QOPLON (PALANG) Ibn Sirin (r.a.)ning aytishicha, tushdagi qoplon kuchli va qudratli dushmanni bildiradi. Agar qoplon bilan jang qilayotganini ko‘rsa, o‘z dushmani bilan xusumatlashadi va uning dushmani muzaffar bo‘ladi, ya’ni qoplon uning ustidan g‘alaba qilsa, demak, dushman uning ustidan g‘olib keladi. Agar u qoplon ustidan g‘olib kelsa, demak, dushman ustidan g‘alaba qiladi. Agar qoplonning go‘shtidan yeyayotganini ko‘rsa, jangu janjalga qolishini bildiradi, lekin zafar qazonib, sharaf va ulug‘lik topadi. Kirmoniy (r.a.) aytadiki, qoplonning ustiga minganini ko‘rsa, izzat va obro‘yining oshishiga va dushmanga qahr qilishiga dalil bo‘ladi. Agar qoplon bilan jang qilayotganini, biroq hech biri g‘olib kelolmayotganini ko‘rsa, podshoxdan katta xavf yetishi yoki og‘ir kasallik yuz berishiga dalil bo‘ladi, biroq undan shifo topadi. Agar qoplonning ustidan uchayotganini ko‘rsa, dushmandan xavf yetishiga va oqibatda bu xavfdan qutulishiga dalil bo‘ladi. Agar qoplonning terisini yoki suyagini yoki yungini qo‘lga kirittan bo‘lsa yoki kimdir unga berganini ko‘rsa, dushman molini o‘sha topgan narsasi mikdoricha topishini bildiradi. Agar qoplonni o‘ldirganini ko‘rsa, islomdan yuz o‘girishini va undan hech qanday xayriyat yo‘qligini bildiradi. Ja’far Sodiq (r.a.) aytadiki, tushda qoplonni ko‘rmoq uch narsani bildiradi: kuchli dushmanni; dushmandan mol topishini; podshohdan yetadigan xavfni.
ҚОПЛОН (ПАЛАНГ) Ибн Сирин (р.а.)нинг айтишича, тушдаги қоплон кучли ва қудратли душманни билдиради. Агар қоплон билан жанг қилаётганини кўрса, ўз душмани билан хусуматлашади ва унинг душмани музаффар бўлади, яъни қоплон унинг устидан ғалаба қилса, демак, душман унинг устидан ғолиб келади. Агар у қоплон устидан ғолиб келса, демак, душман устидан ғалаба қилади. Агар қоплоннинг гўштидан еяётганини кўрса, жангу жанжалга қолишини билдиради, лекин зафар қазониб, шараф ва улуғлик топади. Кирмоний (р.а.) айтадики, қоплоннинг устига минганини кўрса, иззат ва обрўйининг ошишига ва душманга қаҳр қилишига далил бўлади. Агар қоплон билан жанг қилаётганини, бироқ ҳеч бири ғолиб келолмаётганини кўрса, подшохдан катта хавф етиши ёки оғир касаллик юз беришига далил бўлади, бироқ ундан шифо топади. Агар қоплоннинг устидан учаётганини кўрса, душмандан хавф етишига ва оқибатда бу хавфдан қутулишига далил бўлади. Агар қоплоннинг терисини ёки суягини ёки юнгини қўлга кириттан бўлса ёки кимдир унга берганини кўрса, душман молини ўша топган нарсаси микдорича топишини билдиради. Агар қоплонни ўлдирганини кўрса, исломдан юз ўгиришини ва ундан ҳеч қандай хайрият йўқлигини билдиради. Жаъфар Содиқ (р.а.) айтадики, тушда қоплонни кўрмоқ уч нарсани билдиради: кучли душманни; душмандан мол топишини; подшоҳдан етадиган хавфни.
Tush.UZ - Tushlar tabiri