HOVUZ (HAVZ) Ibn Sirin (r.a.) aytadiki, tushdagi hovuz ilm bo‘ladi. Agar tushida hovuzdagi toza pok suvdan ichganini ko‘rsa, ichganining mikdoriga qarab ilmdan bahra topishiga dalildir. Agar o‘zini hovuz suvida yuvayotganini ko‘rsa, toat tavfiqini topib, ma’siyatdan tiyilishiga dalildir. Agar hovuz suvini butunlay ichib yuborganini ko‘rsa, umrini salomatlik bilan o‘tkazishi va molining ziyoda bo‘lishiga dalildir. Kirmoniy (r.a.) aytadiki, tushida libosini hovuzda yuvayotganini ko‘rsa, ahli oilasining tavba qilib, din yo‘liga kirishini bildiradi. Agar libosini hovuzda yuvganini va suv ostida loyqalik paydo bo‘lganini ko‘rsa, ishini ilmga asosan qilmasligiga dalildir. Agar hovuz atrofida sabzalar o‘sib yotganini ko‘rsa, o‘z ilmidan manfaat topishi, xalq ham uning ilmidan foydalar ko‘rishiga dalildir, xususan hovuz o‘z mulki ekanini ko‘rsa. Agar biror yerdan suv oqib kirmasa ham hovuz suvining o‘z-o‘zidan ko‘payganini ko‘rsa, uning ilmi va moli hovuz suvining ko‘paygan mikdoriga muvofiq ko‘payishiga dalildir. Agar hovuz suvining sho‘r va loyqa holda ko‘rsa, hamu anduhga dalildir. Jobir Mag‘ribiy (r.a.) aytadiki, hovuzdan suv ichayotganini ko‘rsa, boy odamdan mol topishi va oqibati yaxshi bo‘lishiga dalildir. Ja’f ar Sodiq (r.a.) aytadiki, tushida hovuz ko‘rmoq to‘rt narsani bildiradi: foydali kishini; boy odamni; mol yig‘ishni; odamlar ilmidan foyda topadigan olim kishini.
ҲОВУЗ (ҲАВЗ) Ибн Сирин (р.а.) айтадики, тушдаги ҳовуз илм бўлади. Агар тушида ҳовуздаги тоза пок сувдан ичганини кўрса, ичганининг микдорига қараб илмдан баҳра топишига далилдир. Агар ўзини ҳовуз сувида юваётганини кўрса, тоат тавфиқини топиб, маъсиятдан тийилишига далилдир. Агар ҳовуз сувини бутунлай ичиб юборганини кўрса, умрини саломатлик билан ўтказиши ва молининг зиёда бўлишига далилдир. Кирмоний (р.а.) айтадики, тушида либосини ҳовузда юваётганини кўрса, аҳли оиласининг тавба қилиб, дин йўлига киришини билдиради. Агар либосини ҳовузда ювганини ва сув остида лойқалик пайдо бўлганини кўрса, ишини илмга асосан қилмаслигига далилдир. Агар ҳовуз атрофида сабзалар ўсиб ётганини кўрса, ўз илмидан манфаат топиши, халқ ҳам унинг илмидан фойдалар кўришига далилдир, хусусан ҳовуз ўз мулки эканини кўрса. Агар бирор ердан сув оқиб кирмаса ҳам ҳовуз сувининг ўз-ўзидан кўпайганини кўрса, унинг илми ва моли ҳовуз сувининг кўпайган микдорига мувофиқ кўпайишига далилдир. Агар ҳовуз сувининг шўр ва лойқа ҳолда кўрса, ҳаму андуҳга далилдир. Жобир Мағрибий (р.а.) айтадики, ҳовуздан сув ичаётганини кўрса, бой одамдан мол топиши ва оқибати яхши бўлишига далилдир. Жаъф ар Содиқ (р.а.) айтадики, тушида ҳовуз кўрмоқ тўрт нарсани билдиради: фойдали кишини; бой одамни; мол йиғишни; одамлар илмидан фойда топадиган олим кишини.
Tush.UZ - Tushlar tabiri