Bodom va shakar yeb turing. Miyaga quvvat beradi, aqlni ziyoda qiladi, fikrni ravshanlashtiradi. Chirmovuq miya va asab kasalliklariga doridir, asosiy istemol qiladigan kismi bu har tomonga tarmoqlovchi "iplari" va urug'laridir. Uni murch bilan qo'shib yesa yana yaxshi. Uch misqolni (bir misqoli 4,25 gramm) uzoq qaynatmasdan, urug'ini ezmasdan yeyish kerak. Semiz o't, sunbul, qoqi asabda yuz beradigan har qanday kasallikni uyqusizlikni, iztirob, tashvish va yurak siqilishini yo'qotadi. Asab kasaliga yuliqqan bemor yong'oq bargini qaynatib, uch yuz gramm suvini badanlariga surtsa, shifo topadi. Lavlagi ildizidan suv olib, asal bilan qorishtirib, burunga tomizsangiz miyaning zararli mikroblarini o'ldiradi. Achchiq oshqovoqning gulini suvidan burunga tomizsangiz, miya illatlarini ketkazadi. Oqatirgul yog'idan 4,5 gramm ichgan odamning miyasi baquvvat bo'ladi. Atirgul yog'i qo'yidagi usulda olinadi, yarim shisha kunjut moyi ustiga oq atirgulni to'ldirib quyoshga qo'ying, 6-7 kunda gulning rangi, hidi va quvvati yog'ga o'tadi. So'ngra u gullarini siqib olib tashlab, yangi gullar bilan shishani to'ldiring. Bu jarayonni 40 kun davomida takrorlang. Natijada gul yog'i paydo bo'ladi. Oshqovoqni yosh xo'roz go'shti bilan yoki oshqovoq urug'ining mag'zi bilan shurva qilib ichilsa, xushdan ketish dardiga shifo bo'lsa ajab emas. Agar arpaning xo'l bargini ezib boshga bog'lasalar miyani va uning pardalarini (meningitni) davolaydi.