Ayriliq va Armon
Yuragingga sig’madi hokisor sevgim,
Sevib ishontirolmagan gumonim mening.
Yo’lingda bo’zlab qoldi beozor sevgim,
Peshonamga bitilmagan armonim mening.
Bizga juda yarashardi sog’inib yashash,
Izlarga nigohlardan poyandoz to’shash,
Nasib etmadi afsus, bitta “baxt” yasash,
Taqdirdan kutilmagan armonim mening.
Rashk o’tida yonardim, birov senga qarasa,
Shamolga qasd qilardim, sochlaringni tarasa,
Orzu qilardim, sevgim bor umringga yarasa,
Baxt tomon yetolmagan armonim mening.
Yuragimga in qurdi, la’nati hijron,
Umid bog’im etagida izillar hazon,
Yetim qolgan sevgim, o’lolmay sarson,
Boy bergan, yutilmagan armonim mening.
Visol nasib qilmagan armonim mening… Mendan xafa bo’lmang; yo’q bo’lib qolsam. Dardingiz gardiga yana dard solsam
Qaniydi, o’lguncha mehringiz olsam
Ishqingiz ko’yida bo’lyapman ado
Sizni panohida asrasin Xudo
Mendan ranjib yurmang; so’rayman uzr
Sizdan, faqat sizdan ko’rdim ko’p xuzur
Sizni yaratganga qilaman shukur
Majburman, demoqqa jonim alvido
Sizni panohida asrasin Xudo.
Xohlamay ketmoqqa qiynaldim rosa
Qaniydi, hamma ham sizdayin bo’lsa
Sevmaslikka qurg’ur bu yurak ko’nsa
So’rang, shu jonimni qilayin fido
Sizni panohida asrasin Xudo.
Men uchun ehtiyot qiling joningiz
Mendan ko’ra ko’pdir mehriboningiz
Havasim bor, kimdir bo’lsa yoringiz
Rashk meni mehrdan qilmasin judo
Sizni panohida asrasin Xudo.
Izlamang, iltimos! Tushmasin ko’zim
Topilmay qoladi, hech bitta so’zim.
Zo’rg’a kuch topoldim ketmoqqa o’zim
Dilim tub-tubidan yangrar bir nido
Sizni panohida asrasin Xudo.
Sog’inchning ko’ksidan itardim tinmay
Menga mehringizdan berib erinmay
Hatto, qo’yibsiz-ku chin dildan kulmay
Deb yurmang: ko’ngliga kirdim deb xato
Sizni panohida asrasin Xudo.
Qarang tashvishlarga qo’yibman sizni
Kechiring, mendayin fikri ojizni
Taqdir tinmay sinab, qiynaydi bizni
Uzr! Boshingizga bo’ldim bir balo
Sizni panohida asrasin Xudo
Siz hali baxtingiz topasiz
albatta qarg'amang, ilojsiz insonman faqat
Sizga berolganim chindan muhabbat
To’xmatlarga qolib, bo’ldim-ku gado
Sizni panohida asrasin Xudo.
O’z-o’zimga tinmay kulaman gohi
Saxro ekan ishqning har qadam bog’i
Men g’aribning tugamas sababsiz ohi
Sevinchlardan sizni qilmasin judo
Sizni panohida asrasin Xudo... Tavsiya qilamiz
Tush.UZ - Tushlar tabiri