Agar tuyaning yungini kuydirib, kulini jarohatga sepsangiz, tuzatadi. Ayollar ko'kragidagi yaraga gulxayri bargidan bog'lansa, shifo bo'ladi. Sigir shoxini kuydirib, sirka bilan eski yaraga bog'lansa, tuzatadi. Tovuq qanoti patini kuydirib, kulini maydalab jarohatga uch kungacha sepib turilsa, yara tuzaladi. Qo'y suyagani kuydirib, kulini ayol suti bilan qorishtirib, qurt tushgan yaraga qo'yilsa, qurtlarni o'ldiradi. Odamzod sochini kuydirib, kulini bosh yarasiga sepsangiz, tuzaladi. Ukropni kuydirib, eski yaraga sepsangiz yara tez tuzaladi. G'ozning oyoq suyagi kuydirib kulini yaraga bog'lansa, tuzaladi. Rayxon urug''ini yegan bemor ichak yarasidan qutiladi. Quyonning qonini biron narsa chaqqan joyga bog'lansa, og'riqni qoldiradi. Jayra qonidan surkalsa yoki bog'lansa, yiringli yaralarni yo'qotadi. Tipratikanning kuydirilgan terisi yuqumli yara, tanadan o'sib chiqqan ortiqcha go'shtlarni quritib yuboradi. Quritilgan oshqovoq po'sti yara va kesib olingan joylarga sepiladi, qon oqishini to'xtatadi. Qurigan sumbulni yara ustiga sepilsa, tuzatadi. Tirnoq gulning bargi arpa uni bilan aralashtirib qo'yilsa, yiringli yaralarga davo bo'ladi. Yalpizning xo'l bargini bir necha soat qaynagan suvga solib qo'yib, teri yarasiga bog'lang, davo bo'ladi. Xo'l shivitni (ukrop) ezib shishgan joylarga bog'lasangiz, ularni pishiradi, agar zaytun yog'i bilan aralashtirib bog'lasangiz yana foydasi kuchliroq bo'ladi.