SUZISH (SHINO KARDAN) Ibn Sirin (r.a.)ning aytishicha, tushdagi sof va toza suvda suzish hayotni hiyla va tadbir bilan o‘tkazishga intilishdir. Tushida suvda suzayotganini va unda g‘arq bo‘lganini ko‘rsa, dunyo moliga g‘arq bo‘lganini bildiradi. Kirmoniy (r.a.)ning aytishicha, daryoda suzib, qirg‘oqqa yetolmaganini ko‘rsa, podshoh uni amaldan olishiga dalildir. Agar tushida suzish oson ekanini ko‘rsa, ishlari ham oson bo‘lishiga dalildir. Agar qiyinchilik bilan suzayotganini ko‘rsa, ishlari og‘ir bo‘lishiga dalildir. Agar daryo qirg‘og‘ini ko‘rmayotga bo‘lsa, mahbus bo‘lishiga dalildir. Agar suv g‘alaba qilib, suv ichida o‘lganini ko‘rsa, dushmanlar qo‘lida halok bo‘lishiga dalildir. Agar g‘arq bo‘lishdan qutilib qolganini ko‘rsa, bu dunyo mashg‘ulotlaridan omonlik topib, oxirat ishlarini bajarishga kirishmog‘iga dalildir. Agar suv uni yer ostiga tortib ketganini ko‘rsa, unga bir g‘am yuzlanishiga dalildir. Agar suv ostidan yana yer yuziga chiqsa, g‘amdan qutilishiga dalil bo‘ladi. Mag‘ribiy (r.a.)ning aytishicha, tushida suzib daryodan chiqqanini va kiyimlarini kiyganini ko‘rsa, podshohning ishidan qutilganiga dalildir. Agar buning aksini ko‘rsa, ta’biri ham aksincha bo‘ladi. Agar katta daryoda suzib, qirg‘oqqa chiqqanini ko‘rsa, katta bir ishdan qutilganiga dalildir. Agar buning aksini ko‘rsa, o‘sha mashg‘ul bo‘lgan ishda qolishiga dalildir.
СУЗИШ (ШИНО КАРДАН) Ибн Сирин (р.а.)нинг айтишича, тушдаги соф ва тоза сувда сузиш ҳаётни ҳийла ва тадбир билан ўтказишга интилишдир. Тушида сувда сузаётганини ва унда ғарқ бўлганини кўрса, дунё молига ғарқ бўлганини билдиради. Кирмоний (р.а.)нинг айтишича, дарёда сузиб, қирғоққа етолмаганини кўрса, подшоҳ уни амалдан олишига далилдир. Агар тушида сузиш осон эканини кўрса, ишлари ҳам осон бўлишига далилдир. Агар қийинчилик билан сузаётганини кўрса, ишлари оғир бўлишига далилдир. Агар дарё қирғоғини кўрмаётга бўлса, маҳбус бўлишига далилдир. Агар сув ғалаба қилиб, сув ичида ўлганини кўрса, душманлар қўлида ҳалок бўлишига далилдир. Агар ғарқ бўлишдан қутилиб қолганини кўрса, бу дунё машғулотларидан омонлик топиб, охират ишларини бажаришга киришмоғига далилдир. Агар сув уни ер остига тортиб кетганини кўрса, унга бир ғам юзланишига далилдир. Агар сув остидан яна ер юзига чиқса, ғамдан қутилишига далил бўлади. Мағрибий (р.а.)нинг айтишича, тушида сузиб дарёдан чиққанини ва кийимларини кийганини кўрса, подшоҳнинг ишидан қутилганига далилдир. Агар бунинг аксини кўрса, таъбири ҳам аксинча бўлади. Агар катта дарёда сузиб, қирғоққа чиққанини кўрса, катта бир ишдан қутилганига далилдир. Агар бунинг аксини кўрса, ўша машғул бўлган ишда қолишига далилдир.
Tush.UZ - Tushlar tabiri