QORONG‘ULIK (TORIKIY) Ibn Sirin (r.a.)ning aytishicha, tushdagi qorong‘ulik din yo‘lidagi adashuvni bildiradi. Agar qorong‘ulikni topganini yoki birov unga berganini ko‘rsa, o‘sha qorong‘ulik mikdoriga qarab, zalolat va gumrohlik topishini bildiradi. Agar qorong‘ulikda turganini, qorong‘ulik yana ravshanlikka aylanganini ko‘rsa, tavba qilishiga, din yo‘li unga ochilishiga dalildir. Kirmoniy (r.a.) aytadiki, qorong‘u tushganini, qorong‘ulik yana yorug‘likka aylanganini, orqasidan yana qorong‘ulik tushganini ko‘rsa, uning munofiq ekanligiga dalildir. Alloh ta’olo aytadi: Chaqmoq ularning ko‘zlarini ko‘r qilgudek bo‘ladi. (U) har gal yoritganida (ozgina) yurib oladilar, ularga qoro-ng‘i tushirganida esa (joylarida) turib qoladilar. . . (Baqara surasi, 20-oyat). Jobir Mag‘ribiy (r.a.) aytadiki, tushdagi qorong‘ulik g‘amu anduh bo‘ladi. Agar havoning qattiq qorong‘u bo‘lganini ko‘rsa, o‘sha diyor odamlariga g‘amu anduh yuzlanishiga va ularning ishlari vayronagarchilikka yuz tutishiga dalildir. Agar havo ravshan bo‘lib, birdaniga qorong‘ulik tushganini ko‘rsa, o‘sha diyorda nogahoniy o‘limlar yuz berishiga dalildir. Ja’far Sodiq (r.a.) aytadiki, tushdagi qorong‘ulik besh narsani bildiradi: kufrni; xayronlikni; ishlarning yurishmasligini; bid’atni; zalolat va adashishini. Ismoil Ash’as (r.a.) aytadiki, agar tushida qorong‘ulikdan yorug‘likka chiqqanini ko‘rsa, kambag‘allikdan boyga aylanishini, g‘amlardan ozodlik topishini, ishlari yurishib ketishini va zalolatdan uzoq bo‘lishini bildiradi.
ҚОРОНҒУЛИК (ТОРИКИЙ) Ибн Сирин (р.а.)нинг айтишича, тушдаги қоронғулик дин йўлидаги адашувни билдиради. Агар қоронғуликни топганини ёки биров унга берганини кўрса, ўша қоронғулик микдорига қараб, залолат ва гумроҳлик топишини билдиради. Агар қоронғуликда турганини, қоронғулик яна равшанликка айланганини кўрса, тавба қилишига, дин йўли унга очилишига далилдир. Кирмоний (р.а.) айтадики, қоронғу тушганини, қоронғулик яна ёруғликка айланганини, орқасидан яна қоронғулик тушганини кўрса, унинг мунофиқ эканлигига далилдир. Аллоҳ таъоло айтади: Чақмоқ уларнинг кўзларини кўр қилгудек бўлади. (У) ҳар гал ёритганида (озгина) юриб оладилар, уларга қоро-нғи туширганида эса (жойларида) туриб қоладилар. . . (Бақара сураси, 20-оят). Жобир Мағрибий (р.а.) айтадики, тушдаги қоронғулик ғаму андуҳ бўлади. Агар ҳьавонинг қаттиқ қоронғу бўлганини кўрса, ўша диёр одамларига ғаму андуҳ юзланишига ва уларнинг ишлари вайронагарчиликка юз тутишига далилдир. Агар ҳаво равшан бўлиб, бирданига қоронғулик тушганини кўрса, ўша диёрда ногаҳоний ўлимлар юз беришига далилдир. Жаъфар Содиқ (р.а.) айтадики, тушдаги қоронғулик беш нарсани билдиради: куфрни; хайронликни; ишларнинг юришмаслигини; бидъатни; залолат ва адашишини. Исмоил Ашъас (р.а.) айтадики, агар тушида қоронғуликдан ёруғликка чиққанини кўрса, камбағалликдан бойга айланишини, ғамлардан озодлик топишини, ишлари юришиб кетишини ва залолатдан узоқ бўлишини билдиради.
Tush.UZ - Tushlar tabiri