MENI KECHIR

Meni kechir xato qildim meni kechir,
Seni baxtdan judo qildim, meni kechir,
Kirib qoldim xiyonatning ko'chasiga,
Or-nomusni savdo qildim, meni kechir.

Dilda endi umid yo'q bir dastagina,
Yurakkinam yig'lar endi astagina.
Bosh ko'tarib yurolmaysan endi men deb,
Xastagina gulim meni xastagina!

Men o'zimni o'ldiraymi osaymi yo,
Pushaymonlar kitobini tuzaymi yo,
Endi qanday ko'zlaringga qarayman men,
Dilmozorda o'z go'rimni qazaymi yo?

Meni kechir xato qildim meni kechir,
Qiynayverib ado qildim meni kechir.
Bergan eding, menga oppoq ko'nglingni sen,
Yuzlaringni qaro qildim, meni kechir!

Yurar bo'lsam kutar meni xazon yo'llar,
Yolg'on yo'llar, gumon yo'llar, arzon yo'llar.
Nima qilay, nima qilay, nima qilay,
Pushaymonlar yuragimni g'ajiyverar!