MENI HECH KIMGA BERMA

Sevsang qiynama jonim,
Qalbim o'ynama jonim.
Xato o'ylama jonim,
buncha azoblaguncha.
Bag'rim qiynama jonim.
Yo'lingni mendan burma.
Meni hechkimga berma.

Hali o'zgarar hayot,
Bizlarga bergay qanot.
Parvoz aylasak birga,
Qushlarday uchsak ozod.
Ko'klarga yolg'iz yurma,
Meni hech kimga berma.

G'amlarimga qorildim,
Kel, siqildim, sog'indim.
Bulut edim osmonda,
Yomg'ir bo'lib yog'ildim.
Ko'zyoshlarim orttirma.
Meeni hechkimga berma.

Ahad qayum bir shamdek,
Yonib o'char dunyodan.
Ertaga topolmaysan,
Meni yeru samodan.
Yig'lama, yig'lattirma,
Meni hech kimga berma.