OLMA (SIB) Ibn Sirin (r.a.)ning aytishicha, tushdagi olma agar ko‘k bo‘lsa, farzandni bildiradi, qizil bo‘lsa, podshoxdan keladigan foydani, oq bo‘lsa, savdogarlardan keladigan foydani, sariq va nordon bo‘lsa, bemorlikni bildiradi. Agar tushida oq olmani ikkiga bo‘lganini ko‘rsa, biror ishda sherik bo‘lgan kishidan judo bo‘lishni bildiradi. Agar qizil olmani daraxtdan olganini va yeganini ko‘rsa, oilasida qiz tug‘ilishiGa dalildir. Kirmoniy (r.a.)ning aytishicha, tushdagi olma xayriyatni bildiradi. Agar olma achchiq bo‘lsa, noxush xabarni, shirin bo‘lsa, yaxshi xabarni bildiradi. Doniyol (a.s.) aytadilarki, tushida olmasini borligini ko‘rsa va uni yesa, foyda topadi. Olma tush ko‘ruvchining himmatini va uning sifatini bildiradi. Agar podshoh tushida olma ko‘rsa, mamlakat topishiga dalildir. Agar olmani savdogar ko‘rsa, tijorati yaxshi bo‘lishiga dalildir. Ja’far Sodiq (r.a.)ning aytishicha, tushdagi olma yetti narsaga dalildir: farzandga; foydaga; bemorlikka; kanizakka; molga; ulug‘likka; tush sohibining himmatiga.
ОЛМА (СИБ) Ибн Сирин (р.а.)нинг айтишича, тушдаги олма агар кўк бўлса, фарзандни билдиради, қизил бўлса, подшохдан келадиган фойдани, оқ бўлса, савдогарлардан келадиган фойдани, сариқ ва нордон бўлса, беморликни билдиради. Агар тушида оқ олмани иккига бўлганини кўрса, бирор ишда шерик бўлган кишидан жудо бўлишни билдиради. Агар қизил олмани дарахтдан олганини ва еганини кўрса, оиласида қиз туғилишиГа далилдир. Кирмоний (р.а.)нинг айтишича, тушдаги олма хайриятни билдиради. Агар олма аччиқ бўлса, нохуш хабарни, ширин бўлса, яхши хабарни билдиради. Дониёл (а.с.) айтадиларки, тушида олмасини борлигини кўрса ва уни еса, фойда топади. Олма туш кўрувчининг ҳимматини ва унинг сифатини билдиради. Агар подшоҳ тушида олма кўрса, мамлакат топишига далилдир. Агар олмани савдогар кўрса, тижорати яхши бўлишига далилдир. Жаъфар Содиқ (р.а.)нинг айтишича, тушдаги олма етти нарсага далилдир: фарзандга; фойдага; беморликка; канизакка; молга; улуғликка; туш соҳибининг ҳимматига.
Tush.UZ - Tushlar tabiri