IJARADA....

Shundoq yon xonamda yashaydi bir qiz,
Na yig'lar , na kular , dilin ochmaydi.
O'ylayman , gul umri o'tyabdi essiz,
To'rtinchi qavatda chiroq o'ymaydi.

O'qishni tugatdi uch oy muqaddam,
Na ishlar, na biron yoqqa ko'chmaydi.
Uni qiynamoqda bilmadim ne g'am,
To'rtinchi qavatda chiroq o'chmaydi.

Ertaga qishloqqa qaytaman afsus,
So'ng yana o'ylayman ketish qochmaydi.
Men bedor, u bedor, ikkimiz yolg'iz,
To'rtinchi qavatda chiroq o'chmaydi.

Derazadan kuzning nafasi kelar,
Daydi xayollarim qayga uchmaydi.
Yoniga boraman, ne bo'lsa - bo'lar,
To'rtinchi qavatda chiroq o'chmaydi.

Nima, nari borsa uylanaman-da,
Yigit so'z berdimi, qasam ichmaydi.
Faqat meni deydi u, bilaman-da,
Bo'lmasa bu yerdan nega ko'chmaydi...

Ertaga avgustning oxirgi kuni,
Xo'jayinga xech kim eshik ochmaydi.
Qanday to'laymiz-a ijara pulni,
To'rtinchi qavatda chiroq o'chmaydi.

Rosdan sevamanmi Gulini yoki,
Men izlagan qizga juda o'xshaydi.
U agar men bilan bo'lmasdan toki,
To'rtinchi qavatda chiroq o'chmaydi........