Hayit bayrami

Ro'zador insoning og'zidan chiqayotgan hid
Alloh taoloning nazdida mushk hididan ham afzaldir.

Ko'zlarim har kecha bamisli buloq,
Salovat qalbimga osilgan baldoq.
JANNATning yo'liga yoqilgan chiroq,
Tavba-tazarruning chog'i Ramazon...

Ro‘za bizga yordam qo‘lin uzatmish,
Takabburlar axloqini tuzatmish.
Rasululloh yig‘lab uni kuzatmish
Mo‘min-musulmonlar, ro‘za muborak!

Umr shoshqin daryo ekan, soy ekan,
Bu oy “Qur’on” nozil bo‘lgan oy ekan,
Ro‘za tutgan zot iymonga boy ekan
Mo‘min-musulmonlar, ro‘za muborak!

Bo‘lsang uyda, xoh dalada, adirda,
Uxlab yotma sen Laylatul-qadrda.
Bu tun hatto ruhlar yotmas qabrda
Mo‘min-musulmonlar, ro‘za muborak!

Lablardan terilar dur kabi tilak,
Dil mohi taratgan nur kabi tilak.
"Qabul et!"- deb turar har bitta malak,
Mo'minning suyangan tog'i Ramazon...

Saharda turaman-ko'nglimda faroh,
Dil xushnud, etganga bulbuldek "chah-chah".
E'tiqod o'sadi-ulkan bir daraxt,
Insof diyonatning bog'i Ramazon..

Bandaman, Allohdan iymon söragan,
Gunohim-böynimga osilgan marjon...
Ruhimni poklikka, nurga öragan
Umidim yölchisi Mohi Ramazon..!

Ro'za tutuvchi uchun ikkita (qalbga eng ko'p xuzur beradigan) xursandchilik bor:
1. Iftorlik vaqtida
2. Allohning xuzuriga borganda.

Ro‘zamizni Olloh uchun tutaylik,
Bu dunyodan Iymon bilan ketaylik,
Mangu xuzur-xalovatga yetaylik,
Mo‘min-musulmonlar, ro‘za muborak!

<< < 2 3 4 5 6 7 8 > >>

Tavsiya qilamiz

Bosh sahifa