QAZON (DEG) Tushdagi qazon asli tarso bo‘lgan xona xizmatkoridir. Qo‘lida yangi va katta qazon borligini ko‘rsa, xizmatkori omonatga xiyonat qilmaydigan ekaniga dilildir. Agar qazoni kichkina, eski va iflos ekanini ko‘rsa, ta’biri aksincha bo‘ladi. Tushida qazoni tushib ketgani va singanini ko‘rsa, xizmatkorining o‘lishiga dalildir. Ibn Sirin (r.a.) aytadi: Tushdagi yangi qazon xotin bo‘ladi. Ta’birchilarning aytishlaricha, qazon uy xo‘jaligi bo‘ladi. Tushida qazon olsa yoki unga birov qazon bersa, olovga qo‘yib, ovqat pishirayotgan bo‘lsa, bir ish tufayli podshohdan unga manfaat yetishiga dalil bo‘ladi. Tushida mis yoki tosh qazonga ega bo‘lsa, qazonning qimmatiga muvofiq foyda topadi. Qazon sopoldan bo‘lsa, bir ish qilishi va bu qilgan ishi tufayli xonadon boshlig‘idan biror narsa topishiga dalolat qiladi. Qazonni olovga qo‘ysa va qazon ichida hech narsa bo‘lmasa, bir odamni ishga soladi va bu ish o‘ziga foydasiz bo‘ladi. Kirmoniy (r.a.) aytadi: Tushdagi qazon uy xo‘jaligi yoki xona xodimiga dalolat qiladi. Qazonda go‘sht va ovqat bor bo‘lsa, ranjsiz unga rizq yetadi. Qazoni singanini ko‘rsa, xona xo‘jayini va bekasining har ikkovining o‘lishiga dalildir. Ja’far Sodiq (r.a.) aytadi: Tushdagi qazon beshta narsani bildiradi: uy xo‘jayini; xona bekasi; boshliqni; xodimni; hojatni ravo qilishga bog‘langan vakilni.
ҚАЗОН (ДЕГ) Тушдаги қазон асли тарсо бўлган хона хизматкоридир. Қўлида янги ва катта қазон борлигини кўрса, хизматкори омонатга хиёнат қилмайдиган эканига дилилдир. Агар қазони кичкина, эски ва ифлос эканини кўрса, таъбири аксинча бўлади. Тушида қазони тушиб кетгани ва синганини кўрса, хизматкорининг ўлишига далилдир. Ибн Сирин (р.а.) айтади: Тушдаги янги қазон хотин бўлади. Таъбирчиларнинг айтишларича, қазон уй хўжалиги бўлади. Тушида қазон олса ёки унга биров қазон берса, оловга қўйиб, овқат пишираётган бўлса, бир иш туфайли подшоҳдан унга манфаат етишига далил бўлади. Тушида мис ёки тош қазонга эга бўлса, қазоннинг қимматига мувофиқ фойда топади. Қазон сополдан бўлса, бир иш қилиши ва бу қилган иши туфайли хонадон бошлиғидан бирор нарса топишига далолат қилади. Қазонни оловга қўйса ва қазон ичида ҳеч нарса бўлмаса, бир одамни ишга солади ва бу иш ўзига фойдасиз бўлади. Кирмоний (р.а.) айтади: Тушдаги қазон уй хўжалиги ёки хона ходимига далолат қилади. Қазонда гўшт ва овқат бор бўлса, ранжсиз унга ризқ етади. Қазони синганини кўрса, хона хўжайини ва бекасининг ҳар икковининг ўлишига далилдир. Жаъфар Содиқ (р.а.) айтади: Тушдаги қазон бешта нарсани билдиради: уй хўжайини; хона бекаси; бошлиқни; ходимни; ҳожатни раво қилишга боғланган вакилни.
Tush.UZ - Tushlar tabiri