Sog'inch satrlari

Humor etar visol onlari,
Ishq bog'ini kezolmayapman.
O'kinch boshqa muhabbat boshqa,
Sizdan ko'ngil uzolmayapman.
Sog'inch hissi bamisli ozor,
O'zga taqdir tuzolmayapman.
Yo'llarizga ko'zim intizor,
Sizdan ko'ngil uzolmayapman.

Kipriklar yasharkan ko'zni soginib.
Tillar yasharkan so'zni soginib.
Qirg'oqni soginib yashaydi daryo.
Men esa yashayman seni soginib

Yo'qsizu yonimda bordeksiz go'yo.
Yurakdan sog'inib ketaveraman.
Kelmogiz men uchun bir tushu ro'yo.
Har nafas soginib ketaveraman

Yaproqlar shivirlab tolmagan kecha,
Osmonda yulduzlar porlagan kecha,
Sukunat izmiga chorlagan kecha,
Bilmadim sog'indim sizni bugun o'zgacha..

Asta varaqlayman umrim kunini,
Tonglarga bosh qo'yar sog'inch ko'z yumib,
Kim to'lar sevgimning o'tli xunini,
Ne uchun kelmaysan "sog'inganman" deb?!

Sendan uzoqlashsam xasratda yonib,
Yoningga bormoqni istab qolaman.
Yoningda bo'lganda mehringga qonib,
Bir dam sog'inmoqni istab qolaman...

Men ketaman.
Afsuslarga bosh urasiz.
Terib oling,
singan dilni to`kib ketgum.
Ko`zingizdan ikki tomchi yoshoqqanda-
O`shal sog`inch yoshlariga cho`kib ketgum..

Yuragimda tog'day tosh,
Ko'zlarimda sog'inch, yosh.
Sevib qoldim, nailoj..
Sizni yomon sog'indim..

Sog'indim sog'inchli salomim sizga,
Sevgilim sanoqli soniyam sizga,
Sevgimni so'ndirmang, so'ldirmang
Soniyam sarflanmasin sanoqli sevgiga....
Sizga sevgimni so'zlarman sekin,
Sizdan sado..?
Siz so'zlamaysiz...
Sog'inchla sabrim sarg'aymoqda-ku...
Siz sukutdasiz..?
So'zlamaysiz....
Soniyalar sarflanar sevgim sarobiga,
Sizni so'zlaringiz sevinchsiz...
Salomim so'nmoqda sukutingizdan,
Sukutingiz so'zlatar siz SEVMAGANSIZ....

Shunday bir kun kelsa - xotirjam, xushhol
Tole`ing doriga ko`nglimni ossam...
Dunyoda borligim keltirmay malol,
Bosgan izlaringni ko`zimga bossam...

Shunday bir kun kelsa - quyoshli, nurli,
Hijron zindonlarin qulfi yechilsa...
Umidlar bag`rida tongdek sehrli
Diydor dunyosiga yo`llar ochilsa...

Shunday bir kun kelsa - taqdirning taxti
Bir sho`r peshonamga bitilgan bo`lsa...
Firoq rangidagi armon daraxtin
Poyiga xazoni to`kilgan bo`lsa...

Shunday bir kun kelsa - sog`inch degan rang
O`tmish xotiriga ketilsa yutib.
Xudoyim hukmida qarshimga chiqsang -
Sevging gullarini qo`limga tutib...

Shunday bir kun kelsa...
Ikkimiz birga -
Baxtiyor umrni yashab o`tolsak...

< 1 2 3 4 5 > >>

Tavsiya qilamiz

Bosh sahifa