Ahad Qayum
BORGAN SARI GO`ZALLASHIB BORYAPSAN
Borgan sari go`zallashib boryapsan,
Ammo battar qaysarlashib boryapsan,
Meni qiynab o`jarlashib boryapsan,
Ado bo`ldim,
Axvolimni ko`ryapsan...
Sevasanmi, sevmaysanmi bildirmay,
Kelasanmi, kelmaysanmi sezdirmay,
Kel, muxabbat qasrin obod etaylik,
Yonimda bo`l,
Ko`p o`zingdan bezdirmay... O`ZIM
Bu zor-zor ko`zim,
Yorug` yulduzim,
Senga vafodor,
O`zim.
Ishonmaysan-a,
Aytaman yana,
Qalbim och mana,
O`zim.
G`amingni egan,
Bir seni degan,
Xayotin bergan,
O`zim.
Kel ey azizim,
Mendan olisim,
Bahtli qilaman,
O`zim.
Afsonangdagi,
Ostonangdagi,
Peshonangdagi,
O`zim!!! AZIZIM...
Shu safar rostini aytgin sen menga,
Yo`qsa hayolimdan shubxang ketmaydi.
Azizim, ko`zimga qarachi, senga
Meni sevish uchun nima etmaydi?
Dunyoni poyingga poyondoz etsam,
Yolg`iz muxabbatim bir seni kutsam,
Xayotdan jon berib seni deb o`tsam,
Yana sevish uchun nima etmaydi?
Bu xam kammi senga rostin ayt yoki,
Olislarda yurmay ortga qayt yoki,
Qaytmasman sababin bilmasdan toki,
Senga sevish uchun nima etmaydi?
Taqdirni birovga bo`lmas almashib,
Shundog`am yo`limiz ketdi chalkashib,
Ayt, tokay yashaymiz xislar talashib,
Senga sevish uchun nima etmaydi?
Muxabbat!
Nima u?
Mendan so`raysan,
Lablaring yopishmas dir dir titraysan,
Ertaga ko`zimga qanday qaraysan,
Senga sevish uchun nima etmaydi?
Bas qil,
Etar endi yolg`on qo`shiqlar,
Eng sof tuyg`ularga ochgin eshiklar,
Topilmas Ahadday telba oshiqlar,
Senga sevish uchun nima etmaydi?
Shu safar rostini aytgin sen menga,
Yo`qsa hayolimdan shubxang ketmaydi.
Azizim, ko`zimga qarachi, senga
Meni sevish uchun nima etmaydi? SEVARJON!
Sirli Ц sirli ko`zlaringda ne yashirin,
Mayin Ц mayin so`zlaringda ne yashirin.
Kelib holim so`rashlaring buncha shirin,
Bir bor boqsang ming o`rtanib kuyar jon.
Seni sevmay bo`ladimi Sevarjon!
Muhabbating ado qildi yomon, yomon,
Qo`ygan sharting bunchalar ham osmon, osmon.
Visolingni qilma endi armon, armon,
Bir bor boqsang ming o`rtanib kuyar jon.
Seni sevmay bo`ladimi Sevarjon!
Qachonlardir sen meniki bo`ladirsan,
Quchog`imda o`ynaydirsan, kuladirsan.
Bir kun meni o`zing izlab keladirsan,
Bir bor boqsang ming o`rtanib kuyar jon.
Seni sevmay bo`ladimi Sevarjon!
YIG`LAMA...
Yig`lama, yig`lashga arzimaydi u,
Ko`ksingni tig`lashga arzimaydi u.
Yurakni dog`lashga arzimaydi u,
O`n gulingdan biri ochilmay so`lma.
Yolg`on muxabbatning qurboni bo`lma.
Ertaga sevgingni zavoli tutib,
Chekkan azoblaring uvoli tutib.
Ming bir pushaymonda kelar u qaytib,
O`n gulingdan biri ochilmay so`lma.
Yolg`on muxabbatning qurboni bo`lma.
Bir kuni poyingga kelar cho`kib tiz,
Meni kechir deydi, bilmadim esiz.
Qalbini yaralar o`tmish-u, afsus,
O`n gulingdan biri ochilmay so`lma.
Yolg`on muxabbatning qurboni bo`lma.
Tanda joning omon, shunga shukur qil,
Uni hech o`ylama, Hudoga topshir.
Pastlarning oldida, tur doim mag`rur,
O`n gulingdan biri ochilmay so`nma.
Yolg`on muxabbatning qurboni bo`lma. ONAMGA XAT
Bu xayotning loy ko`chalari,
Oyog`imni tayirdi ona.
Buhoroga ko`p borolmayman,
Toshkent bizni ayirdi ona!
Yil sanaydi bechora otam,
Qachon sizni bahtli qilaman,
Toshkentlarda ijod qilsam xam,
Buhoroni yahshi ko`raman!
Nima qilay, Vatanim uchun,
Bir fidokor jangchi bo`lay deb,
Qo`rsatsin deb qurolning kuchin,
Tig`dan o`tkir she`rlarim yozib.
Hotinining bag`rida pisib,
Yotadigan mudroqlar emas,
Vatan uchun ko`ksini tutib,
Fidokorlar kerak unga bas.
Sog`inasiz, yig`laysiz kel deb,
Ijod mendan ustunmi deysiz,
Hatlar yozib shaxarga xar kun,
Qaytib bergin o`g`limni deysiz...
Mening bitta qurbonim bilan,
O`zbekiston yana gullasa,
Rozi bo`ling onajon mendan,
Halqim meni dildan qo`llasa.
Mexnatkash el dardini yozib,
O`g`lingman deb yozarman yona,
Endi faqat sizning farzandmas,
Butun yurtning o`g`liman ona.
Yil sanaydi bechora otam,
Qachon sizni bahtli qilaman,
Toshkentlarda ijod qilsam xam,
Buhoroni yahshi ko`raman! MUXABBATGA HIYONAT QILMANG!
Yana ketar bo`lsangiz agar,
Undan ko`ra umuman kelmang.
Mayli men deb yonmasangiz xam,
Muxabbatga hiyonat qilmang.
O`zingizni sevsangiz qancha,
Chin sevgiga ishoning shuncha,
Qalbingizda ko`z ochgan g`uncha,
Muxabbatga hiyonat qilmang.
Izingizdan yurgan nokaslar,
Go`yo siz deb olar nafaslar,
O`tar bir kun xoyu xavaslar,
Muxabbatga hiyonat qilmang.
Boshingizga tushsa ham g`amlar,
Bir sinovdir bundayin damlar,
Mag`rur turib ayting: Odamlar!
Muxabbatga hiyonat qilmang.
Afsus chekmok ohir keladi,
So`ngi fursat og`ir keladi,
Pushaymonlar ko`ksing tiladi,
Muxabbatga hiyonat qilmang.
Eslasangiz goho Ahadni,
Uyg`oting siz dilda shavqatni,
Kutsangiz ham menden toqatni,
Muxabbatga hiyonat qilmang.
Yana ketar bo`lsangiz agar,
Undan ko`ra umuman kelmang.
Mayli men deb yonmasangiz xam,
Muxabbatga hiyonat qilmang. MUXABBAT ASLIDA
Muxabbat
aslida,
zaxmatdir,
toqatdir,
roxatdir,
abaddir.
Qarang qofiyadosh qanchalar..
Baribir muxabbatga
eng go`zal qofiya
qismatdir.
Yana bir qator qofiyalar bor:
Odat,
ofat,
xasrat,
nafrat...
Bular ko`ngilga bir birovini boshlab kiradi,
Odat ofatni,
ofat xasratni,
xasrat nafratni...
Qani endi shularning qatoriga
shavqat qo`shilganida...
O`z o`zidan omad xam unga ergashardi,
Ammo bu mening qo`limda emasda,
Lekin istardimki men shuni faqat,
Visol oni bo`lsin taqdirlarda hat,
Unga eng yaqini bo`lmasa qismat,
Ey vox....
qofiyasiz qolar muxabbat. NEGA?!
Kuzning chinqirig`i yaproqqa ermak,
Hazonning ko`z yoshi tuproqqa ermak,
Oshiqlarning oxi gumroxga ermak,
Nega?
Meni istar ko`ngil, menga yor emas,
Men istagan dillar menga zor emas,
Orsizga hiyonat nega or emas,
Nega?
Kechagi shabnamday ochilgan g`uncha,
Mingta qo`ldan o`tar bo`yga etguncha,
Bu dunyo naxotki beshavqat shuncha,
Nega?
Nega bahtning qasri mendan begona,
Nega vafo darsi sendan begona,
Bugun biz yolg`onmas chindan begona,
Nega... Nega?
Nega!!!
Yiqildim, tizzamni tirnadi tikan,
Yurakdagi dardim o`zimdan ulkan,
NEGA o`zgalardek kulmayman men xam,
Nega?
Kimdir deydi, Ahad o`tib ketadi,
Azoblar ko`ngilni yirtib ketadi,
Xar laxza ilxom dil chertib ketadi,
Nega?
Kuzning chinqirig`i yaproqqa ermak,
Hazonning ko`z yoshi tuproqqa ermak,
Oshiqlarning oxi gumroxga ermak,
Nega? BAHTLI BO`LGIN EY KELINCHAK...
Ota uyning bo`ldim dema begonasi,
Seni kutar endi yoring ostonasi,
Xar insonning taqdiri bor peshonasi,
Bahtli bo`lgin ey kelinchak, yig`lamagin.
Bu uyda xam o`z uyingdek o`ynab-kulgin,
O`sha uying, o`sha ota onang bilgin,
Endi o`g`il qizlaringga ona bo`lgin,
Bahtli bo`lgin ey kelinchak, yig`lamagin.
Qara, otang sendan battar ezilmoqda,
Onaginang ko`zidan yosh sizilmoqda,
Farishtalar boshing uzra tizilmoqda,
Bahtli bo`lgin ey kelinchak, yig`lamagin.
Endi senga tog`dek suyanch bo`lgay kuyov,
Sevolmaydi seni xechkim udek birov,
Qo`ygin endi xammaga xam bor bu sinov,
Yig`lamagin ey kelinchak, yig`lamagin.
So`rarim bor go`shangangda yangalardan,
Aytmasinlar senga engil yallalardan,
Allalardan gapirsinlar, allalardan,
Bahtli bo`lgin ey kelinchak, yig`lamagin.
Ahad sizga qo`sha-qo`sha bahtlar tilar,
Bahtingizdan, axdingizdan tahtlar tilar,
O`z qizingga aytarsanam o`tsa yillar,
Bahtli bo`lgin ey kelinchak, yig`lamagin.
Ota uyning bo`ldim dema begonasi,
Seni kutar endi yoring ostonasi,
Xar insonning taqdiri bor peshonasi,
Bahtli bo`lgin ey kelinchak, yig`lamagin. Tavsiya qilamiz
Tush.UZ - Tushlar tabiri