Hayvonlar haqida

Sahroda ikkita tuya gaplashib o'tirgan ekan. Bittasi debdi:
-Shu o'zbeklarga hayronmanda.
-Nega?
-Bitta so'zni ikkita qilib gapiradi. Masalan, choy-poy, non-pon, odam-podam .... .
-O'zi shu o'zbeklarda madaniyat-padaniyat degan narsa qolmabdi.

-Kecha xotinim mushukni o'rmonga olib borib, adashtirib keling degan edi.
-Xo'sh, adashtirib keldingmi?
-E-e, qayoqda, o'zim mushukning orqasidan zo'rg'a uyimni topib keldim.

Ikki maymun uchrashib qolishdi.
-Dugonajon, senga sevgilim yoqdimi?
To'g'risi, dugonajon, tashqi ko'rinishi unchalik yoqmadi. Lekin baribir qaysidir tomondan odamgarchiligi borligi ko'rinib turibdi.

-Itim mening hayotimni saqlab qoldi.
-Qanday qilib?
-Kasal edim. Vrach kirmoqchi bo'lgandi, darvozadan o'tkazmadi....

Eshak va sher bir chuqurga tushib qolishdi. Eshak qo'rqqanidan titrardi. Buni ko'rgan sher dedi:
-Namuncha titramasang? Men eshaklarni yemayman. Faqat echkilarni yeyman.
Oradan ikki soatcha vaqt o'tib sherning qorni ochdi va eshak tomonga yura boshladi.
Eshak:-Axir, o'zing faqat echkilarni yeyman deganding-ku!
-To'g'ri, lekin hozir qarasam, basharang xuddi echkinikiga o'xshab qolibdi.

Quyon o'rmonda turgandi. Bo'ri kelib qoldi va quyon undan so'radi:
-Bo'ri, mening qaysi qulog'im chiyillayapti? Top-chi!
-O'ng qulog'ing.
-Qanday bilding?
-Negaki, kecha chap qulog'ingni uzib olganman.

Ikki bola pingvin topib olishibdi.Uni ko‘rgan bir odam: “Hayvon bechorani qiynamay, zooparkka olib borsangiz bo‘lmaydimi?! ” - debdi.
Kechroq shu odam qarasa, anavi ikkovlon haliyam pingvinni yetaklab yurishgan ekan. – Bu hayvonni zooparkka olib bormoqchi edingiz-ku?
–Olib bordik, endi kinoteatrga olib ketyapmiz.

-Itim juda g'alatida,uy eshigini birov taqillatsa meni yonimga kelgan deb o'ylaydi va
hammadan oldin peshvoz chiqadi.

Hayvonot bog'ida fil yoqolibdi. Militsiya boshlig'iga uni topishga uch kun muhlat berishibdi. Muhlat o'tdi. Militsiya boshlig'idan:
-Filni topdinglarmi?- deb so'rashibdi.
-Ha, albatta, topdik-da,- deb xonaga quyonni olib kirishibdi.
-Ie, shu filmi?
Quyon xavotirda:
-Ha,men filman!Filman!Faqat urmanglar meni!

Jajjigina suv parisi otasining yoniga suzib keldi-da, dedi:
-Dada, men bugun savob ish qildim.
-Xo'sh, nima qilding?
-Yuqoridan bir bechora hayvonni beliga arqon bog'lab cho'ktirib yuborishgan ekan. Men uni arqondan halos qildim.
-Yaxshi. Lekin keyingi safar bunday qilmagin! U hayvon emas, g'avvos edi

<< < 1 2 3 4 5 >

Tavsiya qilamiz

Bosh sahifa