Pishirilgan ot sutini iste'mol qilsangiz yuzingizni rangi qizil bo'ladi. Baqlajon suvidan yuzingizga sursangiz yuzdagi dog'lar kamayadi. Kuy tezagini teng miqdorda arpa uni bilan qorishtirib qozonga soling va uni kumadigan miqdorda suv qo'yib, suvi qolmaguncha qaynating. So'ng aralashmani quritib, havonchada yanchib, sirka bilan aralashtiringda, yuzning dog' tushgan joyiga surting. Bir necha kun davomida bu muolajani qilingan yuzdagi dog' yo'qola boshlaganining guvohi bo'lasiz. Yuz falajiga uchragan odam musicha go'shtini yesa tuzaladi. Ravoch ildizini maydalab sirka bilan qo'shib surtilsa, yuz chiroyli bo'ladi. Yuz falajiga uchragan odam mushuk go'shtidan bir necha kun yesa, tuzaladi. Yuzingizda dog' bo'lsa, quyon suti iching, agar topilmasa, turp urug'ini yeb turing. Yuzingizda dog' bo'lsa, turp urug'ini maydalab sirka bilan aralashtirib surting. Yuz falaji bor odam qo'shjiyda gulini xidlasin va sarimsoq yeb tursin. Yasmig'ni pishirib, qovun urug'ini maydalab, unga aralashtirib yuzga surtsangiz, rangu ruxsoringizni ochadi. Yuz sariqligini bartaraf qiladi. Mirt mevasini loviya uni bilan hamir qilib yuzga surtilsa, yuz dog'ini yo'qotadi. Yong'oqning po'stlog'ini randalab, uni sirka bilan hamir qilib, yuzga surtsangiz? yuzingizni qizartiradi. Achchiq bodomni havonchada yanchib, sirka bilan aralashtirib, yuzga surtsangiz, yuzdagi barcha dog'larni ketkazadi. Daraxt tanasidagi qo'ziqorindan 0,8 gramm yesangiz yuzingiz go'zal bo'ladi.