QORAQARG‘A (ZOG‘) Ibn Sirinning aytadiki, tushdagi qarg‘a fosiq, dini buzuq hamda ishlarda yolg‘on gapiruvchi kishiga dalildir. Tushida qarg‘ani tutib olganini yoki birov unga berganini ko‘rsa, yuqorida aytilgan sifatli kchshi bilan uchrashuvi va yomon ishlarga moyil bo‘lishiga dalildir. Agar qarg‘ani o‘ldirganini ko‘rsa, aytilgan sifatga ega bo‘lgan kishiga qahrini sochishiga dalil bo‘ladi. Agar bir joyda qarg‘alarning yig‘ilib turganini ko‘rsa, o‘sha yerda fosiqlar va o‘g‘rilar yig‘ilishiga dalildir. Agar qarg‘ani tutib olganini ko‘rsa, yaramas joydan birorta ne’mat topishiga dalildir. Kirmoniy aytadiki, agar bitta qarg‘ani ko‘rsa kanizakka dalil bo‘ladi, agar ko‘pgina qarg‘alarni ko‘rsa, lashkarga dalil bo‘ladi. Agar qarg‘aning terisini shilib olganini ko‘rsa, musofir ayol bilan zino qilishiga dalildir. Agar qarg‘ani o‘ldirganini ko‘rsa, oilasiga biror musibat yetishiga dalildir. Agar qarg‘aning o‘zi bilan so‘zlashayotganini ko‘rsa, har xil voqealarday xabardor bo‘lishiga dalildir. Agar ko‘p qarg‘alarning osmondan uchib kelganini va o‘tib ketganini ko‘rsa, qarg‘alarning ko‘plik mikdoriga mos lashkar paydo bo‘lishiga dalildir. Jobir aytadiki, agar o‘z ishtoni ichida qarg‘a hamda qirg‘ovulning paydo bo‘lib qolganini ko‘rsa, o‘z farzandi kanizagi bilan buzuqchilik qilishiga dalildir. Agar qarg‘ani davolayotganini ko‘rsa, o‘g‘ri odamga pandu nasihat qilishiga dalildir. Agar qarg‘ani topib olsa va uni yashirib qo‘ysa, buzuq va yomon ishlarni qidiruvchi bo‘lishiga dalildir. Agar qarg‘a uning uyidan biror narsani tumshug‘i bilan olib chiqib ketayotganini ko‘rsa, birorta buzuq odam uning uyidan birorta narsani o‘g‘irlashiga dalildir.
ҚОРАҚАРҒА (ЗОҒ) Ибн Сириннинг айтадики, тушдаги қарға фосиқ, дини бузуқ ҳамда ишларда ёлғон гапирувчи кишига далилдир. Тушида қарғани тутиб олганини ёки биров унга берганини кўрса, юқорида айтилган сифатли кчши билан учрашуви ва ёмон ишларга мойил бўлишига далилдир. Агар қарғани ўлдирганини кўрса, айтилган сифатга эга бўлган кишига қаҳрини сочишига далил бўлади. Агар бир жойда қарғаларнинг йиғилиб турганини кўрса, ўша ерда фосиқлар ва ўғрилар йиғилишига далилдир. Агар қарғани тутиб олганини кўрса, ярамас жойдан бирорта неъмат топишига далилдир. Кирмоний айтадики, агар битта қарғани кўрса канизакка далил бўлади, агар кўпгина қарғаларни кўрса, лашкарга далил бўлади. Агар қарғанинг терисини шилиб олганини кўрса, мусофир аёл билан зино қилишига далилдир. Агар қарғани ўлдирганини кўрса, оиласига бирор мусибат етишига далилдир. Агар қарғанинг ўзи билан сўзлашаётганини кўрса, ҳар хил воқеалардай хабардор бўлишига далилдир. Агар кўп қарғаларнинг осмондан учиб келганини ва ўтиб кетганини кўрса, қарғаларнинг кўплик микдорига мос лашкар пайдо бўлишига далилдир. Жобир айтадики, агар ўз иштони ичида қарға ҳамда қирғовулнинг пайдо бўлиб қолганини кўрса, ўз фарзанди канизаги билан бузуқчилик қилишига далилдир. Агар қарғани даволаётганини кўрса, ўғри одамга панду насиҳат қилишига далилдир. Агар қарғани топиб олса ва уни яшириб қўйса, бузуқ ва ёмон ишларни қидирувчи бўлишига далилдир. Агар қарға унинг уйидан бирор нарсани тумшуғи билан олиб чиқиб кетаётганини кўрса, бирорта бузуқ одам унинг уйидан бирорта нарсани ўғирлашига далилдир.
Tush.UZ - Tushlar tabiri