QUDUQ (CHOH) Ibn Sirin (r.a.) aytadiki, tushdagi quduq ta’birda xotinni bildiradi. Agar tushida biror yerda quduq qaziyotganini ko‘rsa, xotin olishiga dalildir. Agar birovga quduq qazishda yordam berayotgan bo‘lsa, ayol bilan erkak orasida vositachi sifatida bir kishi bo‘lib, u makru hiyla bilan ayolni o‘sha kishiga berishni xohlaydi. Chunki quduq qazimoq makru hiylani bildiradi. Misolda aytiladiki, falonchiga choh qazidi desa, unga yomonlik va hiyla qilmoqchi, deganini bildiradi. Quduq suvi ayolning molu davlatini bildiradi. Agar har kim quduqdan suv ichayotganini ko‘rsa, ayolning molu davlatidan yeyishiga dalildir. Agar pishiq g‘iigglar bilan ko‘tarilgan birorta qudukdan suv ichayotganini ko‘rsa, bu ham ayol kishining boyligiga dalildir. Har kim tushida quduq qaziganini va undan suv chiqmaganini ko‘rsa, kambag‘al xotin olishiga dalildir. Kirmoniy (r.a.) aytadiki, agar mazasi shirin bo‘lgan quduq suvidan ichganini ko‘rsa, ayolning molini unga yoqmagan holda olib yeyipnna dalildir. Agar quduqning issiq suvidan ichayotganini ko‘rsa, ayolning moli tufayli jafo topishiga dalil bo‘ladi. Ba’zi ta’birchilarning so‘zlaricha, bemor bo‘ladi. Agar quduq suvini muzdek va shirin ko‘rsa, xotindan xayru manfaat topishiga dalildir. Agar quduqda suv ko‘p ekanligini ko‘rsa, ayolning oliyhimmat va saxiy ekanligiga, qudukda suv oz ekanini ko‘rsa, pastkash va yaramas ayolga dalildir. Agar quduq qazisa, tezda suv chiqsa, ayol bemor bo‘lishi va o‘z molini bemorlikda yeb bitirishiga dalildir. Agar qudukdan qora yoki ko‘k suv chiqsa, g‘amu anduh yetishiga, quduqdan oq suv chiqqanini ko‘rsa, meros topishiga dalil bo‘ladi. Agar suv quduq qa’riga kirib ketib, hech narsa qolmasa, xotinining o‘lishi va molining talon-taroj bo‘lishiga dalildir. Quduqning yer ostiga ko‘chib kirib ketishi ham ayolning halok bo‘lishiga dalil bo‘ladi. Kirmoniy (r.a.) aytadiki, agar kishi tushida suv olish uchun quduqqa chelak tashlaganini, biroq arqon uzilib, chelak quduqqa tushib ketganini ko‘rsa, chala farzand tug‘ilishiga dalildir. HIKOYaT. Xabarda kelishicha, bir kishi Abdulloh ibn Abbosdan: Tushimda quduqqa suv olish uchun chelak tashlaganimni ko‘rdim, biroq arqon ikkiga bo‘linib, bittasini tortib oldim, ikkinchisi quduqda qoldi, — deb ta’birini so‘radi. Abdulloh dedi: Sen ayolingdan uzokda eding. Ayoling olti oylik farzand turdi va uni dafn qildilar. Xaligi kishi: Men bu so‘zdan taajjubga tushdim, — dedi. Doniyol (a.s.) aytadilarki, har kim tushida ma’lum bir joyda quduq qaziyotganini ko‘rsa, o‘z yaqinlariga makru hiyla qilishiga dalildir. Ba’zi ta’birchilarning aytishicha, choh qazimoq va suv chiqarmoq nikoh hukmiga egadir. Agar birov uchun quduq qaziyotganini ko‘rsa, birovning nikohi uchun vositachi bo‘lishini bildiradi. Jobir Mag‘ribiy (r.a.)ning aytishicha, agar quduqdan suv olayotganini ko‘rsa, makru hiyla bilan boylik to‘plashiga dalildir, xususan bu quduqni o‘zi kavlagan bo‘lsa. Agar qudukdan chelakka suv olib, ko‘zaga quyayotganini ko‘rsa, o‘z molini yaxshilab saqlashiga dalildir. Agar qudukdan suv olib, yerga qo‘yayotganini ko‘rsa, molini nafaqa qilishini bildiradi. Agar quduqqa yiqilib ketganini ko‘rsa, makru hiylaga duchor bo‘lishini bildiradi. Agar bog‘ni sug‘orayotganini ko‘rsa, to‘plagan moliga xotin olishi yoki kanizak xarid qilishini bildiradi. Agar o‘sha bog‘da mevalar borligini ko‘rsa, xotini farzand tug‘ishiga dalildir. Ba’zi ta’birchilarning aytishicha, boqqa suv berayotganini ko‘rsa, o‘z xotini bilan yaqinlik qilishini bildiradi. Agar suv quduq qirg‘og‘iga to‘lib chiqib, oqib ketayotganini ko‘rsa, boshqa xotinga uylanishi va undan molu ne’mat topishiga dalildir. Ja’far Sodiq (r.a.) aytadiki, tushda quduq ko‘rmoq olti narsani bildiradi: xotinni; kanizakni; olimni; boyni; aldovni; makru hiylani. Quduq kavlovchi makru hiyla bo‘ladi.
ҚУДУҚ (ЧОҲ) Ибн Сирин (р.а.) айтадики, тушдаги қудуқ таъбирда хотинни билдиради. Агар тушида бирор ерда қудуқ қазиётганини кўрса, хотин олишига далилдир. Агар бировга қудуқ қазишда ёрдам бераётган бўлса, аёл билан эркак орасида воситачи сифатида бир киши бўлиб, у макру ҳийла билан аёлни ўша кишига беришни хоҳлайди. Чунки қудуқ қазимоқ макру ҳийлани билдиради. Мисолда айтиладики, фалончига чоҳ қазиди деса, унга ёмонлик ва ҳийла қилмоқчи, деганини билдиради. Қудуқ суви аёлнинг молу давлатини билдиради. Агар ҳар ким қудуқдан сув ичаётганини кўрса, аёлнинг молу давлатидан ейишига далилдир. Агар пишиқ ғиигглар билан кўтарилган бирорта қудукдан сув ичаётганини кўрса, бу ҳам аёл кишининг бойлигига далилдир. Ҳар ким тушида қудуқ қазиганини ва ундан сув чиқмаганини кўрса, камбағал хотин олишига далилдир. Кирмоний (р.а.) айтадики, агар мазаси ширин бўлган қудуқ сувидан ичганини кўрса, аёлнинг молини унга ёқмаган ҳолда олиб ейипнна далилдир. Агар қудуқнинг иссиқ сувидан ичаётганини кўрса, аёлнинг моли туфайли жафо топишига далил бўлади. Баъзи таъбирчиларнинг сўзларича, бемор бўлади. Агар қудуқ сувини муздек ва ширин кўрса, хотиндан хайру манфаат топишига далилдир. Агар қудуқда сув кўп эканлигини кўрса, аёлнинг олийҳиммат ва сахий эканлигига, қудукда сув оз эканини кўрса, пасткаш ва ярамас аёлга далилдир. Агар қудуқ қазиса, тезда сув чиқса, аёл бемор бўлиши ва ўз молини беморликда еб битиришига далилдир. Агар қудукдан қора ёки кўк сув чиқса, ғаму андуҳ етишига, қудуқдан оқ сув чиққанини кўрса, мерос топишига далил бўлади. Агар сув қудуқ қаърига кириб кетиб, ҳеч нарса қолмаса, хотинининг ўлиши ва молининг талон-тарож бўлишига далилдир. Қудуқнинг ер остига кўчиб кириб кетиши ҳам аёлнинг ҳалок бўлишига далил бўлади. Кирмоний (р.а.) айтадики, агар киши тушида сув олиш учун қудуққа челак ташлаганини, бироқ арқон узилиб, челак қудуққа тушиб кетганини кўрса, чала фарзанд туғилишига далилдир. ҲИКОЯТ. Хабарда келишича, бир киши Абдуллоҳ ибн Аббосдан: Тушимда қудуққа сув олиш учун челак ташлаганимни кўрдим, бироқ арқон иккига бўлиниб, биттасини тортиб олдим, иккинчиси қудуқда қолди, — деб таъбирини сўради. Абдуллоҳ деди: Сен аёлингдан узокда эдинг. Аёлинг олти ойлик фарзанд турди ва уни дафн қилдилар. Халиги киши: Мен бу сўздан таажжубга тушдим, — деди. Дониёл (а.с.) айтадиларки, ҳар ким тушида маълум бир жойда қудуқ қазиётганини кўрса, ўз яқинларига макру ҳийла қилишига далилдир. Баъзи таъбирчиларнинг айтишича, чоҳ қазимоқ ва сув чиқармоқ никоҳ ҳукмига эгадир. Агар биров учун қудуқ қазиётганини кўрса, бировнинг никоҳи учун воситачи бўлишини билдиради. Жобир Мағрибий (р.а.)нинг айтишича, агар қудуқдан сув олаётганини кўрса, макру ҳийла билан бойлик тўплашига далилдир, хусусан бу қудуқни ўзи кавлаган бўлса. Агар қудукдан челакка сув олиб, кўзага қуяётганини кўрса, ўз молини яхшилаб сақлашига далилдир. Агар қудукдан сув олиб, ерга қўяётганини кўрса, молини нафақа қилишини билдиради. Агар қудуққа йиқилиб кетганини кўрса, макру ҳийлага дучор бўлишини билдиради. Агар боғни суғораётганини кўрса, тўплаган молига хотин олиши ёки канизак харид қилишини билдиради. Агар ўша боғда мевалар борлигини кўрса, хотини фарзанд туғишига далилдир. Баъзи таъбирчиларнинг айтишича, боққа сув бераётганини кўрса, ўз хотини билан яқинлик қилишини билдиради. Агар сув қудуқ қирғоғига тўлиб чиқиб, оқиб кетаётганини кўрса, бошқа хотинга уйланиши ва ундан молу неъмат топишига далилдир. Жаъфар Содиқ (р.а.) айтадики, тушда қудуқ кўрмоқ олти нарсани билдиради: хотинни; канизакни; олимни; бойни; алдовни; макру ҳийлани. Қудуқ кавловчи макру ҳийла бўлади.
Tush.UZ - Tushlar tabiri