Ramazon taqvimi 29.03.2024
Saharlik - 4:51 | Iftor - 18:48
*Toshkent vaqti bilan
Fleshkani virus "bosib", fayl va papkalar yo`qolib qolganda...
Sizlar bilan hozirgi kunda ko`p uchrayotgan muammolardan biri: Fleshkadagi fayl va papkalarning "o`z-o`zidan g`oyib bo`lib qolishi" haqida o`zim bilganlarimni baham ko`rmoqchiman. ...Bir kuni Siz fleshkangizni (farqi yo`q, kompyuter fleshkasi yoki tel. fleshkasi) notanish kompyuterga tiqdingiz va fleshkada kechagina bo`lgan fayl yoki papkalar yo`q bo`lib qoldi, ularning o`rniga esa o`sha nomdagi .exe fayllar paydo bo`lib qolgan. Masalan, fleshkangizda RASMLAR degan papka bo`lgan edi, komp.ga tiqqandan keyin RASMLAR.exe bo`lib qoldi. Papka ikonkasi ham g`alati (xira tortgan). Endi nima qilaman? ... Hech ham xavotirga o`rin yo`q, endi men sizga ertak aytib beraman, garchi hozir ertak eshitadigan ahvolda bo`lmasangiz ham =) Bir bor ekan, bir yo`q ekan... Ok! Bo`ldi, gapni qisqa qilamiz! Gap shundaki, Siz fleshkangizni tiqqan komp. da antivirus yo`q yoki bo`lsa ham bazasi juda eskirgan va xalq tili bilan aytganda "virus bosgan". Siz fleshkani zararlangan komp.ga tiqqaningizda virus fleshkangizga "yuqqan" va papkalaringizni nomini "o`g`irlab", o`zining .exe chalarini yaratgan, sizning papkalaringizni esa "скрытый" qilib qo`ygan. "скрытый" qilganda ham oddiy emas, "системный" papkaga aylantirgan. Odatda, komp.dagi oddiy "скрытый" fayl va papkalarni ko`rish uchun quyidagi ketma-ketlik bajariladi: "Сервис" -> "Свойства папки"-> "Вид" ga kirib "Показывать скрытые файлы и папки" degan joy tanlanib, "Применить" va "OK" bosiladi. Lekin, shunaqa qilgan taqdirda ham "системный" fayl va papkalar ko`rinmaydi. Ularni ko`rish uchun quyidagi ketma-ketlikni bajaramiz: "Сервис" -> "Свойства папки"-> "Вид" ga kirib "Скрывать защищенные системные файлы (рекомендуется)" degan joydagi "ptichkani" olib tashlaymiz hamda "Применить" va "OK" bosamiz. Xo`sh? Papkalaringiz joyida turgan ekanmi? =) Yaxshi, endi ushbu papkalrni "Свойства" siga kirsak "Атрибуты" degan joyida "Скрытый" da ptichka turibdi, lekin uni olib bo`lmaydi. Shunaqami? Men ilgari bunaqa paytda o`zimcha aqllilik qilib "системный" bo`lib qolgan papkalarimning ichidagi fayllarni olib, boshqa papkaga tashlab, "системный" bo`lib qolgan papkani o`chirib tashlardim. Bu ham bir tomondan to`g`ri. Lekin, fleshkada 100 dan ziyod papka bo`lsachi? Shuncha papka yaratib, yana ichidagi fayllarni o`tkazish uchun anchagina vaqt ketadi! Lekin, qarangki, "системный" papklar hali "tamom" degani emas ekan =) Ularni oddiy papka holiga qaytarish uchun oddiygina "Total Commander" kerak bo`larkan xolos! Demak, "системный" bo`lib qolgan papkani oddiy papkaga aylantirish uchun "Total Commander" ga kirib, fleshkamizni ichiga kiramiz, "системный" bo`lib qolgan papkalar yonida "qizil undov belgisi" bo`ladi. Agar "Total Commander" "системный" papkalarni ko`rmayatgan bo`lsa, unda quyidagi ketma-ketlikni bajaramiz: "Конфигурация" -> "Настройка" ->"Содержимое панелей" ga kirib "Показывать скрытые/системные файлы (только для опытных!)" degan joyiga ptichka qo`yamiz. "только для опытных!" deb qo`yibdimi? Demak, biz uchun ekan :) "Применить" va "OK" ni bosamiz. Xo`sh? Ko`rindimi? Ajoyib! Endi o`sha "системный" bo`lib qolgan papkalarni tanlab chiqamiz. Buning uchun kerakli papka ustiga kelib "Shift" tugmasini bosib turamiz va uni qo`yib yubormasdan klaviaturada joylashgan 4 ta strelkadan "pastga yo`nalgan strelkani" bosamiz. Bunda belgilangan fayl rangi qizil bo`lib qoladi. Masalan: Bizda "papka1", "papka2", "papka3", "papka4" va "papka5" papkalari bor, biz esa faqat "papka2" va "papka4" ni belgilamoqchimiz. Nima qilamiz? "papka2" ni ustiga kelamiz, "Shift" ni bosamiz, va pastga strelkani bosamiz, "papka3" kerak bo`lmagani uchun "Shift" ni qo`yib yuboramiz, yana pastki strelkani bosamiz, "papka4" ning ustiga kelib qoldik, yana "Shift" ni bosamiz va yana pastki strelkani bosamiz. Ana, papkalarni belgilab oldik. Endi quyidagi ketma-ketlikni bajaramiz: Biz hali Total Commanderni ichidamiz, esingizdan chiqmasin =) "Файлы" -> "Изменить атрибуты" ga kiramiz va "Архивный", "Только для чтения", "Скрытый", "Системный" degan joylardagi ptichkalarni olib tashlaymiz. Va har doimgidek "Применить" va "OK" ni bosamiz. Tabriklayman! Siz papkalaringizni o`z holiga keltirdingiz! Endi virusga keladigan bo`lsak, o`sha komp.ga antivirus qo`yish kerak va iloji boricha bazasini tez-tez (hech bo`lmasa haftasiga bir marta) yangilab turish kerak!
Tavsiya qilamiz
Яндекс.Метрика