Ahad Qayum
SENGA ISHONISHNING BITTA YO`LI BOR
Senga ishonishning bitta yo`li bor, o`zimni aldash…
Yuragim yolg`onlar qamalgan diyor, qismati chalkash…
O`zimni so`roqqa tutmoq istayman, lekin qo`rqaman.
Seni unutmoqqa chora izlayman, shuni uqaman.
Baxtliman, agar baxt azobda bo`lsa, tole`im butun.
Qiynoqlar izma-iz so`roqlab kelsa, yashirmoq nechun.
Axir o`z-o`zimdan qochmoqning bu dam iloji yo`q-ku.
Garchi kul ostida bo`lgani bilan yuragim cho`g`-ku…
Ey yuragim, nahot, nahotki bizlar qoldik zulmatda.
Ko`kka tig` sanchardim topolsam xanjar bunday fursatda.
Qalbimni aldashdir eng so`nggi choram azizim, tushun,
Sen uchun o`zimni o`tga tashlayman bilmayman nechun… KO`P QIYNADIM YOLG`IZ ONAMNI...
Sevdimu eng suluv sanamni,
Unga berdim ko`ngil xonamni,
Bir bevafo qizga yoqay deb,
Ko`p qiynadim yolg`iz onamni.
Ul malakka ko`nglim ochardim,
Poyiga dunyoni sochardim,
Volidam chorlasa qochardim,
Ko`p qiynadim yolg`iz onamni.
Xiyonatdan yuzim sarg`aydi,
Yuragimni aqlim qarg`aydi,
Yiqilsam xolim kim so`raydi,
Ko`p qiynadim yolg`iz onamni.
Muz edimmi erib ketyapman,
Chinormidim chirib ketyapman,
Nahot yerga kirib ketyapman,
Ko`p qiynadim yolg`iz onamni.
Ota, axir nima qil deysiz,
Buxoroga tezroq kel deysiz,
Kamon bo`ldim nishonsiz yoysiz,
Ko`p qiynadim yolg`iz onamni.
Odam o`lmas uyi bo`lmasa,
Azamas-ku to`yi bo`lmasa,
Ahad yo`qdir kuyi bo`lmasa,
Ko`p qiynadim yolg`iz onamni. DO`STLARIM....
Do`stlarim, menimcha dunyo degani,
Intilganga imkon, mexnat ichra baxt.
Omadini kutib toqat qilganni,
Peshanasi yorug`, kelajagi naqd.
Do`stlarim, menimcha inson degani,
Tug`ilibdiki mudom unga xamrox dard.
O`tkinchi g`avg`olar emas bilgani,
Abadiylik sari yo`l olsin faqat.
Do`stlarim, menimcha visol degani,
Jonu tanga qondek singmog`idir axd.
Yaxshidir yurakda vafo bo`lgani,
Eng toza dillarda yashar muxabbat.
Do`stlarim, menimcha erta degani,
Kecha va bugundek oddiygina vaqt.
Ayonmas umrning qancha qolgani,
Xech maxal yashashga yo`qolmasin shaxd.
Do`stlarim, menimcha ko`ngil degani,
Aytilmagan qo`shiq, yozilmagan xat.
Unga faqat mexr bo`lsa bo`lgani,
Mexrsiz ko`ngillar nursiz bir zulmat.
Do`stlarim, menimcha yaxshi yashamoq,
Bu xayotdan to`g`ri olmoqdir roxat.
Eng katta boylik bu xotirjam bo`lmoq,
Podshoxsan ostingda bo`lmasa xam taxt.
Do`stlarim, menimcha bu gaplarini,
Bekorga aytmadi sizlarga Ahad.
Unutmang baytlarin birortasini,
Kerak paytda so`zni anglamoqlik shart. OTA-ONAM QADRINI...
Obro`y topdim qo`shiqlar kuylab,
Raxmat oldim el dardin so`ylab,
Charchamadim o`zimni o`ylab,
Eshitmadim onam dardini,
Qachon bildim otam qadrini.
Nasixatlar berdim do`stimga,
U yo`l topdi kirib so`zimga,
Pand bermadim lekin o`zimga,
Eshitmadim onam dardini,
Qachon bildim otam qadrini.
Xali vaqt bor yoshman-ku dedim,
Kelajagim g`amini edim,
Hudbin edim, bir nodon edim,
Eshitmadim onam dardini,
Qachon bildim otam qadrini?
Ostonamda yig`laydi afsus,
Ahad deydi Buhoro yolg`iz,
Mashxur bo`lding endi ketamiz,
Eshitmadim onam dardini,
Qachon bildim otam qadrini. SEVMASMIDING...
Yolg`iz sen uchun yashab,
G`am yutsam sezmasmiding?
Yor ketding meni tashlab,
Sevmasmiding...
Mudom seni o`ylasam,
Yuragimga joylasam,
Isming aytib kuylasam,
Sevmasmiding...
Shunchalar soddamanki,
Buni sezmabman chunki,
Ezmoqda xijron yuki,
Sevmasmiding...
Mening aybim nima ahir,
Shunchalar qismatim tahir,
Sevaman deb ey toshbag`ir,
Sevmasmiding...
Sevmasding...
Buni sezdim,
Yurakka bir qabr qazdim,
Toshga sening isming yozdim,
Yolg`iz sen uchun yashab,
G`am yutsam sezmasmiding?
Yor ketding meni tashlab,
Sevmasmiding...
Sevmasmiding...
Bu kuningdan ey bevafo,
O`LMASMIDING... SHUNCHALIK KO`P SEVGIM KELADI!
Sen meni qanchalik rad etsang,
Yonimdan uzoqroq ket desang,
Qanchalik ko`nglimni sovutsang,
Shunchalik ko`p sevgim keladi.
Nazarga ilmasang qalbimni,
Ichimga yutaman dardimni,
Qanchalik bilmasang qadrimni,
Shunchalik ko`p sevgim keladi.
Xar nafasing ozorlik qilsang,
Mendan battar o`jarlik qilsang,
Qanchalik ko`p qaysarlik qilsang,
Shunchalik ko`p sevgim keladi.
Oshiq boshimni ega ega,
Asablarimga tega tega,
Nima uchun bilmadim nega,
Shunchalik ko`p sevgim keladi.
Xovuchlab yashayman yurakni,
Sen xam topding tekin ermakni,
Bilmam nega sendek tentakni,
Shunchalik ko`p sevgim keladi.
Jilovimni bergim keladi...
Sen meni qanchalik rad etsang,
Yonimdan uzoqroq ket desang,
Qanchalik ko`nglimni sovutsang,
Shunchalik ko`p sevgim keladi. SENI YONINGDA XAM SOG`INAR EDIM
Seni yoningda xam sog`inar edim,
Yo`qsan, yolg`izlikdan portlab ketyapman.
Xech nima qilolmay yonyapti ichim,
Alamimni ichga dodlab yutyapman.
Mashina, pul, banklar, xammasi bekor,
Boshga og`riq kirar seni o`ylasam.
Bir kechada yog`di sochlarimga qor,
Endi sevmayman deb ichsamam qasam.
Ko`zguga qarayman taroq to`la soch,
Tirnoqlarim g`ajib tilni qonatdim.
Ming bitta xasratga yuragim talosh,
Og`zimdan olovdek otilar baytim.
Sog`indim,
Sog`indim,
Daxshatli bu tush,
Kelib meni o`zing uyg`ot sevgilim.
Yurakda vaxima qilmoqda huruj,
Mayda o`yinlarda kelmas engilgim.
Miyam o`n ming kodli qulfga o`hshaydi,
Uni ocholguvchi kaliti sensan.
Ahad sensizlikka qanday chidaydi,
O`zingni aybdor bil agarda sinsam.
Uyning xar burchagi seni eslatar,
Ko`zim qon, dunyoni yoqvorgim kelar.
Bundanam bo`lishi mumkinmi battar,
Qonim qaynagancha bo`lganim bo`lar...
Sog`indim,
Og`rindim,
Daxshatli bu tush,
Kelib meni o`zing uyg`ot sevgilim.
Yurakda vaxima qilmoqda huruj,
Mayda o`yinlarda kelmas engilgim... Tavsiya qilamiz
Tush.UZ - Tushlar tabiri