HAVO (HAVO) Ibn Sirin (r.a.)ning aytishicha, tushida havoning ravshan va sofligini ko‘rsa, o‘sha diyor odamlarining tandurust, maishati yaxshi, rohatda bo‘lishiga, ulamo va hikmat ahlining esa davlat va iqboli ziyoda bo‘lishiga dalildir. Agar havoning qorong‘i va xira ekanini ko‘rsa, o‘sha diyor ahliga g‘amu anduh yetishiga dalildir. Agar tushida havoning qizg‘in rangdaligini ko‘rsa, o‘sha diyorda jang va fitna bo‘lishiga dalildir. Agar havoning yashil ekanini ko‘rsa, o‘sha diyorda ekin, g‘alla va o‘ismliklar serob bo‘lishiga dalildir. Tushida havoning oppoq va tozaligini qo‘rsa, uning mikdoricha o‘sha diyorda ne’mat, kasb va maishat farovonligi bo‘lishiga dalildir. Kirmoniy (r.a.)ning aytishicha, tushida havoning changdan pok ekanini, biroq qattiq shamol turganini ko‘rsa, begona podshoh bu diyorga kirishiga dalildir. Tushida havoning bir qismi shahar yoki mahalla ustida ravshan va sof bo‘lganini ko‘rsa, o‘sha yili o‘sha mavzeda ne’mat, farovonlik, xayru manfaat bo‘lishiga dalildir. Agar xavoning har xil ekanini ko‘rsa, o‘sha diyor odamlarining ahvoli parishon bo‘lishiga dalildir. Ja’far Sodiq (r.a.)ning aytishicha, tushdagi havo besh narsaga dalildir: ulug‘likka; foydaga; salomatlikka; omonlikka; maishatga. Va bu besh dalil ravshan va sof havo haqidadir.
ҲАВО (ҲАВО) Ибн Сирин (р.а.)нинг айтишича, тушида ҳавонинг равшан ва софлигини кўрса, ўша диёр одамларининг тандуруст, маишати яхши, роҳатда бўлишига, уламо ва ҳикмат аҳлининг эса давлат ва иқболи зиёда бўлишига далилдир. Агар ҳавонинг қоронғи ва хира эканини кўрса, ўша диёр аҳлига ғаму андуҳ етишига далилдир. Агар тушида ҳавонинг қизғин рангдалигини кўрса, ўша диёрда жанг ва фитна бўлишига далилдир. Агар ҳавонинг яшил эканини кўрса, ўша диёрда экин, ғалла ва ўисмликлар сероб бўлишига далилдир. Тушида ҳавонинг оппоқ ва тозалигини қўрса, унинг микдорича ўша диёрда неъмат, касб ва маишат фаровонлиги бўлишига далилдир. Кирмоний (р.а.)нинг айтишича, тушида ҳавонинг чангдан пок эканини, бироқ қаттиқ шамол турганини кўрса, бегона подшоҳ бу диёрга киришига далилдир. Тушида ҳавонинг бир қисми шаҳар ёки маҳалла устида равшан ва соф бўлганини кўрса, ўша йили ўша мавзеда неъмат, фаровонлик, хайру манфаат бўлишига далилдир. Агар хавонинг ҳар хил эканини кўрса, ўша диёр одамларининг аҳволи паришон бўлишига далилдир. Жаъфар Содиқ (р.а.)нинг айтишича, тушдаги ҳаво беш нарсага далилдир: улуғликка; фойдага; саломатликка; омонликка; маишатга. Ва бу беш далил равшан ва соф ҳаво ҳақидадир.
Tush.UZ - Tushlar tabiri