, ichdim, baribir foydasi bo'lmadi.

Jarroh operatsiyani boshlabdi va bemorni ichini kesib qarasa, bemorni ichida mashinani kaliti turgan ekan!!
Shunda jarroh hayron bo'lib tursa,atrofidagi yordamchilari birdaniga "Tug'ilgan kuningiz bilan!", deyishibdi!

Izquvar jarrohni tergov qilyapti:
- Aytishlaricha, hamshirani oxirgi marta siz bilan birga ko'rishgan ekan?
- Qayerda?... Axir bu tuhmat! Sakson yoshli, buning ustiga, skleroz kasalidan aziyat chekayotgan keksa professorni haqorat qilish yaxshimas!...
- Mehmonxonada deganim yo'q, hayvonot bog'ida. Ya'ni siz filni operatsiya qilgan kuni...
- Esim qursin! Aytdim-a, filning qornini tikayotganimda ichkarida nimadir qolib ketdi, deb...

Ikki asab kasalligi doktorlari uchrashib qolib, biri ikkinchisidan:
- Siz nega o'z bo'limingizdagi bemorlarni chala davolab uylariga javob berib yuboryapsiz?
- Men axir yarim stavkadaman-u!

-D-d-d-d-do'xtir! D-d-Doringizni ichgandan k-k-keyin m-m-m-men d-d-duqlanyapman!
-D-d-davolaymiza! Q-q-qani.. B-b-b-beshgacha s-s-s-sanangchi!..

Bir kishi mashhur turk shoiri Mahmad Akif Ersoyni mazax qilmoqchi bo‘libdi:
-Afandim, siz mol do‘xtirligini bitirgan edingiz-a?
-Ha, bir yering og‘riyaptimi?!

—Doktor,— dedi kulimsiragancha Nasriddin,— nimaga menga tilingni chiqargin, dedingiz-u, o'zingiz unga qiyo ham qarab qo'ymadingiz?
Resept yozib bergunimcha bir past jim turishingizni xohlagandim,— dedi vrach ham kulimsiragancha.

— Doktor, ancha yaxshi bo'lib qoldim. Davolaganingiz uchun sizga qancha to'lashim kerak?
— Hali vaqt bor, shoshilmang. Haq to'lash uchun kuch-quvvatga to'lganingizcha yo'q.

Taniqli doktor hali nom qozonmagan yosh vrachning huzuriga keldi.
— Sizning huzurimga kelishingizning o'zi menga katta baxt,— dedi yosh vrach.— Lekin nega siz o'zingizni o'zingiz davolamaysiz?
— Bilasizmi,— dedi taniqli doktor,— davolaganim uchun bemorlardan juda katta pul olaman, O'zimni o'zim davolaydigan bo'lsam, unga to'lashga pulni qayoqdan topaman.

Pulga o'chligi bilan mashhur bo'lgan taniqli vrachni uchratib qolgan Nasriddin qiziqsinib undan so'radi:
-Do'xtir, masalan, aytaylik, sizning o'zingiz shamollab qoldingiz deylik, xo'sh, unda qanday davolanasiz?
Vrach qanday davolanishini ipidan-ignasigacha gapirib berdi.
-Yaxshi maslahatingiz uchun sizgakatta rahmat, minnatdorchilik
bildirdi Nasriddin. Eng muhimi, yana tekinga-ya...

Jarroh operatsiyadan so`ng bemorga dedi:-Uzr ichingizda qaychi qolib ketibdi, sizni boshqatdan operatsiya qilmasak bo`lmaydi.
-Mayli do`xtir, faqat operatsiyadan keyin qornimga tugma qadab qo`ying! Yana biror narsa qolib ketsa badanimni kesib o`tirmaysiz..

Vrach qabuli.Jarroh oldiga peshnasiga vilka sanchilgan bemor kirib,
- Doktor, shu vilkani sug'irib qo'ysangiz...
- Kechirasiz soat 3 dan 5 minut utdi, ish vaqtim tugadi, ertaga kelasiz.
- Jon doktor, shu vilkani sug'urib qo'ya koling, 1 minut vaqtingiz ketadi-ku
- Nima siz uzbekchani tushunmaysizmi?
- Axir meni jonim og'riyapti
- Bu sizning muammoingiz..
- Doktor ilitimos sizdan..jarroh jahl bilan vilkani sug'irib, bemorni ko'ziga tiqib qo'ydi-da,
- Boring glaznoyga, soat beshgacha ishlaydi...

Bir bemor, shifokor qabulida:
Shifokor: -Manga sizni bu yo'talingiz yoqmayapti.
Bemor: -Nima qilay, boshqacha yo'talishni bilmayman-da!

Geografiya muallimi vrach huzurida.
-Qaeringiz og'riyapti?
-Oyog'im.
-Aynan qayeri?
-Tovondan hisoblaganda, shimoli-sharqiy qismi.

Tibbiyot institutida gigiena darsida:
Professor:- Nima uchun biz uyimizni doim toza tutishimiz kerak?
Talaba: -Chunki kutilmaganda mehmon kelib qolishi mumkin.

- Nima uchun kasalning oldida shifokorlar Lotin tilidagi so`zlarni ko`p ishlatishadi?
- Chunki ular bemorning o`lik tilni tezroq o`zlashtirsin, deyishadi-da.

-Obbo', tishingizda katta yoriq , katta yoriq , katta yoriq bor ekan .
-Janob doktor , nega siz menga bu so'zni uch marta takrorlab aytdingiz ?
-Kechirasiz men uni faqat bir marta aytdim , qolgan ikki martasi tishingizdagi kovakdan kelgan aks-sado bo'lsa kerak..

Jarroh narkozdan so'ng ko'zini ochgan bemorga dedi:
-Operatsiya muvaffaqiyatli kechdi!
-Rahmat, do'xtir!.. Lekin men... santexnikman... Sizlarning kraningizni ta'mirlash niyatida bu yerga kirgandim..