Bahor, meni tog'dan izlama,
Cho'kib, botib qoldim to'shakka,
Lolazorgul bog'dan izlama,
Yana yotib qoldim to'shakka...

Go'zal ona er bazmlari,
Qizg'aldoqzor qir bazmlari,
Gullaganda she'r bazmlari,
Seni kutib oldim to'shakda.

Dardning yo'gu bori qolmadi,
Dilning ortiq zori qolmadi,
Men ichmagan dori qolmadi,
Yig'lashdanam hordim to'shakda.

Mart oyida yuz xazonrangmi,
Yurak sezmas, biror ohangni,
Kechir bahor bemor ukanngni,
Senga ko'ngil yordim to'shakda.

Derezamdan kelgan doyadek,
Nur izlagan mudroq soyadek,
Gurs yiqildim xuddi qoyadek,
Cho'kib, botib qoldim to'shakda...

Ko'zim ochsam shifoxonada,
Boshim uzra hamma to'plangan.
Qanday kelib qoldim bu erga,
Nima bo'ldi yashirmang mandan.

Onam yig'lar ne bo'ldi o'g'lim,
Ovoz chiqmas aylanmas tilim,
Kutmagandim axir sevgilim,
Yana yotib qoldim to'shakka.

Yo'qlaydilar soatma soat,
Yana yotib qoldingmi Ahad,
Kutilmagan mehmonday bu dard, BAHOR!
Yana yetmay tilakka,
Seni kutib oldim to'shakka...