LABLARINGDA SHAKAR BORMIDI

Lablaringda shakar bormidi,
Bol ichinda zaxar bormidi?

Bu ko`zlarim senga zormidi,
Men tomonga nazar bormidi?

Buncha o`tli-o`tli boqursan,
Kiprigingnda hanjar bormidi?

Adashdimmi yor seni sevib,
Muxabbatda hatar bormidi?

Boshqasini tanla bor deysan,
Sendan o`zga go`zal bormidi?

Ishqim-karvon, o`zing sarbonim,
Bundan olis safar bormidi.

Ey Ahad bu dayri xijronda,
Zulmat ichra saxar bormidi...
Do'stlarizga ulashing: