Ahad Qayum
YOLG`ON.
Bilganlaring xam,
Sezganlaring xam,
Sevganlaring xam,
Yolg`on.
Yolg`on, suyganing,
Ko`ngil qo`yganing,
Yonib kuyganing,
Yolg`on.
Dilim to`la qon,
Til to`la gumon,
Qara, to`rt tomon,
Yolg`on.
Mendek do`sting yo`q,
Bir chin so`zing yo`q,
Nega rosting yo`q,
Yolg`on.
Olamlaring xam,
Bu g`amlaring xam,
Qasamlaring xam,
Yolg`on. XALOVATSIZ O`TADI TUNLAR...
Xalovatsiz o`tadi tunlar,
Bu jonimni azobga tashlab,
Yana dilda sevgi uchqunlar,
Sen uchragan laxzadan boshlab.
Kelolmayman o`zimga xali,
Ishonmayman ko`zimga xali,
So`z izlayman bayon etgali,
Sen uchragan laxzadan boshlab.
Tinch qo`ymaydi o`tli nigoxing,
Kishan etdi dardu sipoxing,
Ma`vo tutdim qalbi dargoxing,
Sen uchragan laxzadan boshlab.
Aqlim loldir tushmi yo ro`yo,
Sen xam meni kutgansan go`yo,
Yuragimga sochildi ziyo,
Sen uchragan laxzadan boshlab.
Sen uchragan laxzadan boshlab,
O`zimdamas azmu qarorim,
Sen uchragan laxzadan boshlab,
Hayolimda o`zingsan yorim. QACHON UNUTAMAN KO`ZLARINGIZNI.
Butunlay unutdim so`zlaringizni,
Yurakdan o`chirib izlaringizni,
Ayting, ey baqaror bevafoginam,
Qachon unutaman ko`zlaringizni.
Eslolmayman, xolim so`rashlaringiz,
Sochlaringiz qanday tarashlaringiz,
Yoddan chiqarolmay qarashlaringiz,
Qachon unutaman ko`zlaringizni.
Ne bor nigoxingiz yog`dularida,
Ne bor ko`zlaringiz jodularida,
Tinch qo`ymay tushlarim uyqularimda,
Qachon unutaman ko`zlaringizni.
Qancha urinsam xam bo`lmayaptida,
Ayriliqqa yurak ko`nmayaptida,
Meni ko`zlaringiz aldagandida,
Qachon unutaman ko`zlaringizni.
Hayol osmonimda o`chmas yulduzni,
Yuragimni tutgan ikki ildizni,
Mavjlari soxilga sig`mas dengizni,
Qachon unutaman ko`zlaringizni. SOG`INCHINGSIZ, SENSIZ, SEVGINGSIZ...
Hayolimdan ketmaysan aslo,
Tushlarimda tinch qo`ymay xatto,
Xayotimda qolmadi ma`no,
Sog`inchingsiz,
Sensiz, Sevgingsiz.
Osmonga boq, bizdanda mayus,
Tuproq uzra hazondir afsus,
Armon bilan bo`ldim yuzma yuz,
Sog`inchingsiz,
Sensiz, Sevgingsiz.
Ketolmay, xasratlar shaxridan,
Ichaman xijronning zaxridan,
Qo`rqaman alamning qaxridan,
Sog`inchingsiz,
Sensiz, Sevgingsiz.
Dil daftari-muxabbatnoma,
Dil dardlari mendan devona,
Bahtim izlab bo`ldim ovora,
Sog`inchingsiz,
Sensiz, Sevgingsiz.
Xasratim tiqilar tomoqqa,
Tunlarim o`tmoqda ingroqda,
Qanday yashay sendan uzoqda,
Sog`inchingsiz,
Sensiz, Sevgingsiz.
Yo`limizda kimlar chox qazdi,
Do`st-u dushman oramiz buzdi,
Ishonchimiz saxrodek to`zdi,
Sog`inchingsiz,
Sensiz,
Sevgingsiz...
SEVIB QOLGANIMNI SEZMABMAN...
Bir boqdimu ko`zimni uzib,
Sen go`zaldan ko`ngil uzmabman.
Yuragimning yonganin sezib,
Sevib qolganimni sezmabman.
Savol berib to`ydi do`stlarim,
Mening g`amim eydi do`stlarim,
O`zgaribsan deydi do`stlarim,
Sevib qolganimni sezmabman.
Endi qaytib sevmayman devdim,
Ishq dardiga yana tutildim,
O`zim xayron, qachon dil berdim,
Sevib qolganimni sezmabman.
Yo`llarimni to`r qildi sevgi,
Izlaringga zor qildi sevgi,
Ikki ko`zim ko`r qildi sevgi,
Sevib qolganimni sezmabman.
Sezmabmana qarang shuncha payt,
Yurak aytar bor o`ziga ayt,
Aql aytar bu hatardan qayt,
Sevib qolganimni sezmabman.
Qayga ketdi dil qasamlari,
Pushaymondan qochdimmi nari,
Etmasmidi avvalgilari,
Sevib qolganimni sezmabman.
Bir boqdimu ko`zimni uzib,
Sen go`zaldan ko`ngil uzmabman.
Yuragimning yonganin sezib,
Sevib qolganimni sezmabman. TILINGNI TIY DEDILAR
Tilingni tiy dedilar, g`arazni qo`y dedilar,
U-ku bevafo ekan, boshqani suy dedilar.
Ko`zlarim ochdi sevgi, mendanam kechdi sevgi,
Labimga bo`sa tutib, qonimni ichdi sevgi.
Yurakkinam sen eshit, senga g`amli bir qo`shiq,
Aytayin nolam bilan, aytayin dardim qo`shib!
Oxlarim otilganda, muxabbat sotilganda,
Gunox o`tdi ayt kimdan, qasding bormi yo menda.
Dunyodir tosh tarozi, Ahad dunyodan rozi,
Bulbul yuragi tinmas, tushmas qo`lidan sozi. SOCHIN TARAYDI BIR QIZ
Sochin taraydi bir qiz, yo`llar qaraydi bir qiz,
Sevgan yorini kutib, bahtlar so`raydi bir qiz.
Tilak aytar yomg`irga, qalbi to`la mexrga,
Qochar g`iybat ig`vodan, ishonadi taqdirga.
Tole`i kulganida, kutgani kelganida,
Hasadchilar lol qolar, eng bahtli bo`lganida.
Ibolidir, xayoli, ko`ngli oppoq chiroyli,
Har uyni obod etar, dunyoda eng vafoli.
Ahadni rom aylagan, yuragini boylagan,
Suygani bo`lmaganda, bo`lar eri saylagan.
Sochin taraydi bir qiz, yo`llar qaraydi bir qiz,
Sevgan yorini kutib, bahtlar so`raydi bir qiz.
Tavsiya qilamiz
ESET NOD32 Bazasi