Qo'y sutidan bir ozini qozonga solib, shuncha miqdorda suvdan qo'shib qaynatib, suv ketib sut qolgach, o'nta oq shakardan qo'shib uch kun nahorda ichib turing. Shunda hafaqon (gipertoniya) kasaliga yo'liqqan bo'lsangiz, shifo topasiz. Sabzini suvga pishirib, asal bilan yesangiz, qoningiz toza bo'ladi. Chilonjiyda yeb tursangiz, qon bosimingizni pasaytiradi, qonni tozalaydi. Qand kasalligida uchragan va qonida yog' miqdori ko'paygan kishilar oshqovoq suviga ozgina limon suvi qo'shib, kunda bir stakan ichsinlar. Arpa qondagi qand moddasini me'yorida saqlaydi. Sunbuldan yeb tursangiz qand kasalligini bartaraf qiladi. Binafsha gulini damlab ichsangiz, qon bosimini pasaytiradi. Tirnoqgulning guli kamqonlikka barham beradi, asablarni mustahkamlaydi, sariq kasalining oldini oladi. Navruzgul giyohining barcha qismlari iste'mol qilinganida qonni tozalaydi, yallig'lanishini yo'qotadi. Qoningizda qand ko'paysa, g'ur uzum bilan oshqovoq yeb turing. Arpani yanchib, po'stidan ajratiladi, uni suvda qaynatib, suvini dokadan o'tkaziladi. Shu suvdan ichib turilsa, qon bosimi baland bo'lsa, uni me'yorlashtiradi.