O'quvchi va Talabalar

Imtihonda talaba shodmon bo'lmas emish,
Domla unga shafiqu mehribon bo'lmas emish,
Gar dars vaqtida konspekt bo'lmas ersa
"Zachotka"da bahodan nom nishon bölmas emish..

O'qituvchi o'quvchisidan so'rabdi:-Tok qayerdan keladi?
-Bola:- Jungli o'rmonlaridan desa, domla:- Kim o'rgatdi?Bola:-Uyda svet o'chganda oyim aytadi:
-Maymunlar yana svetni o'ynayapti"..

Bitta student aftobusda ketayotib qarasa, puli yo'q ekan,haydovchiga aytsa, ketiga bir tepib tushirvoribdi,student qaytib chiqib:- Aka yana teping debdi,haydovchi yana tepibdi.
Student esa sevgan qiziga qarab :-Tush Mohi senga ham to'ladim dermish. . . . .

Bir bor ekan, bir yo'q ekan(stipendiya),
bir och ekan, bir to'q ekan(talaba),
bo'ri bakovul ekan(rektor), tulki yasovul ekan (dekan), qarg'a qaqimchi ekan (zamdekan),
chumchuq chaqimchi ekan(starista),toshbaqa tarozibon
ekan(domla), hamma undan qarzdor ekan(talabalar)!

Darsda bir o'quvchi o'qituvchidan so'radi;
-Ustoz, manavu masalani kecha uyda yechganimda, bir javob chiqqan edi, shuni sinfda qayta yechib ko'rsam boshqa javob chiqyabdi. Nima qilsam ekan?
O'qituvchi biroz o'ylanib turgach dedi:
-Sen masalani ko'chada yechib ko'r!

Professor talabalar bilan palatalarga kirib, bemorlarni ko'rar ekan, shogirdlariga kasallikni to'g'ri aniqlashga yordam beradigan belgilar to'g'risida gapirib berdi.
-Masalan, mana bu yerda,- dedi u bir bemor yonida to'xtab,- ko'krak qafasi kengaygan bemorni ko'rayapmiz.
Odatda bu xil musiqa asboblarini puflab chaluvchilarda kuzatiladi. Siz musiqachimisiz? - Ha- dedi bemor. - Ana, ko'rdingizmi,- dedi xursand bo'lib ketgan professor,- sinchkov ko'zga hammasi ma'lum.
Qanaqa musiqa asbobini chalasiz? - Baraban chalaman.

O’qituvchi:
-Qani Akmal , “Dadam majlisga ketdi” gapining ega va kesimini aniqlachi?
Akmal:
-Dadam - ega, ketdi-fe`l.
O’qituvchi:
-Yaxshi, majlis-chi?
Akmal:
-Oyimning aytishlaricha “Bahona”.

O’qituvchi :
-Ayting-chi , yer yuzida eng sovuq joy qayer?
O’quvchi:
-Bizning sinfxona!

Maktab. O'qituvchi bolalarga hisoblash amallarini tushuntiryapti. Doskaga 2 : 2 ni yozib so'radi:
-Bolalar, bu nimani bildiradi?
-Durang ! - deb javob berishdi bolalar.

Universitetda psixologiya darsi. Prefossor kirib keldi va darsni boshladi.- Xurmatli talabalar, bugun sizlar bilan insondagi 3 xil xolat haqida gaplashamiz. Birinchisi hayron qolish, ikkinchisi achchig'lanish, uchinchisi jahl chiqish. Men buni sizlarga hozir dalillar bilan tushuntirib beraman, - dedida yonidan cho'ntak telefonini olib bir nomerga telefon qildi.
- Allo, assalomu alaykum, Shuxrat uydami?- Yo'q, kechirasiz siz adashdingiz shekilli, bu yerda Shuhrat yashamaydi?!
Endi ikkinchi holat achchig'i chiqish, - deb yana o'sha nomerga telefon qildi.- Allo, yaxshimisiz, Shuhrat ishdan keldimi, uydami?
- Men sizga hozir aytdim, Shuxrat bu yerda yashamaydi, nomerda adashyapsiz shekilli?Endi uchinchi holat jahl chiqishi, - deb yana o'sha nomerga telefon qildi.
- Allo, Shuhrat qanaqa bola o'zi, uyda turadimi yoki doim ko'chada yuradimi?- Qanaqa odamsan o'zi, necha marta aytish kerak Shuhrat bu yerda yo'qqq. Nima garangmisan yo gapga tushunmaysanmi...
- Xo'sh, kimda savollar bor?- Menda savol bor, - dedi bir talaba.- Ho'sh, nima savol aytingchi?
- Domla siz to'rtinchi holatni aytmadingiz..- Qanaqa holat ekan?
- Gangitib qo'yish holati.- Hozir, dedi-da ,professor haligi talaba oldiga keldi va yana o'sha nomerga telefon qildi. Trubkadan shunday javob eshitildi:
- Allo, assalomu alaykum, men Shuhratman, meni hech kim telefonda so'ramadimi...

<< < 7 8 9 10

Tavsiya qilamiz

Bosh sahifa