Ahad Qayum
MUXABBATDAN BAHT TOPGANLARNI...
Quloq tuting dardiga mayli,
Sevgisini yo`qotganlarning,
Aybdor demang buning tufayli,
Muxabbatdan baht topganlarni.
Qarang, ular qanday bahtiyor,
Qalbingizda saqlamang g`ubor,
Pok nomlarin bulg`amang zinxor,
Muxabbatdan baht topganlarni.
Kim yurakka berolgay buyruq,
Dil osmonin etingiz yorug`,
Ranjimangiz ketganda darig`,
Muxabbatdan baht topganlarni.
Erda yurmay, ko`kda uchishsa,
Bir-birin deb jondan kechishsa,
Ishq mayidan sarmast ichishsa,
O`zlaricha dunyo ochishsa...
Qochmoq bo`lib shaylansa birdan,
Oqqushlarga aylansa birdan,
Siz xam shuni so`rang taqdirdan,
Hayol eting shirin damlarni,
Yiroq tutib dildan g`amlarni,
Qutlang, do`stlar, baht topganlarni.
Muxabbatdan baht topganlarniЕ
Quloq tuting dardiga mayli,
Sevgisini yo`qotganlarning,
Aybdor demang buning tufayli,
Muxabbatdan baht topganlarni. YUZ YILDA BIR TUG`ILGAYMI SENDAY GO`ZAL?
Bu xusnu bu latofating tanxo sening,
So`zlaring dur, ko`zlaring xam shahlo sening,
Sevmoq uchun yaratganmi Hudo seni,
Ta`rifingni sig`dirolmas ming bir g`azal,
Yuz yilda bir tug`ilgaymi senday go`zal!
Seni izlab ovoraman, ovoraman,
Seni o`ylab dilporaman, dilporaman,
Etolmayin bechoraman, bechoraman,
Ta`rifingni sig`dirolmas ming bir g`azal,
Yuz yilda bir tug`ilgaymi senday go`zal!
Sinovlaring ko`prigidan o`tay desam,
Ozorlaring daryosida cho`kay desam,
Senga kelgan balolarni yutay desam,
Ta`rifingni sig`dirolmas ming bir g`azal,
Yuz yilda bir tug`ilgaymi senday go`zal!
Dilim yaro, yurar yo`lim hatomi yo,
Birlashmayin dillarimiz ayromi yo,
Seni kutib bori umrim qaromi yo,
Ta`rifingni sig`dirolmas ming bir g`azal,
Yuz yilda bir tug`ilgaymi senday go`zal!
Tingla endi oshiq Ahad rozlarini,
Yig`lab-yig`lab chalar endi sozlarini,
Ming bir doston, ertak dema so`zlarini,
Ta`rifingni sig`dirolmas ming bir g`azal,
Yuz yilda bir tug`ilgaymi senday go`zal!
Bu xusnu bu latofating tanxo sening,
So`zlaring dur, ko`zlaring xam shahlo sening,
Sevmoq uchun yaratganmi Hudo seni,
Ta`rifingni sig`dirolmas ming bir g`azal,
Ming yilda bir tug`ilgaymi senday go`zal!
QO`YIB BERGIN, OSTONANGGA YOTIB OLAY
Qo`yib bergin, ostonangga yotib olay,
Yig`lab-yig`lab dardlarimni aytib olay,
Sovchilaring uzuk taqib ketgan bo`lsa-
Tunda borib barmog`ingdan tortib olay.
Barmog`ingdan qonlar oqsa sizib-sizib,
Sen yig`lasang, ko`zlaringni suzib-suzib,
Qo`lingdagi ul jarohat bitgunicha-
Men kelaman, sovchilarning uyin buzib.
Qo`yib bergin, telbaligim tutib ketsa,
Tentakligim haddan ziyod o`tib ketsa,
O`zing o`yla ahir erta ne qilaman,
Ular seni to`ylar qilib olib ketsa.
Otang xam bir to`g`ri gapga tushunmaydi,
Onang esa xatto senga ishonmaydi,
O`zim sovchi bo`lib keldim ostonagga-
Ahad sensiz xech qayoqqa ketolmaydi. SHUNCHALIK SEVASANMI?
Azizim visol uchun,
Joningni berasanmi?
Men deb yonasan nechun,
Shunchalik sevasanmi?
Yoring bo`laman deysan,
Boring bo`laman deysan,
Zoring bo`laman deysan,
Shunchalik sevasanmi?
Ishqim balki yolg`ondir,
Muxabbatim gumondir,
Niyatim xam yomondir,
Shunchalik sevasanmi?
Aldolmas bu ko`zlar deb,
Yonmang boshqa qizlar deb,
Quchasan to`yib-to`yib,
Shunchalik sevasanmi?
Ahad xam senga zordir,
Sensiz dunyosi tordir,
Ahdidan kechish ordir,
Shunchalik sevasanmi? KECHIRMAYMAN BILIB QUY
Ko`rganingda kulib qo`y,
Ko`nglimni bir olib qo`y,
Bir marta qovoq uysang-
Kechirmayman bilib quy.
Agar qadrim bilmasang,
Kutganimda kelmasang,
Mening kabi sevmasang,
Kechirmayman bilib qo`y.
Bahtingga qilma gumon,
Yo`lingni to`ssa shayton,
Hiyonatni xech qachon,
Kechirmayman bilib quy.
Suratimni ilib qo`y,
Dilingga qulf qilib qo`y,
Gar unutsang Ahadni,
Kechirmayman bilib quy. YIG`LAYOTGAN KO`ZLARIMGA UYQULARIM QAYTIB BERING.
Sevgingizni berib jonim oromimni oldinggizmi,
Ayriliqdan kuyib-kuyib kul bo`lganim ko`rdinggizmi,
Meni unut qaytmayman deb ovutgani keldinggizmi,
Bo`zlayotgan yuragimga ertaklardan aytib bering,
Yig`layotgan ko`zlarimga uyqularim qaytib bering.
Kechir demang, kechir demang gunox o`zi mendan o`tdi,
Shirin-shirin yolg`oningiz jondan o`tdi, jondan o`tdi,
Osmondagi oqqushlarim o`rnini bir zulmat tutdi,
Bo`zlayotgan yuragimga ertaklardan aytib bering,
Yig`layotgan ko`zlarimga uyqularim qaytib bering.
Anglayapman muxabbatning nimaligin bora-bora,
Bevafoda yurak bo`lmas dardiga yo`q chora-chora,
Qiynalganda yolg`izlikdan tunlar bedor qora-qora,
Bo`zlayotgan yuragimga ertaklardan aytib bering,
Yig`layotgan ko`zlarimga uyqularim qaytib bering.
Tushlarimda ko`zlarimdan yoshlar emas, qonlar oqar,
Naxot endi xayotimga ishq uchquni o`tlar yoqar,
Ahad endi suyganim deb kimga boqar, kimga boqar,
Bo`zlayotgan yuragimga ertaklardan aytib bering,
Yig`layotgan ko`zlarimga uyqularim qaytib bering YALTIRAGAN KO`ZMUNCHOQLAR DUR BO`LMADI
Yaltiragan ko`zmunchoqlar dur bo`lmadi,
Ne-ne qizlar izimizga zor bo`lmadi,
Uchraganni boshidan zar sochaverdik,
O`zimizga omad qushi yor bo`lmadi.
Ne dillarni, ne dillarga ulamadik,
O`zimizga xech nimani so`ramadik,
Qish chog`ida g`uncha ochib gullamadik,
Izg`irinda yoqqan balo qor bo`lmadi.
Muxabbatni nimaligin bilmasdinggiz,
Siyratimmas suratimni sevardinggiz,
O`zgasiga vafodor xam bo`lmadinggiz,
Sizga sevgi hatolari or bo`lmadi.
Sizsiz aslo dunyo menga tor bo`lmadi,
Sochlaringiz tushlarimda dor bo`lmadi,
Sizga emas muxabbatga achinaman,
Sizsiz Ahad hor bo`lmadi, hor bo`lmadi. MEN KO`ZGUMAN- XUSNINGGA CHIROY QO`SHGAN
Men ko`zguman- xusningga chiroy qo`shgan,
Shirin tushman, tonglaringga almashgan,
Men sevgiman yuragingni titratib,
Muxabbat deb xar qanday bahtdan kechgan.
Men joduman - sexrlagan ko`zingni,
Ismim bilan ayttiraman so`zingni,
Men cholg`uman, xar bir tori ishq degan,
Eng barxayot navosiman sozingni.
Men kumushman- lablaringda aks etgan,
Barmog`ingman sochlaringda raqs etgan,
Bir tuyg`uman tunlar orom bermagan,
Ko`z yoshlaring ko`rmoqlikka qasd etgan.
Men orzuman hayollardan ahtargan,
Armoningman nigoxingda qadalgan,
Bir og`uman, faqat senga atalgan,
Oshiqlarni visoliga etkazgan...
Men ko`zguman- xusningga chiroy qo`shgan,
Shirin tushman, tonglaringga almashgan,
Men sevgiman yuragingni titratib,
Muxabbat deb Ahad roxatdan kechgan. SUYMASAM KUYMASMIDIM!
Sevmasligingni bilsam, bunchalar kutmasmidim,
Sendan o`zga qiz bilan bahtimga etmasmidim,
Qaydan seni uchratib yolg`izim o`zing dedim,
Ko`rmasam suymasmidim, suymasam kuymasmidim.
O`zgartirib bo`lmaskan taqdirning yo`llarini,
Naxot qonga bo`yamish oshiqlar dillarini,
Bugun tutib borursan o`zganing qo`llarini,
Ko`rmasam suymasmidim, suymasam kuymasmidim.
To`ying kuni kiyganda kelinlik libosingni,
Tanlab-tanlab topganda o`zingga bir mosingni,
Qachondir sevgandim deb esla mendek do`stingni,
Ko`rmasam suymasmidim, suymasam kuymasmidim.
Otang duo qilganda qizim bahtli bo`lgin deb
Yoringga sodiq bo`l deb, unga vafo qilgin deb,
Tinmay nola qilurman yurak dardim bilgin deb,
Ko`rmasam suymasmidim, suymasam kuymasmidim.
Muxabbatsiz hayot yo`q, hayotimga najot yo`q,
Tunlar yig`lab Hudoga, mening bahtim naxot yo`q,
Yig`larman yuragim cho`g`, iztirobda Ahad yo`q,
Ko`rmasam suymasmidim, suymasam kuymasmidim.
Tavsiya qilamiz
Tush.UZ - Tushlar tabiri