Futbol haqida

Qоzоg'istоn tеrma jamоasi bilan bo'ladigan o'yinga Rauf Inilееv maydоnga faqatgina Alеksandr Gеynrixni tushiribdi.Yakuniy hisоb 0:1 Qоzоg'istоn fоydasiga.
Rauf Inilееv Gеynrixga jahl bilan:
-Nima qilib qo'yding, axir biz sеnga ishоngan edik-ku,qo'lingdan kеlmasligini aytganingda bir o'zingni emas, butun jamоani o'ynatardim?”
Gеynrix:
-Hеch ilоji bo'lmadi, chunki qirg'izistоnlik hakam 3 ta gоlimni o'yindan tashqari hоlat dеb inоbatga оlmadi, o'yin tugashiga 2 daqiqa qоlganida qizil kartоchka bеrib o'yindan chiqardi”.

-Sen nima qilib qo'yding ? Axir o'z darvozangga gol urib qo'yding-ku?
-O'zimni tutib turolmadim, zarba berish uchun qulay vaziyat edi-da.

Futbol - Angliyada tug'ildi,
Brazilyada voyaga yetdi
O'zbekistonga kelib o'ldi..

Qorong'i ko'chada. - Qani, tez qo'lingni boshingga qo'yib, oyoqlaringni ker-chi!.. Bo'l tez!..
- Nima, siz qaroqchimisiz?
- Yo'q, men jismoniy tarbiya o'qituvchisiman.

Futbol matchi davom etardi. Tribunada turgan fanatlardan biri tinimsiz qichqiraverdi.
Match so'ngida beixtiyor yonidagi boshqa fanatga dedi:
-Adashmasam, tovushim yo'qolib qoldi-yov!..
-Tovushingizni-chi, mening qulog'im ichidan izlang!

Er ishdan kela solib futbolni tomosha qilish uchun televizorni qo'ydi.Shu mahal xotini kelib harxasha qiladi:
-Men kino ko'rmoqchiman!
-Esingni yedingmi? Axir bugun jonajon «Paxtakor»imiz «Zarafshon»ga qarshi o'ynaydi-ku!
-Demak, siz «Paxtakor»ni mendan ham ortiq yaxshi ko'rarkansiz-da?!
-E, men hatto «Zarafshon»ni ham sendan ortiq yaxshi ko'raman.!

Gretsiyada shunday latifanamo gap yuradi:
Mamlakatdagi himoyachilarning bir guruhi Vasilis Xadzinapagisning oldiga kelib, «seni sudga beramiz» qabilida unga tahdid solishibdi.
«Vasilis maydonda bizni faqat kalaka qiladi va biz buning uchun kompensatsiya talab qilamiz», deb norozilik bildirishibdi bechora himoyachilar tegishli idoraga jo’natgan arznomalarida.
Albatta buning tagida katta ma’no bor. Ya’ni Xadzinapagisning Gretsiya futboli tarixidagi eng yaxshi o’yinchi ekanligiga dalolat.

Kolumbiyada bo’lgan bir futbol uchrashuvi haqida afsonaviy hikoyalar yuradi.
Aytishlaricha, muxlislar Peleni maydondan haydab chiqarmoqchi bo’lgan hakamning o’zini quvib yuborib, Peledan o’yinni davom ettirishini iltimos qilgan ekan.

Kristian Veri haqida juda ko’p hazil-mutoyiba va rivoyatlar mavjud.
Masalan, mashhur adib Oskar Uayld yorug’ dunyoni tark etganiga ancha bo’lganiga qaramasdan, uning «Bobo» haqida aytganlarini topib o’qish ortiqcha qiyinchilik tug’dirmaydi:
«Veri deysizmi? E-e, ha darvoqe chindan ham shunday ajoyib bolakay bo’lardi. Bir kuni u maysazorimni o’rib berish uchun uyimga kelgandi. O’z ishini bir zumda uddalab, xotinimni yo’ldan urishga ham ulgurgandi!».
Ana shu jumladan Kristiandagi barcha xislatlar – futbol maydonidagi «Buratino» va «Terminator»ligi-yu, ayollarga nisbatan Don Juanlik mahorati o’z aksini topadi.

«MYU» klubi muxlislari o’rtasida mashhur bir latifa yuradi:
«Rayan Giggz va Stiven Jerardning uylarini o’g’ri uribdi. Politsiyaning xabar berishicha,
«MYU» a’zosining uyidan 11 ta chempionlik, CHLning 2 ta oltin medali barobarida Angliya kubogi, klublar o’rtasidagi jahon chempionati, Angliya superkubogi va liga kubogidagi g’oliblik uchun berilgan jami 18 ta sovrin g’oyib bo’libdi.
«Liverpul» sardori esa bor-yo’g’i bitta eski choynak bilan tosteridan judo bo’libdi!». Muxlislar ikkala futbolchining sovrinlarini shu tarzda taqqoslashgan.

<< < 1 2 3 4 5 >

Tavsiya qilamiz

Bosh sahifa