Ahad Qayum
OSMON YIG`LAR...
Osmon yig`lar, yuragimda osmon yig`lar,
Seni sevdim, ko`nglim ichra gumon yig`lar,
Sen kelmasang, hazon kelar, armon yig`lar,
Aytgil nega meni eslab kelmay qo`yding,
Aytgil nega tushlarimga kirmay qo`yding.
Sog`inganda, tushlarimda ko`rar edim,
Seni o`ylab shirin hayol surar edim,
Vasling uchun, jonimni xam berar edim,
Nega mening muxabbatim yolg`on yo`yding,
Aytgil nega tushlarimga kirmay qo`yding.
Otam aytar, qiz bolaga ko`ngil berma,
Onam aytar, bo`ldi uni o`ylayverma,
Do`stim aytar yuragingni qiynayverma,
Gar kelmasang, aytgil unda nega suyding,
Aytgil nega tushlarimga kirmay qo`yding.
Baxorlarning gullarida bir rang yo`qday,
Xofizlarning kuylarida oxang yo`qday,
Bahtim yo`qday, darding o`qday, bag`rim cho`g`day,
Bag`rim ichra aytgil buncha g`ussa uyding,
Aytgil nega tushlarimga kirmay qo`yding.
Osmon yig`lar, yuragimda osmon yig`lar,
Seni sevdim, ko`nglim ichra gumon yig`lar,
Sen kelmasang, hazon kelar, armon yig`lar,
Aytgil nega meni eslab kelmay qo`yding,
Aytgil nega tushlarimga kirmay qo`yding. SEVGINI HOR QILGANNI..
Biriga va`da berib, boshqani yor qilganni,
Ishqning uvoli tutsin sevgini hor qilganni.
Muxabbat mangu osmon, unga sig`maydi yolg`on,
O`ldirar xaqqi vijdon, sevgini hor qilganni.
Quyon ko`z, quyon yurak, sherga taqlid ne kerak,
Bir joni sakkiz bo`lak, sevgini hor qilganni.
Na yashaydi na o`lar, kuzak kelmay to`kilar,
Dil kuylagi so`kilar, sevgini hor qilganni.
Erkak bo`lsin, hox ayol, lafzin asrasin xalol,
Umrini aylar zavol, sevgini hor qilganni.
Oshiq Ahad talpinur, garchi taqdir xal qilur,
Biling, shayton axlidur, sevgini hor qilganni.
Biriga va`da berib, boshqani yor qilganni,
Ishqning uvoli tutsin sevgini hor qilganni. KUTGANLARIM BEKORMI?!
Menga dilda asragan, muxabbating kerakdir,
Oshig`ingni zor etmoq, balki senga ermakdir,
Vasling menga tilakdir, ishqim senga ertakdir.
Yo`llaringda intizor, kutganlarim bekormi?
Suyganlarim bekormi, kuyganlarim bekormi,
Seni o`ylab tunlar qon, yutganlarim bekormi.
Mexring yomon ekan yor, jabring yomon ekan yor,
Keladi deb beqaror, kutganlarim bekormi?
Ko`zlaring humor menga, so`zlaring humor menga,
Sen yonimda bo`lsang yor, kuzlarim bahor menga.
Ayriliq yondirganda, xajringdan og`ringanda,
Sog`inganda aytgin yor, kutganlarim bekormi? MEN SEVAMAN, TANLAGANIM
Men sevaman, tanlaganim,
O`zgasiga solishtirmay,
Majnun misol suyganimni,
Laylolardan qolishtirmay.
Men sevaman, molu davlat,
Nasabini surushtirmay,
Uy joylarim ko`z-ko`z qilib,
Tillolarni tiqishtirmay,
Men sevaman, yuragimni,
Aqlim bilan urishtirmay,
Men sevaman, muxabbatga,
Hiyonatni qorishtirmay... BEVAFOYIM...
Bevafoyim, o`zi yurak bormi sizda,
Sadoqatdan biror darak bormi sizda?
Hasrat ichra o`taversa bu umrimiz,
Yashamoqdan ayting kerak bormi bizga?
Bevafoyim, ko`z yoshlarim ummon bo`ldi,
Siz ketdingiz yomon bo`ldi, yomon bo`ldi.
Keladi deb men o`zimni ovutgandim,
Qaytishingiz yolg`on bo`ldi, yolg`on bo`ldi.
Bevafoyim, chap qanotim ingrayverar,
Yaralangan bemor qushdek yig`layverar.
Qullarida hanjar tutgan hotiralar,
Yuragimni ayamasdan tig`layverar.
Bevafoyim, bunga qancha chidash mumkin,
Ko`tarolmay qoldim ahir hijron yukin.
Selda qolgan imoratdek nurayapman,
Erga cho`kib borayapman sekin-sekin.
Bevafoyim, garchi dilni dardlik qildim,
Sadafdan sof edi ko`nglim gardlik qildim.
Siz o`ylamang, Ahadga ham zorlar ko`pdir,
Boshqasini tanlamasdan mardlik qildim.
Bevafoyim... SOG`INISHDAN BOSHQA ILOJ YO`Q!
Yoningga men borolmasam yor,
Xoling ne deb so`rolmasam yor,
Dilginamni yorolmasam yor,
Sog`inishdan boshqa iloj yo`q.
Yuragimda yonadi bir cho`g`,
Ayrilig`ing dilga otar o`q,
Hayolimdan seni izlayman,
Sog`inishdan boshqa iloj yo`q.
Sevolmasam sendan o`zgani,
Aytginchi kim sevadi mani,
Bo`lsa boshqa yo`l ko`rsat qani,
Sog`inishdan boshqa iloj yo`q.
Yomg`irli yo`llarda tayrildim,
Nixol edim, sindim, qayrildim,
Ohir mana sendan ayrildim,
Sog`inishdan boshqa iloj yo`q.
Yoki boshqa yo`li bormi ayt,
Oshiq dilim shuncha hormi ayt,
Seni eslab bitaman she`r-bayt,
Sog`inishdan boshqa iloj yo`q.
Yoningga men borolmasam yor,
Xoling ne deb so`rolmasam yor,
Dilginamni yorolmasam yor,
Sog`inishdan boshqa iloj yo`q. MUXABBAT!
Muxabbat qayg`umas, muxabbat kulgu
Muxabbat uyqumas, muxabbat tuyg`u,
Muxabbat og`umas, muxabbat orzu,
Muxabbat nima u, muxabbat yog`du!
Yurakda o`chmasin ishqning jilosi,
Alamga ko`chmasin ishqning jilosi,
Xijronning tushmasin boshga balosi,
Muxabbat otash bu, muxabbat cho`g` bu!
Hayolimni oldi yulduzlar raqsi,
Oydagi dog`lar bu, oshiqlar aksi,
Javobin topganday ko`ngillar baxsi,
Muxabbat aksingdur, muhabbat ko`zgu!
Meni rom ayladi ey yor jamoling,
Bir zum orom bermas dilni visoling,
Bilmadim qaydadir manzil makoning,
Muxabbat sezgi bu, muxabbat sevgi!
Xar nafasda ming bor noming so`yladim,
Aqlu xushim berib seni o`yladim,
Sening darding bilan mudom kuyladim,
Muxabbat cholg`u bu, muhabbat kuy bu!
Mendek bilarmikan o`zga qadringni,
Darig` etma jonim dildan mexringni,
Olislardan sezdim soxir sexringni,
Muxabbat jodumi, muxabbat ezgu?
Seni izlagayman tog`u toshlardan,
Ahtarib yurgayman ko`zda yoshlardan,
So`ragayman bog`da dilgir qushlardan,
Muxabbat go`zallik, muxabbat oxu!
Ahad, bir kun bitar dilning yarasi,
O`z-o`zidan tinar ko`zning jolasi,
Kimlargadir etsa yurak nolasi,
Muxabbat ko`ngil bu, muxabbat gul bu!
Muxabbat qayg`umas, muxabbat kulgu,
Muxabbat uyqumas, muxabbat tuyg`u,
Muxabbat og`umas, muxabbat orzu,
Muxabbat nima u, muxabbat yog`du! ALDAB-SULDAB KO`NDIRAMAN BIR KUNI.
Bunchalar makkorsan, bunchalar o`jar,
Qarmog`imga ildiraman bir kuni.
Mayli sen qiynayver, bo`laver qaysar,
Aldab-suldab ko`ndiraman bir kuni.
O`zingga ishlatib ayyorligingni,
Nozik joying topib sendek tulkini.
Sezmay xam qolasan roziligingni,
Aldab-suldab ko`ndiraman bir kuni.
Shayton xam xayrondir seni yoningda,
Chetga olar hijolatda o`zini,
Shunday arqon tashlay bir kun bo`yningga,
Aldab-suldab ko`ndiraman bir kuni.
Aytib qo`yay, bilmaskansan manisan,
Ogox etay, jonim bilib qo`y shuni.
Men roziman bugun qancha qiynasang,
Aldab-suldab ko`ndiraman bir kuni.
EY TENTAK QIZ...
Ey tentak qiz, tentak qiz,
Menga aytma ertak qiz,
Sevaman deb aldama,
Sening darding cho`ntak qiz.
Deysan menga keraksiz,
Boymisiz deb so`raysiz,
Yuragim sizda deysan,
Demak sen bir yuraksiz.
Ey jinni qiz, telba qiz,
Dunyoni tor bilma qiz,
Oltindan qasr qurib,
Yashaganlar bor bahtsiz.
Mening boyligim dildir,
Muxabbatim oltindir,
Uni senga bermayman,
Eplasang tortib olgil.
Ey tentak qiz, tentak qiz,
To`qimagin cho`pchak qiz,
Sayoq yurgan tayoq er,
Bir kun eysan kaltak qiz...
AYTGAN TIL...
Aytgan til, suygan dil, kuygan og`izmi,
Dil sanchar, qon sachrar og`riq ildizmi,
Tindizmi, ko`ndizmi yoki sindizmi,
O`zingizdan sovib qoldizmi yoki,
Yana bilmay sevib qoldizmi yoki?
Boshqalar mendaymas ko`zizga qarang,
Bir aytdim qo`ydim-da o`zizga qarang,
Ming tusda tovlanar yuzizga qarang,
Tanlab tanxosini topdizmi yoki,
Uning xam oyog`in o`pdizmi yoki?
Yoki yarim tunda uyiga borib,
Go`yo farishtadek ko`nglingiz yorib,
Ilondek chirmashib qo`yniga kirib,
To`shagida zahar tutdizmi yoki,
To tonggacha chaqib yotdizmi yoki?
O`zi men axmoqman, hayolparast go`l,
Do`stlarim koyidi Ц Ahad sevmay o`l,
Tushimda olisdan chorlaydi bir qo`l,
Muxabbat qo`l etmas yulduzmi yoki,
Hatolar bir umr afsusmi yoki?
Dunyoni tushundim faqat qiynalsam,
Ho`sh, nima bo`lardi sizga uylansam,
Hudo bir asrabdi endi o`ylansam,
Birga yasholmasdik sezdizmi yoki,
Mening sof qalbimdan bezdizmi yoki?
Toshda gul unsa xam ildiz otmaydi,
Oshiqlar xislarin arzon sotmaydi,
Sizning ozoringiz jonga botmaydi,
Ishq yo`li shunchalar qaltismi yoki,
Xar qadam ming bitta hadismi yoki? Tavsiya qilamiz
Tush.UZ - Tushlar tabiri